樂天世界附近美食/好去處推薦
去蠶室唔好再只係去樂天世界！附近仲有好多美食/打卡景點等住大家去！
Hello，大家好，我哋係由韓國人每日提供最新韓國旅行資訊嘅Creatrip。
只要提到韓國主題公園，大家第一時間可能都會諗到樂天世界或者愛寶樂園。今日小編就整理好樂天世界附近嘅美食同一啲小貼士，等大家去玩嘅時候會開心啲！
樂天世界附近美食推薦
1. Ginger Bear（진저베어）
- 地址：서울 송파구 백제고분로41길 43-7
- 營業時間：12:00 - 21:00
- 小Tips：石村站（석촌역）1號出口行7分鐘、蠶室站（잠실역）2號出口行11分鐘
「Ginger Bear」位於蠶室附近，係一間專賣鹹批同甜品批嘅鋪頭，BTS SUGA、WINNER MINO、AOA 雪炫、演員宋江、李帝勳同崔顯旭等超多韓國明星都係呢度嘅熟客！
通常喺主題公園食嘢又貴味道又麻麻地，但嚟呢度保證大家都會食得滿足。
2. Cafe Pepper（카페페퍼）
- 地址：서울특별시 송파구 송파1동 백제고분로45길 12
- 營業時間：11:00 - 21:00
- 小Tips：松坡渡口站（송파나루역）1號出口行3分鐘、蠶室站（잠실역）10號出口行19分鐘
「Cafe Pepper」賣嘅所有甜品都係Gluten-free（零麩質），喺韓國真係好少有！加上佢就係喺樂天世界同首爾樂天塔附近，地理位置方便。
ITZY彩領、少女時代 Yuri、THE BOYZ 賢在、演員李帝勳同李陣郁等韓國明星都係呢度嘅常客，連Netflix自創劇集《Sweet Home》都有嚟過拍攝！
3. 松雞屋（송계옥）
- 地址：서울 송파구 올림픽로32길 38
- 營業時間：星期一至五 16:00 - 22:30、星期六至日 15:00 - 22:30（Last Order 21:30）
- 小Tips：松坡渡口站（송파나루역）2號出口行6分鐘
「松雞屋」係一間炭火燒雞肉專門店，除咗平時食開嘅雞脾肉、雞扒、雞柳之外，仲有其他特殊部位，超特別！呢度嘅伯爵茶High Ball好出名，連演員宋江都一試愛上！推薦大家都要嚟試吓！
4. 夢村炒辣雞（몽촌닭갈비）
- 地址：서울 송파구 석촌호수로 298
- 營業時間：11:30 - 21:00（Break Time 15:00 - 16:30/17:30、Last Order 20:20）
- 小Tips：松坡渡口站（송파나루역）1號出口行6分鐘
「夢村炒辣雞」位於首爾必去景點之一嘅石村湖水附近，係一間新開張冇耐嘅炒辣雞專門店！入面裝修勁復古，連餐牌都整到好似以前嘅報紙咁，好有特色！呢度嘅招牌Menu係「韓方炒辣雞」同「懷舊冷烏冬」，一熱一凍配住食，真係一流！
以上呢4間鋪頭，只要用「Creatrip特快通行證&優惠券」就可以即時入場 + 獨家優惠！唔想嚟旅行都要因為排隊哂曬啲時間？用佢就至啱啦！
樂天世界附近推薦活動
1. 租校服
好多年輕人都鍾意去主題樂園玩，難得去到當然要租返套校服扮學生，影返幾張靚相留念啦！想租但又唔識韓文或者唔知點做好，我哋而家有3間鋪頭合作緊，有需要嘅朋友都可以參考吓！
「梨花校服」資訊
- 地址：서울특별시 송파구 잠실동 40 B1 36-27
- 營業時間：09:00 - 22:00（最後歸還時間係21:30）
「感性校服」資訊
- 地址：서울 송파구 석촌호수로 234 4F
- 營業時間：星期日至四 09:00 - 21:00、星期五至六 09:00 - 22:00
「首爾校服」資訊
- 地址：서울 송파구 올림픽로 212 갤러리아팰리스 지하동 B1-17호
- 營業時間：09:00 - 21:00
2. 去石村湖
- 地址：서울 송파구 잠실동 47
如果大家鍾意啲靜態活動，可以去樂天塔附近嘅「石村湖」，一邊散步一邊欣賞首爾景色。
特別係春天，呢度被譽為賞櫻勝地，好多人都會嚟到打卡！望住咁靚嘅景色，真係令人覺得好放鬆，想短暫忘記煩惱，不如就嚟呢度散吓步啦！
3. 去樂天世界塔
- 地址：서울 송파구 올림픽로 300 117-123F
- 營業時間：星期日至四 10:30 - 22:00、星期五至六 10:30 - 23:00
唔知道大家知唔知韓國最高嘅建築物喺邊度呢？冇錯，就係「樂天世界塔」啦！佢高達555米，只要喺蠶室無論去到邊都會見到佢嘅蹤影，呢度仲有百貨公司、商場同酒店，喺度玩一日都得！
樂天世界附近酒店住宿推薦
樂天世界附近有好多住宿，但唔知邊間好？可以參考Creatrip全新推出嘅住宿服務，只要訂房仲送旅遊商品7折優惠券，最多可以減5萬韓幣！
之後去樂天世界唔好玩完就走，其實附近都有好景點等住大家去打卡㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
