Hello，大家好，我哋係由韓國人每日提供最新韓國旅行資訊嘅Creatrip。
唔知大家有冇食過韓國嘅감자탕（薯仔排骨湯）呢？勁大嚿豬骨加上辣湯，令人一試愛上！不過每間餐廳嘅薯仔排骨湯湯底都超唔同，今日要介紹嘅餐廳最特別嘅地方係加咗豆渣呢款特別材料，令普通嘅薯仔排骨湯升華到另一個層次！
撳我睇Menu同預約詳情👇🏻
明洞「豆骨炭骨薯仔排骨湯」營業資訊
- 地址：서울 중구 명동3길 21 2F
- 營業時間：11:00 - 24:00
明洞「豆骨炭骨薯仔排骨湯」小編實測
今日小編帶大家嚟到位於明洞嘅「豆骨炭骨薯仔排骨湯」！呢間薯仔排骨湯專門店位於乙支路入口站徒步5分鐘距離，好容易就去到。
鋪頭相當闊落，小編當日4點左右去到，所以冇咩客人~ 呢度燈光都適中，啱曬影食物相！
豆渣酸泡菜薯仔排骨湯（小)
豆渣菜乾薯仔排骨湯（小）
落完單職員就會上咗小菜先，分別有辣蘿蔔、泡菜、生洋葱同辣椒、包飯醬同用嚟點肉食嘅汁。
用湯殼將豆渣同湯撈勻，開始滾之後就要𢳂啲湯落菜上面煮熟佢。
湯入面會有一棵完整嘅酸泡菜，大家可以將佢剪成一口大細。可能係因為小編加咗一份菜乾，辣辣地嘅菜乾加上泡菜嘅酸味令成個湯變得非常濃郁同入味！
薯仔排骨湯入面嘅肉上枱之前已經煮熟曬，所以只要個湯滾，熬多一陣，等啲菜都熟埋就可以開餐！
用嚟點肉食嘅汁係黃芥末加醋、糖、豉油同水調製而成，可以消除油膩感。
小編個人覺得排骨肉點醬汁再配酸泡菜呢個組合最好食！食到咁上下大家仲可以叫多個炒飯食，飯粒會吸收曬所有湯底精華，真係冇得彈！
明洞「豆骨炭骨薯仔排骨湯」前往方法
喺乙支路入口站（을지로입구역）5號出口行出嚟。
直行。
第一個路口轉右。
直行。
經過兩個十字路口之後，你會見到「豆骨炭骨薯仔排骨湯」喺你嘅右邊。
行上2樓就到啦！
撳我預約👇🏻
以上係明洞「豆骨炭骨薯仔排骨湯」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
