Hello，大家好，我哋係由韓國人每日提供最新韓國旅行資訊嘅Creatrip。
韓國Cafe真係越開越多，每間都各有特色，無論係去嘆咖啡同朋友吹水，定係去影相，小編都好建議大家安排幾個去Cafe嘅行程！今日就等小編介紹幾間最近最受韓國人歡迎嘅首爾Cafe俾大家，記住要睇埋小編嘅獨家小貼士啊！
首爾人氣Cafe推薦&必知小貼士
1. Teddy Beurre House（테디뵈르하우스）
- 地址：서울특별시 용산구 한강대로40가길 42
- 營業時間：星期一至五 11:00 - 22:00、星期六至日 10:00 - 22:00
「Teddy Beurre House」係呢排龍山最hit嘅Cafe，最出名嘅係牛角包同門口呢隻熊啤啤！
呢度最受歡迎嘅Menu係開心果Cream Latte、開心果Kouign Amann（法式焦糖奶油酥）同薄脆牛角包！小編推薦大家食嘅時候可以用麵包點咖啡上面嘅開心果Cream食，開心果味會更濃郁！
周圍有好多熊啤啤公仔同Photo Zone，記住影返幾張靚相打卡啦！
小貼士
- Weekend通常都要等1個鐘以上，不過如果外賣就唔洗排隊！
- 用「Tabling」 App可以遠距離攞籌，咁就唔洗親身去現場等咁耐啦！
- 如果唔想等，建議開門時間去！
- 要注意雪糕通常都好快賣曬！
2. London Bagel Museum（런던베이글뮤지엄）
島山店（런던베이글뮤지엄 도산점）
- 地址：서울 강남구 언주로168길 33
- 營業時間：08:00 - 18:00
安國店（런던베이글뮤지엄 안국점）
- 地址：서울 종로구 북촌로4길 20
- 營業時間：08:00 - 18:00
相信唔需要小編多介紹，大家應該都聽過「London Bagel Museum」！呢度係一間Bagel專門店，就算大家知道要排長龍都會專程嚟食！
招牌Menu係芝士薯仔Bagel、倫敦巴士Bagel三明治、雙重煙肉薯仔Bagel三文治同蘑菇濃湯！因為呢度嘅Bagel都比較大件，如果自認胃口比較細，或者只係想試味，淨係叫Bagel都夠。不過如果係打算喺度解決一餐嘅話，小編強烈建議大家叫個湯飲！
呢度仲可以額外買Cream Cheese搽嚟食，有好多款口味，梗有一款大家會鍾意！
「London Bagel Museum」喺狎鷗亭、安國、濟州都有分店，全部都要排好耐先入到去。不過而家只要有Creatrip特快通行證&優惠券，就可以快速入場，唔洗排長龍！
小貼士
- 建議平日開門時間去，weekend通常最少都要等2個鐘先入到去！
- 由08:00開門開始可以現場排隊同攞籌！
- 平日09:00開始就可以用「Tabling」 App遠距離攞籌！
- 可以揀坐室內/室外位，不過一坐低就唔可以轉枱，另外亦可以揀外賣拎走！
- 如果太多人等緊，大家可以去隔離「Wiggle Wiggle」行陣街！
3. Ginger Bear（진저베어）
- 地址：서울 송파구 백제고분로41길 43-7
- 營業時間：12:00 - 21:00
「Ginger Bear」可以話係其中一間最受韓國明星歡迎嘅Cafe，連BTS SUGA、WINNER MINO、AOA 雪炫、演員宋江、李帝勳同崔顯旭等超多韓國明星都親自嚟排隊食呢度嘅焗批！
最出名嘅Menu係經典牛肉批、雞肉蘑菇批同燈籠椒濃湯，因為好足料，所以食一個都夠飽！
如果係2個人去嘅話，小編建議大家叫2款批 + 1個湯！
大家可以揀堂食或者外賣，不過小編個人比較推薦堂食，焗批新鮮熱辣辣嘅時候最好食啊嘛（不過注意如果要堂食，每人都要叫一杯飲品）！如果唔想排隊等咁耐，同樣可以買定Creatrip特快通行證&優惠券，可以快速入場之餘，只要消費滿₩20,000仲會送1杯價值₩10,000以下嘅飲品！更多優惠詳情可以撳我參考~
小貼士
- 可以由11:30開始排隊等位，12點開門入座。
- 堂食同外賣係兩條隊，大家記住睇清楚先排。
- 室外溫室位最受歡迎！
- 如果唔知食咩好，推薦大家揀Set 1或者Set 2！
- 如果要再加叫嘢食要重新排隊，另外放咗落碟就要買，所以買嘢食嘅時候記住要諗清楚再夾同俾錢！
4. BREADYPOST（브레디포스트）
龍山店（브레디포스트 용산점）
- 地址：서울특별시 용산구 한강대로44길 6 2F
- 營業時間：10:00 - 20:00
聖水店（브레디포스트 성수점）
- 地址：서울특별시 성동구 상원1길 5
- 營業時間：10:00 - 20:00
唔知道有冇人好似小編咁好鍾意食Pretzel（蝴蝶圈）呢？最近韓國最受歡迎嘅Pretzel鋪頭一定唔少得「BREADYPOST」，呢度有賣大約12款唔同口味嘅Pretzel，更加有Pretzel三文治，無論係嚟食Brunch定當甜品食都得！
呢度亦都可以額外買Cream Cheese搽嚟食，如果想口味有多啲變化，建議大家可以買多幾款Cream Cheese！不過「BREADYPOST」會咁受歡迎，係因為呢度嘅Pretzel夠煙韌，而且口味比較特別，有好多款都係得呢度先有，當中最多人叫嘅係牛油黑椒味（Butter Pepper Pretzel）同辣肉腸味（Pepperoni Pretzel），係呢度嘅招牌Menu！
雖然Cafe唔大，不過因為客人都算食得快，所以通常等一陣就會有位，如果大家趕時間都可以買外賣拎走（不過Butter Pepper Pretzel建議堂食）!「BREADYPOST」喺龍山同聖水都有分店，大家可以根據行程安排去邊間~
小貼士
- Cafe比較細，所以如果下晝去有可能要等比較耐！平日嘅話只要避開14:00左右時間，通常都好快有位。
- 可以外賣拎走，就算凍咗都好食！
- 如果當嚟食Brunch，推薦大家食法式火腿牛油Pretzel或者法國細蔥煙肉Pretzel！
- 每人必須叫一杯飲品。
以上就係最近最多韓國人去嘅首爾Cafe，去之前記住save低呢篇blog，參考以上嘅小貼士，咁就可以輕鬆去齊人氣Cafe啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
