景福宮歷史/文化
關於景福宮17個小秘密！景福宮曾經係一片廢墟？大長今喺入面生活過？
Hello，大家好，我哋係由韓國人每日提供最新韓國旅行資訊嘅Creatrip。
相信景福宮係好多人嚟韓國嘅時候都會去嘅景點之一，今日小編想同大家介紹呢個地方嘅背景文化，如果對歷史有興趣嘅朋友，話唔定解答到大家一啲難題。
「景福宮」文化介紹
1. 景福宮用咗幾耐時間去建造？
太祖創立朝鮮後，最先開始做嘅就係建造供奉王族嘅宗廟，以及王室、臣子居住宮殿。景福宮殿於太祖3年（1395年）12月起施工，喺第二年9月完工，設有討論國家事務嘅地方、國王同王后居住寢殿、大臣工作地方以及圍牆、出入大門等。
2. 青瓦台原本都係景福宮嘅一部分？
청와대
如今韓國總統所在嘅青瓦臺位置，原本係景福宮後苑嘅一部份，作為國王、臣子射箭，或者係選拔國家人才科舉場地，係直到日本殖民時期，將南山嘅總督府遷至景福宮，同時喺景福宮後院建造日本總督住宅。
韓國解放後，呢到改名為「景武臺（경무대）」，作為總統辦公室，後來又再拆除象徵日本殖民嘅總督住宅，新建房改名為青瓦台。
3. 景福宮曾經係一片廢墟？
월간중앙
1592年壬辰倭亂爆發後，景福宮、昌德宮、昌慶宮等宮殿都被燒毀，當時宣祖臨時住德壽宮。雖然宣祖試圖要重建景福宮，但因為規模大、難以調派人物、力，只可以先重建昌德宮同昌慶宮，係直到270年後高宗時期，高宗生父興宣大院君下令重新修復景福宮，先恢復成如今大致上樣貌。
4. 韓文係喺景福宮發明出嚟？
수정전
大家都知道世宗大王苦民所苦，同集賢殿學者發明出「訓民正音」，等朝鮮民族擁有自己文字，而景福宮修政殿，正係當年韓文誕生嘅地方。
5. 大長今喺景福宮邊到煮嘢食？
mbc
大長今係朝鮮中宗時期醫女，而電視劇《大長今》入面身份係包括宮廷料理師。不過以真實史記《朝鮮王朝實錄》只記載大長今醫女身份，佢係唔係識煮飯？冇人知！不過目前可以肯定嘅係景福宮內有個稱為「燒廚房」嘅地方，專門為王室準備食物，係《大長今》劇中徐長今成日去嘅地方。
6. 韓國最早有燈嘅地方係喺景福宮？
한국전력공사
乾清宮係韓國最早出現「燈」照亮黑夜嘅地方，係當年美國留學生俞吉濬（유길준）返到朝鮮向高宗報告，美國喺夜晚嘅時候會有燈泡照亮一切，所以高宗就委託咗愛迪生電氣公司去韓國進行工程，利用乾清宮前嘅蓮花池水建造發電機，點亮黑夜。
直到而家乾清宮前面仲有一塊石頭，上頭刻住「韓國電氣發源地（한국의 전기 발상지）」紀念呢段事蹟。
7. 慶會樓前面嘅蓮花池有龍？
국립고궁박물관
1997年為咗清理慶會樓前面嘅蓮花池，而排走池中嘅水，發現兩隻用青銅雕塑嘅龍，長146.5米、寬14.2米，重達66.5公斤。因為喺好耐以前，啲人認為龍可以治理洪水、調節雨水，為咗唔令慶會樓遭遇火災，就將掌管雨水嘅龍擺喺蓮花池入面。
8. 朝鮮國王生活係點？
mbc
聽講朝鮮時代嘅國王日理萬機，由朝早開始就要同大臣見面、討論國家事務，一日有三個時段以上要讀書，夜晚仲要叫大臣向佢哋請教問題，同時端正身心。
9. 有幾多個人住過景福宮？
jtbc
除咗王室成員之外，幫忙處理生活大小事嘅僕人都住喺景福宮入面，雖然實際數量冇講幾多，但據說當年至少有三千人住過。
其中包括王室家族、宮女、內侍官等五百名左右，而駐紮士兵約兩千名，另外負責國家政務同喺宮殿內工作嘅人大約有五百名左右，就好似一個小型社會咁，分好哂工作。
10. 官員喺景福宮邊到做嘢？
문화재청
景福宮地大，西南邊係官員辦公室，包括有傳達國王命令嘅承政院、幫助國王決定國事嘅弘文館（홍문관）、守護宮殿嘅內兵曹（내병조）等。另外仲有負責王室健康嘅內醫院、負責飲食嘅司饔院（사옹원）、負責服裝嘅尚衣院（상의원）。
11. 景福宮建築屋簷下點解會有網？
우리문화신문
由於鳥類鍾意攀附樑柱棲息、築巢，可能會滴鳥/屎，所以由朝鮮時代起就用網圍住避免佢哋喺度聚集。
12. 慈慶殿十長生煙囪係咩嚟？
문화재청
慈慶殿後面嘅圍牆上有「十長生煙囪（십장생 굴뚝）」嘅圖案，裡面太陽、山、雲、岩石、松樹、竹、烏龜、鹿、鶴、不老草等象徵健康、長壽。
13. 明成皇后被殺害嘅地方係喺邊度？
여주시 / 에이콤
高宗時期日本想侵略朝鮮，明成皇后有意投靠俄羅斯但被日本發現，就喺1895年10月8號凌晨，喺乾清宮坤寧閤（곤녕합）殺害明成皇后，開啟朝鮮王朝末期悲劇歷史。
14. 朝鮮國王過世嘅話要點處置？
sbs
朝鮮時代國王離世後，會將屍體送至景福宮內嘅靈堂，等喪禮日程確定後移至王陵（왕릉）。
而喺過去，為咗紀念去世嘅國王同王妃，最長會進行三年哀悼，直到三年後悲傷結束後，先會供奉喺宮殿內嘅神主移至宗廟。
15. 景福宮建築屋頂上嘅瓦片係咩動物？
如果有仔細睇過景福宮殿內嘅屋頂，會見到有好多動物形狀瓦片，被稱為「裝飾瓦（장식기와）」，有呈現鷲頭、龍頭、三藏法師、孫悟空、沙悟淨、豬八戒等。
16. 勤政殿前面嘅石頭係咩嚟？
睇韓劇嘅時候會發現通往國王勤政殿嘅路上，明明條路好闊，但兩方會放咗啲石頭，呢度稱為御道（어도），而石頭係品階石（품계석），係為咗等大臣喺排列時，確認自己位階同官職高低。
17. 光化門前面嘅動物石像係咩嚟？
光化門前左右兩側，有好似老虎咁嘅石像，其實佢係獬豸（해태），據說自古可以明辨人類之間是非，以頭上嘅角頂撞犯錯嘅人，成為景福宮前光化門最重要象徵之一。
唔知小編以Q&A方式，又解唔解答到大家對景福宮嘅一啲疑問呢？如果有更多想嘅內容，都歡迎留言話俾我哋知。
如果有更多想知嘅內容，都可以隨時dm話俾我哋知：）
Instagram：creatrip.hk
