首爾觀景台總整理
首爾七大人氣觀景台總整理！想欣賞首爾美景，你唔可以錯過！
Hello，大家好，我哋係由韓國人每日提供最新韓國旅行資訊嘅Creatrip。
唔知大家去旅行嘅時候，鍾唔鍾意去當地嘅展望台，喺高處望吓市景呢？除咗大家一定會知嘅N首爾塔之外，大家又會唔會諗到有邊到？如果唔知，今次小編整理咗7個地方，之後有興趣嘅朋友，都可以去睇吓！
首爾觀景台總整理
1. N首爾塔（N서울타워）
- 地址：서울 용산구 남산공원길 105
- 營業時間：平日12:00 - 21:00、週末11:00 - 22:00（扶手梯09:00 - 23:00、纜車10:00 - 23:00）
hmg 저널
嚟過韓國旅行嘅朋友，都一定知道位於南山山頂嘅「N首爾塔」，喺到可以一眼俯瞰首爾，同時亦係首爾地標之一。N首爾塔無論係幾時都好靚，特別係夜晚亮燈意思其實係反映出首爾空氣品質狀況，如果係紅色即係代表首爾而家空氣狀況唔好。
동아일보
N首爾塔裡面仲有購物區、餐廳同cafe，如果係入特定區域唔需要俾錢，但如果係入觀景台就要俾，不過如果係我哋會員，就可以用優惠價入場，有興趣嘅朋友可以撳我。
相信大家都有聽過，好多情侶嚟到會上愛情鎖，如果冇被打開或解鎖，就可以長長久久，唔知你又有冇整過呢？
2. 世運商街（세운상가）
- 地址：서울 종로구 청계천로 159
- 營業時間：星期一至六09:00 - 19:00、星期日及公眾假期休息
世運商街位於鐘路3街站，係一個擁有40多年歷史嘅電子零件商場。首爾市府近年為咗復興呢度，致力投入文化元素，試圖令老舊商區再度新生。之前唔少韓劇都有嚟過取景添！當中包括：《黑道律師文森佐》、《女神降臨》等。
只要搭lift就可以上到觀景台，呢度被稱為「首爾屋頂」，因為上到去就可以一眼望到世界遺產之一嘅「宗廟」，以及新舊混合嘅鐘路區市景。
夜晚嚟到又會係另一種感覺，離遠仲可以望到N首爾塔，推薦大家黃昏時候去就可以一次望到日與夜。
3. 崇仁昌信洞展望台（창신 숭인 채석장）
- 地址：서울 종로구 낙산 5길 51
- 營業時間：平日11:00 - 20:00、週末10:00 - 22:00、逢星期一休息
位於東大門昌信洞嘅「崇仁採石場展望台」，係韓國都市更新一個經典例子，呢度指定為首爾市1號都市再生事業區域，建造一個超靚觀景台，可以由高處眺望東大門市景。觀景台喺3樓可以免費入場，2樓有一間cafe，大家觀賞完可以慢慢坐底休息吓。
小編去之前都有做啲資料蒐集，唔少人都推薦要喺昌信洞展望台睇夕陽，所以小編都等咗一段時間，望住呢個景真係覺得好舒服同舒壓。
4. 貞洞展望台（정동전망대）
- 地址：서울 중구 덕수궁길 15 13F
- 營業時間：
- 星期一至五 13:30-17:30
- 星期六及日 09:00-17:30
位於市廳站附近嘅「貞洞展望台」，自2013年6月起向外界開放，可以喺觀景台眺望德壽宮、首爾市廳一帶。如果天氣好，甚至可以望到光化門李舜臣將軍雕像添！揀秋天去仲可以見到宮殿被紅葉包圍，絕對值得嚟打卡影靚相。
搭lift上到13樓，有一間名為「Darak」嘅cafe，坐喺玻璃窗前可以望到周圍市景，就算係平日去都有唔少人喺度。
티스토리
聽講疫情前都有唔少外國遊客嚟呢度，現場仲可以買到紀念品等。
5. SEOUL SKY（서울스카이）
- 地址：서울 송파구 올림픽로 300
- 營業時間：星期一至四10:30 - 22:00、星期五至日10:30 - 23:00
비즈니스워치
樂天世界塔展望台位於樓頂123層，距離地面約555米，係韓國第1、世界第5高，去到可以360度毫無死角地一覽首爾美景。
조선일보
식품음료신문
SEOUL SKY除咗觀景台之外，樓下仲有百貨公司、超市、免稅店、美食、展覽活動等，如果有時間，可以用一日時間留喺度慢慢行。
이뉴스투데이
搭lift去SEOUL SKY觀景台嘅時候，電梯內部會播放絢麗影片，等遊客身臨其境。
6. Cecile劇院屋頂展望台（세실극장 옥상 전망대）
- 地址：서울 중구 세종대로19길 16
- 營業時間：星期二至日09:00 - 21:00、逢星期一休息
내 손안의 서울
2021年四月初先開幕嘅「Cecile劇院」，屋頂休息區重生成為一個新景點，由首爾劇院協會營運，目的係為咗振興當地社區。
경향신문
「Cecile劇院」喺2013年指定為首爾未來遺產，以表彰其建築同文化價值，而向外開放嘅「Cecile劇院」係一個可以望到周圍現代同歷史景點融合嘅空間。
내 손안의 서울
「Cecile劇院」頂樓上有展示相關建築故事，隔離嘅韓國聖公會教堂，以羅馬式風格建造，俾人一種好似去咗第二個國家咁，非常具有特色。
7. 63大廈（63아트）
- 地址：서울 영등포구 63로 50
- 營業時間：10:00 - 20:00
한화인
신동아
位於汝矣島嘅「63大廈」，當年完工係東亞最高大樓，成為韓國代表地標之一。過咗30年後嘅今日，雖然韓國最高建築頭銜已被剝奪，但因為歷史悠久，幾乎冇人唔知63大樓。以金色玻璃為特色，唔同季節同日照量，都會營造出唔同氣氛，光線反射出漢江同天空景色特別壯觀。
한국전경신문
63大廈大廳同室外花園擺放唔少韓國當代藝術家作品，大家可以嚟觀光之外仲可以順便打卡。
티스토리
觀景台可以欣賞漢江風光之餘，63大廈仲有水族館、百貨商城、美食街可以行。
今日小編整理好七個位於首爾嘅展望台，唔知大家又去過幾多個呢？如果從來未去過，推薦大家之後嚟一定要去一個欣賞吓首爾美景！
如果有更多想知嘅內容，都可以隨時留言或者dm話俾我哋知：）
Instagram：creatrip.hk