韓國首個AI新聞主播
韓國AI技術又有一個新發明？用AI嚟報新聞韓國人又滿唔滿意？
Hello，大家好，我哋係由韓國人話你知每日最新韓國資訊嘅Creatrip。
#韓國新聞 #新聞主播
#AI #人工智能
平時睇新聞啲主播喺談吐定行為方面都好大方得體。
不過，大家又有無諗過呢啲主播都可能會唔係真人呢？
最近韓國就有電視台推出咗AI影像嘅主播去報新聞，唔少人睇過之後都覺得好真實。
✨馬上Follow我哋IG
instagram.com/creatrip.hk
韓國首個AI新聞主播
最近，韓國MBN電視台就新推出咗用AI人工智能做嘅新聞主播。
喺今年9月21號至10月14號期間，MBN網站上面由綜合新聞預告去到當日嘅主要新聞消息，利用AI主播金周河(音釋)進行咗每日2次以上嘅新聞報道。
播出嘅AI主播金周河嘅語調、手勢同埋表情等等都好迫真，好難感覺到同真實嘅金周河主播之間嘅差異。
MBN通過Money Brain嘅方案，可以同AI新聞主播一齊，生動又快速咁報道快報同埋特別報道嘅影片。
另外，仲計劃會喺MBN嘅多個唔同節目入面加入AI Model，希望可以同時段進行幾個唔同嘅廣播製作。
呢次由MBN引入嘅解決方案係基於Deep Lorning嘅實時影像合成技術，提供同實際人物有相同表現嘅AI模型影像。
淨係需要輸入新聞嘅文字稿就可以變做語音同埋影像，仲提供好多唔同嘅服裝可以選擇，令到使用者製作AI Model嘅時候更方便。
咁樣會令到而家嘅電視台喺拍攝時間、人力、成本等等方面都可以慳返唔少資源，提高咗效率。
最近，Money Brain喺韓國國內第一次製作同埋推出AI Model，係擁有世界最高水平嘅Deep Lorning影像合成技術嘅公司。
呢個技術可以實時處理自然語調嘅分析、聲音同埋影像。
目前，AI產業技術需要更加大嘅專業性。
不過Money Brain嘅目標係日後提供用最低限度嘅數據，就可以製造出自己獨有嘅AI服務。
Money Brain嘅實時影像合成技術可以令到用家同AI進行即時嘅對話，可以廣泛用喺影片對話、自由傾偈、數字教育、網購、Kiosk、移動平台等等唔同嘅領域。
唔知大家覺得呢個AI嘅新聞主播同原本真人個位主播分別大唔大呢？
小編個人就覺得佢哋都真係好似！
如果無認真仔細去留意，真係會分唔到。
隨住科技愈嚟愈發達，而家連SM娛樂新推出嘅女團都加咗AI技術。
唔知將來社會會唔會俾呢種AI科技取代呢？
✨馬上Follow我哋IG
instagram.com/creatrip.hk
其他延伸閱讀 | |
 韓國幸運徵兆 |  韓國新奇有趣嘅嘢 |