韓國世界文化遺產
遍布韓國各地14個世界文化遺產，當中你去過幾多個？
Hello，大家好 ，我哋係由韓國人每日提供最新韓國旅行資訊嘅Creatrip。
韓國世界文化遺產，當中大家去過幾多個？以下係1995年以嚟被聯合國教科文組織認定嘅14個韓國世界遺產名單，未去過嘅之後會唔會都去呢？
韓國世界文化遺產
1. 石窟庵（1995年）
石窟庵係統一新羅時代時所建築而成嘅韓國古代佛教建築。石窟庵係由花崗岩堆砌而成嘅洞窟，大部分石像以及建築型態都保持住8世紀原形，具有高度文化遺產價值。
洞內設計同建造同保存技術，令世界各地建築師著迷，大型佛像同十大弟子浮雕像每個都各有特色，相當有藝術性！
2. 佛國寺
佛國寺（불국사）建於新羅528年，法興王15年（514~540）。呢座寺廟被認為係黃金時代嘅傑作，體現統一新羅時期佛教藝術。雖然喺1592年因壬辰倭亂，令到所有木造建築全部遭到祝融之災，但慶幸石壇、石橋、石塔、石燈、青銅佛像等文都得以保存至今。今日所見嘅佛國寺建築係透過自1969年至1973年間進行修復再次重建。1995年同石窟庵一齊被聯合國教科文組織列為世界遺產。
3. 宗廟 (1995)
Korea Culture Heritage
宗廟 (종묘) 係現存最古老宗廟，自14世紀以嚟一直保留住傳統儀式。呢座寺廟建於1394年10月，但喺日本入侵期間被燒毀，喺1608年重新修復。宗庙主殿建築面積達1,270㎡，被認為係14世紀世界建築中最大木結構建築，同時呢座寺廟總共有19位國王紀念碑，30位王后以及每位國王功績紀錄。
4. 海印寺藏經板殿（1995）
Jungang Ilbo
藏經板殿作為世界上唯一一個保存大藏經板之處，特別有意義。以完美建築建於海印寺最高位置，利用伽倻山多山地形，幫助寺廟保持良好通風同防潮能力，大藏經板先可以完整無缺保存至今。
5. 昌德宮（1997)
昌德宮係由朝鮮王朝一眾國王所建，宮殿建築同周圍自然風景完美融合，靚到好似畫咁。昌德宮位於首爾市中心，朝早同夜晚都有唔同魅力，一年四季都有唔同景色，好多人都鍾意嚟打卡。
6. 水原華城 (1997)
水原華城係根據韓國軍事環境同地形而設置，用咗傳統築城技術之外，仲用咗東西洋新式科學技術，係韓國傳統建築好少搵到嘅防禦設施。
6. 慶州歷史遺址區 (2000)
慶州歷史遺址區係指分布喺慶州各地新羅時代(公元前57∼935年)嘅遺跡。石塔、王陵、山城等新羅時代遺跡大多集中喺曾為新羅首都慶州，被認為係世界上最大露天博物館。
7. 高敞‧和順‧江華支石墓遺址（2000）
聽講韓國擁有全世界40%以上支石墓，主要集中喺高敞支石墓群、和順支石墓群、江華支石墓群三個地方。
8. 濟州火山島和熔岩洞 (2007)
worldheritage
漢拏山係一座海拔1950米嘅火山，係韓國最高嘅山峰。 喺山頂有一個由火山口形成嘅湖，叫做白鹿潭。 山腳下散佈好多寄生熔岩板塊形成嘅山峰。
Jejunews
大約30萬至10萬年前火山造成，由火山口噴出岩漿沿住海岸斜坡向東北流動，形成獨特地形。拒文岳溶岩洞窟系總共有20多個洞窟，其中只有「萬丈窟」（만장굴）對外開放俾遊客觀賞。
9. 朝鮮王陵 (2009)
KBS news
1408年至1966年間，為咗紀念死者同展示朝鮮王朝王室威嚴而建造40座陵墓群，分佈喺18個地方。皇家陵墓係按照儒家同風水標準建造。王陵由國家興建同進行維護管理，所以保存得好好。
10. 韓國歷史村落：河回村與良洞村 (2010)
adinews
安東河回同良洞村都係繼承數百年宗族社會傳統村莊，河回村由胡氏、安氏、柳氏三大氏族喺高麗時間形成嘅村落。去到17世紀末，呢到只剩返柳氏居地，而家村入面大約有100戶人家。良洞村以河山地形為基礎，喺高地被劃分為一系列貴族瓦房，同普通百姓嘅屋形成鮮明對比。村內房屋分佈同建築風格清晰地反映朝鮮時代儒家思想社會結構、生活習俗同貴族文化。
11. 南漢山城 (2014)
南漢山城位於光州市中部面山城里，海拔約480米。佢最大特點係除咗有東、西、南、北四個大門之外，城內仲有16個暗門，係專用嚟新增支援、接收武器同食物嘅地方。喺緊急情況下，呢座城仲可以作為臨時首都，以方便皇室同軍事指揮官可以撤離。
如果有興趣想知道更加多，可以參考2017年上映嘅南漢山城電影。
12. 百濟歷史遺址區 (2015)
百濟係韓國歷史上由公元前18年發展到公元660年三個朝代之一。 被列為世界遺產包括有8個考古地方，當中包括：公州的公山城、宋山里古墳群與武寧王陵，扶餘的官北里遺跡與扶蘇山城、定林寺址‧定林寺址五層石塔、陵山里古墳群、扶餘羅城，全羅北道益山的王宮里遺跡、彌勒寺址。
13. 山寺，韓國的山中寺院 (2018)
beopbo news
係一座保留佛教寺院特色典型寺廟，傳承了一千多年，有7座韓國山中佛教寺院─通度寺、浮石寺、鳳停寺、法住寺、麻谷寺、仙巖寺、大興寺，分別分布喺慶尚道、忠清道、全羅道等韓國各地。
14. 韓國書院 (2019)
書院建於16-17世紀左右，係一個講性理學嘅教育地方。當中有9間書院被列入世界遺產名單，分別為紹修書院、灆溪書院、玉山書院、陶山書院、筆巖書院、道東書院、屏山書院、武城書院、遯巖書院。
以上14個係被聯合國教育、科學及文化組織認可嘅韓國世界文化遺產，當中有幾多個地方，你係去過嘅呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk