Hello，大家好，我哋係由韓國人每日提供最新韓國旅行資訊嘅Creatrip。
覺得韓國燒肉都係一式一樣？其實韓國燒肉有好多款，今日小編就去咗位於The Hyundai Seoul附近嘅一間韓國本地豬燒肉專門店「坊豚食堂」，呢度嘅招牌醬油五花肉吸引唔少韓國人去食，一齊睇吓有咩咁特別啦！
撳我睇Menu&預約詳情👇🏻
汝矣島「坊豚食堂」基本資訊
- 地址：서울 영등포구 국제금융로8길 2 B1F
- 營業時間：11:00-22:00（Break Time 15:00-17:00、Last Order 21:00)
- 語言：韓文、英文
汝矣島「坊豚食堂」實地探訪
今日小編嚟到位於汝矣島嘅「坊豚食堂」，呢間餐廳位於汝矣島站附近嘅農協財團大廈地下1樓，門口睇落好懷舊，而餐廳裝修同擺設都一樣咁有特色！
另外每張枱都會有部平板電腦可以用嚟叫嘢食，大家可以參考圖片落單！
落完單之後職員就會幫大家上小菜，「坊豚食堂」嘅小菜都係用當造食材整成，所以定期都會變。
1++韓牛牛胸肉大醬湯飯
平時湯飯都係要自己將飯加落湯，不過呢款大醬湯飯就會事先mix埋湯同飯然後再滾一陣，所以食落有少少似粥，入面仲有韓牛同豆腐等等嘅豐富食材，味道更加濃郁同暖胃！而家喺Creatrip預約之後寫埋評論可以免費得到一碗價值₩10,000嘅1++韓牛牛胸肉大醬湯飯，記住唔好錯過呢個優惠啦！
坊坊豚豚套餐（400g）
五花肉套餐（500g）
如果唔知食咩肉好，推薦大家叫坊坊豚豚套餐，入面包韓牛1++牛胸肉、薄切冷凍五花肉、新鮮五花肉同特製醬油五花肉；或者大家亦都可以叫五花肉套餐，咁就可以一次過食到薄切冷凍五花肉同新鮮五花肉！
將肉放上烤盤，燒到金黃色之後就可以開餐啦！薄切冷凍五花肉因為比較薄身，所以好快就會熟！
小編建議大家燒到開始出油嘅時候，放埋泡菜、蕨菜同芽菜等等嘅小菜上去燒，比起就咁食會更加好味！
金黃色嘅燒肉真係睇到都流曬口水...大家可以根據個人口味同其他小菜一齊配住食。「坊豚食堂」嘅豬肉全部都係經過240小時熟成嘅高質韓國本地豬肉，食落味道更豐富更juicy！
食韓國燒肉當然唔少得要用生菜同蘇子葉包肉食啦！將你鍾意食嘅所有嘢放上菜上面，然後包起就食得，不過記住唔好太貪心，如果唔係就會食到好論盡XD
醬油五花肉
輪到食「坊豚食堂」嘅招牌菜——醬油五花肉！通常燒調味過嘅肉都好容易燶，所以大家記住一定要用細火慢慢燒。
呢款醬油五花肉調味鹹鹹甜甜，小編覺得好送飯，同普通燒肉又有另一番魅力！
如果想一次過試曬咁多款特色韓國燒肉，推薦大家嚟位於The Hyundai附近嘅「坊豚食堂」，BTW記住唔好錯過Creatrip獨家優惠！
汝矣島「坊豚食堂」前往方法
汝矣島站（여의도역）5號出口出。
向出口反方向行。
轉左。
直行。
過馬路。
轉左。
直行。
轉右。
過馬路。
直行。
轉右。
見到呢個綠色招牌就差唔多到啦！
行入隔離 Food Square，落一層。
咁就去到「坊豚食堂」啦！
撳我預約👇🏻
以上係汝矣島「坊豚食堂」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
