Hello，大家好，我哋係由韓國人每日提供最新韓國旅行資訊嘅Creatrip。
韓國有好多的骰嘅文具雜貨鋪，相信唔少朋友嚟韓國玩都會買返幾樣嘢返屋企！今日要介紹嘅「Wiggle Wiggle（위글위글）」超受韓國年輕人歡迎，而且有好多明星藝人都會自己私底下去買呢度嘅product用~ 同韓國Idol用同款手機殼、著同款衫話咁易！
想去首爾最hit餐廳但唔想排隊？
買一套即享8間人氣店鋪即時入場 + 獨家優惠！
狎鷗亭「Wiggle Wiggle（위글위글）」介紹
狎鷗亭「Wiggle Wiggle」資訊
- 地址：서울 강남구 언주로168길 31
- 營業時間：11:00 - 20:00
- 小Tips：狎鷗亭羅德奧站（압구정로데오역）5號出口行7分鐘
狎鷗亭「Wiggle Wiggle」推薦原因
- 韓國生活雜貨店之中最受韓國年輕人歡迎，鮮艷顔色加上招牌白色花花真係超搶眼！
- 有賣手機殼、睡衣、公仔、貼紙等等各種生活小物，而且全部都好cute，買返去做手信一流！
- BLACKPINK、TWICE、IVE、NMIXX都係「Wiggle Wiggle」嘅擁躉，佢哋仲同LE SSERAFIM合作推出過聯名產品，開賣冇耐就賣斷貨！
狎鷗亭「Wiggle Wiggle」介紹
「Wiggle Wiggle」係一間近幾年超受歡迎嘅生活雜貨鋪，大膽嘅色彩運用加上招牌白色小雛菊，令唔少韓國人都鍾意買佢哋嘅家居用品、廚房用品、配飾同衫褲鞋襪等等嘅產品，而且買返去送俾朋友做手信都好啱~ 今日就等小編帶大家去位於狎鷗亭嘅「Wiggle Wiggle」參觀啦！
小編去嘅當日咁啱搞緊活動，只要加佢哋KakaoTalk就可以得到呢個勁cute嘅熊仔氣球~
大家未必聽過「Wiggle Wiggle」呢個名，不過就一定見過有好多韓國明星用！當中BLACKPINK嘅Jennie就有著過佢哋嘅襪同用過佢哋嘅手機殼！
當然唔少得TWICE嘅娜璉同子瑜啦~
「Wiggle Wiggle」之前仲同LE SSERAFIM合作推出幾款商品，開賣冇耐就已經即刻斷貨！
IVE安兪眞同NMIXX成員都有著過，當時好多fans都跟住偶像買同款！
「Wiggle Wiggle」總共有4層，小編決定先搭𨋢上4樓再一層層咁行落嚟。
連𨋢入面都充滿住呢朵花花，勁色彩鮮艷！
4樓
4樓賣嘅係運動用品，以最近韓國年輕人鍾意嘅網球同高爾夫球相關產品為主。
呢個網球護腕真係好cute！
另外有一個corner係賣手機殼、袋、滑鼠、滑鼠墊等等，好多設計都係得呢度先有。
再行入少少會見到一個裝飾到好似廁所嘅area，入面有好多好得意嘅產品，大家可以喺呢度搵到各種實用小物~
開party當然唔少得造型可愛嘅蠟燭啦~ 呢度有好多款蠟燭可以揀，不妨可以買定下次同家人朋友慶祝生日嘅時候用！
4樓嘅其中一個highlight就係呢幾個打卡位啦！
呢度色彩夠繽紛，而且每個位都好cute，無論點影都好靚！
3樓
跟住就一齊落去3樓睇吓啦！
呢度有好多生活用品賣，鍾意行生活雜貨鋪嘅朋友們應該會好興奮！
無論係拖鞋定襪都超有呢度嘅風格！
呢度亦都有LE SSERAFIM同其他韓國Idol都著過嘅睡衣同浴袍，睇啱嘅話不妨可以買返件偶像同款衫~
「Wiggle Wiggle」就好似一個展覽/陳列室咁，等大家可以一邊行街一邊影相，就算唔買嘢都可以好enjoy。
小編成日喺IG見到呢個上下顛倒房，不過好可惜去嘅時候冇開到...
3樓仲有一個以紅色為主調嘅Area~
最近梅雨季，大家可以買返幾把靚靚遮用！
2樓
2樓呢條通道兩邊擺滿襪同公仔，全部都睇落好舒服好吸引！
如果想買手信返去送俾朋友嘅話，相信買postcard或者貼紙大家都會鍾意！
另外仲有手機支架同杯等等嘅生活小物，cute到小編都忍唔住買咗個返屋企~
如果大家屋企有Crocs涼鞋，都可以喺度買到配件用嚟裝飾，令平平無奇嘅涼鞋變得更加鮮艷同可愛！
1樓
喺2樓落1樓條樓梯中間仲有一個Photo Zone，大家可以行入呢個「Wiggle Wiggle」花叢影相打卡~
1樓主要係收銀處同Photo Zone，仲有可以影人生四格嘅地方，不妨去影返張留念！
狎鷗亭「Wiggle Wiggle」前往方法
喺狎鷗亭羅德奧站（압구정로데오역）5號出口出。
直行，喺第二個路口（Paris Baguette）轉右。
繼續直行4分鐘，你會見到「Wiggle Wiggle」就喺「London Bagel Museum」附近。
以上係狎鷗亭「Wiggle Wiggle」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
