2021韓國秋季流行趨勢
2021最新韓國秋季流行趨勢，係時候要嚟一個大變身！
Hello，大家好，我哋係由韓國人每日提供最新韓國旅行資訊嘅Creatrip。
韓國秋天朝早可能好熱，夜晚就會好涼，呢啲時候到底點襯衫先好呢？今日就教大家一啲秋季著衫小Tips同流行趨勢啦！
2021韓國秋季流行趨勢
1. 針織背心
IG:artist_eunji
2021嘅好多針織冷衫都係偏薄同軟，著起身唔會太厚或者覺得太熱，好適合換季嘅時候著，韓國年青人多數都鍾意喺入面加件白色T-Shirt，簡單得嚟已經好好睇，而且去到夜晚又會覺得有保暖嘅感覺。
IG:ye._.vely618
襯牛仔褲或者闊腳褲亦都好好睇，背心唔需要揀太大件，如果唔係就會顯得好肥。
2. 針織衫
sonyunara秋天一定係著好多針織衫，韓國款式多，好多設計簡單得嚟又有女人味。
sonyunara
通常呢啲衫都係比較貼身或者係純色，簡簡單單襯條短牛仔褲，望落去好young，如果怕凍可以再加一件西裝外套，即刻超有韓feel。
3. 小背心＋外套
由舊年開始就已經開始流行，呢一種小背心同色外套，喺韓國網上都有唔少款，著起嚟好淑女。
如果只係著背心覺得太暴露，加一件針織小外套就冇問題！建議揀嘅時候唔好揀太厚或者太鬆身，如果唔係睇落就會好累贅。
4. 薄針織開胸冷衫
He.nique秋天真係唔可以少咗一件開胸針織冷衫。
sonyunara韓妹多數都會揀啲偏短身同偏薄嘅開胸冷衫，當係恤衫咁著。
kenh14
比起就咁T-shirt加牛仔褲，如果加件開胸冷衫掛喺膊頭，即刻覺得睇落好時尚咁。
5. 薄身西裝外套
sonyunara如果唔想著針織冷衫，薄身西裝外套都係一個唔錯嘅選擇。
大部份韓妹好鍾意著啲比較寬鬆嘅西裝外套，望落去好有個人風格，不過如果唔鍾意太鬆身，可以揀番啲比較合身嘅款式，不過記住唔好揀太緊。顏色方面最好揀純色，咁就會易襯好多。
著西裝外套有好多種襯法，最簡單嘅就係一件白色T-shirt加牛仔褲。不過同色系嘅西裝外套加褲套裝，都好受韓國年輕人歡迎。
6. 米色/啡色長裙
sonyunara每年秋天，長裙都會重新流行，尤其係米色同啡色更加係必入手。
8seconds
上身襯針織背心、 開胸冷衫、T-Shirt亦都得，一定唔會錯！
7. 西裝短褲
sonyunara西裝短褲係2021年流行趨勢之一，睇落有啲隨性得嚟又有個人風格。
sonyunara上身著鬆身T-Shirt、恤衫、冷衫，任何衫都可以襯到。
8. 闊腳褲
sonyunara闊腳褲每一個季節都流行，到咗秋天最流行嘅顏色係黑色、灰色、米色、啡色。
money today news、inchokidou
有啲人可能會怕闊腳褲會顯肥，但其實一啲都唔會之如，仲可以拉長腿嘅比例，咩身形嘅女仔都適合，揀嘅時候，唔好揀太長，啱啱好去到鞋上面就最好。
以上就係 2021 年秋季必入手嘅單品， 如果想買相關商品，可以搵我哋代購㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
