弘大美食 | 給豚的男人
網上討論度極高弘大燒肉鋪！喺首爾就可以食到超高質濟州豬肉？
Hello，大家好，我哋係由韓國人每日提供最新韓國旅行資訊嘅Creatrip。
大家嚟韓國旅行都一定會去弘大玩，去之前大家都會做定功課睇有咩好玩好食！而今日要介紹嘅呢間韓燒鋪喺各大平台都有勁好評價+出名，今日就等小編帶大家去一探究竟啦！
弘大「給豚的男人」資訊
- 地址：서울 마포구 잔다리로6길 34-9
- 營業時間：
- 星期一至五 13:00-23:00（Break Time 15:00-17:00、Last Order 22:00）
- 星期六及日 12:00-23:00 （Break Time 15:00-16:00、Last Order 22:00）
- 可預約時間（預約時段以1小時為單位）：
- 星期一至五 13:00-14:00、17:00-22:00
- 星期六及日 12:00-14:00、16:00-22:00
- 語言：韓文、英文
弘大「給豚的男人」推薦原因
- Instagram、小紅書上討論度超高弘大燒肉鋪，唔預約定或者遲少少去都要排隊！
- 喺首爾就可以食到最高等級濟州豬肉，質素味道有保證！
- 超juicy碳燒豬肉加埋超惹味特製醬汁，令人食到停唔到口！
- 全程都有職員幫手燒，只要等食就得！
- 位於弘大中心，食飯前/後可以盡情去玩去掃貨！
- Creatrip係唯一一個同佢哋合作嘅外國人預約平台，想食高質燒肉可以輕鬆透過我哋預約！
弘大「給豚的男人」Menu
Menu | 價錢 |
濟州當日直送炭燒豬肉（600g） [梅花肉+帶皮五花肉] 제주 연탄 초벌 근고기(600g) | ₩43,000 |
濟州新鮮帶皮五花肉（200g） 제주 生 오겹살(200g) | ₩15,000 |
濟州新鮮梅花肉（200g） 제주 生 목살(200g) | ₩15,000 |
濟州新鮮護心肉（150g） 제주 生 갈매기살(150g) | ₩15,000 |
濟州新鮮豬臉頰肉（150g） 제주 生 가브리살(150g) | ₩15,000 |
水冷麵 / 辣拌冷麵 깔쌈한 냉면 (물냉면/비빔냉면) | ₩4,000 |
豬肉泡菜湯 돼지김치찌개 | 中 ₩4,000 大 ₩6,000 |
大醬湯 된장찌개 | ₩4,000 |
解酒即食麵 해장라면 | ₩3,000 |
※2024年2月價錢
弘大「給豚的男人」預約費用
| 現金券 | ₩30,000 (30000) |
※用餐後請支付扣除現金券後消費金額
※每組客人（最多5人）只需要買1張現金券
弘大「給豚的男人」退款政策
預約後至到訪3日前取消 | 全額退款 |
到訪2日前或其後取消 | 不設退款 |
弘大「給豚的男人」注意事項
- 請最少喺3日前完成預約，你亦可以喺60日前進行預約。
- 每組人數最多為5人。
- 預約時請確保已選擇正確日期、時間同輸入所有所需資訊。
- 請準時到達，如果遲到超過10分鐘預約將會自動取消。
- 需要按照人頭點餐。
- 嚴禁攜帶或進食外來食物及飲品。
- 如需更改預約，或有任何疑問，請send email到help@creatrip.com查詢。
弘大「給豚的男人」預約流程
STEP 1. | |
STEP 2. | 請詳細輸入所有相關資訊及付款，我哋會喺1-2個工作天內確認預約，如果需要更改日期/時間我哋會另外通知你。 |
STEP 3. | 當日請準時到達，向職員出示預約記錄。 |
STEP 4. | 用餐後請支付扣除現金券後消費金額。 |
弘大「給豚的男人」介紹
今日小編嚟到網上勁紅嘅弘大燒肉鋪「給豚的男人」，聽講呢度全部豬肉都係當日濟州直送，令小編勁期待！
因為「給豚的男人」係喺一條巷仔入面，外觀亦都唔起眼，所以好多人都唔會留意到佢。不過入到去之後發現環境比想像中闊落，而且仲好有懷舊feel！
餐廳有一塊癡滿明星簽名嘅牆，睇嚟有唔少藝人都係呢度嘅熟客！
再行入少少仲有一間房，如果係一大班人嚟就可以喺呢度聚餐。
黑板上面有韓文Menu，如果唔識韓文都唔緊要，餐廳好sweet咁幫大家準備咗中文、英文同日文Menu！
呢度嘅烤肉盤形狀同其他燒肉鋪好唔同，中間嘅係「給豚的男人」嘅特製醬汁，聞落勁香，真係好想知係咩味！今日小編同朋友叫咗濟州當日直送炭燒豬肉（梅花肉+帶皮五花肉）、冷麵、大醬湯、泡菜湯同解酒即食麵。
濟州豬肉可以話係韓國最頂級嘅豬肉，可以喺首爾食到真係好難得！上枱之前職員仲會先用炭火燒一次，唔單止可以鎖住肉汁，仲令豬肉多一陣炭香！
首先當然要先食肉啦！呢兩款分別係梅花肉同帶皮五花肉，「給豚的男人」其中一個優點係職員會全程都幫大家燒肉，大家唔洗擔心唔識燒，而且仲包保可以食到最juicy嘅豬肉~
燒好之後職員會將肉放喺鐵網上面，終於可以開餐啦！
喺濟州食燒肉通常都係點鯷魚醬，不過有唔少人都覺得會腥... 不過「給豚的男人」就好貼心咁研發咗一款特製醬汁，鹹鹹甜甜當中帶少少辣味，超惹味！
雖然兩款肉都超水準，不過如果叫小編一定要揀一款，小編會推薦大家食帶皮五花肉，唔單止油花夠香，層豬皮又脆又煙韌，無論係味道定口感都好正！
食韓國燒肉當然要包菜食啦！大家可以揀一塊肉，點一點醬汁，然後放落生菜度，再根據個人喜好加埋葱絲、醃蘿蔔、泡菜、蒜頭等等，一啖食落去勁滿足！
對韓國人嚟講，食燒肉最唔少得嘅係一碗涼浸浸嘅冷麵！「給豚的男人」有水冷麵同辣拌冷麵兩款任君選擇，兩款都好解膩開胃，就算係辣拌冷麵都唔會好辣，配埋燒肉一冷一熱好過癮！
食完凍嘢梗係要食返啲熱嘢暖胃~ 湯類方面，「給豚的男人」有豬肉泡菜湯同大醬湯，兩款都好足料，而且味道夠濃，小編推薦大家叫多個飯配住食會更加飽肚！
小編仲叫咗個即食麵，味道辣辣地夠爽口！
小編好耐都冇食到quality咁好嘅燒肉，而且仲要係濟州豬肉，之後一定會再嚟encore！而家網上得我哋先幫到外國人預約，如果大家都有興趣，記住搵我哋幫手啦！
弘大「給豚的男人」前往方法
弘大入口站（홍대입구역）9號出口出。
直行。
過馬路，然後轉左。
直行。
第二個路口轉右。
直行。
第三個路口轉右。
直行。
第二個路口轉左。
直行。
咁就去到弘大「給豚的男人」啦！
以上係弘大「給豚的男人」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
