《非常律師禹英禑》必買同款產品
《非常律師禹英禑》必買同款產品！英禑最常孭嘅袋、官方周邊等，邊一款最吸引你呢？
Hello，大家好，我哋係由韓國人每日提供最新韓國旅行資訊嘅Creatrip。
"禹to the英to the禑","董to the格to the拉米"係韓國最近好流行嘅打招呼方式，而家《非常律師禹英禑》電視劇人氣急升，唔單止男/女主角爆紅之外，劇中唔少產品都超搶手！而家就等小編同大家講有邊啲啦！
非常律師禹英禑同款產品
SEMICODE Capture方形皮革斜孭袋
第一個要同大家介紹嘅就係劇中主人公英禑最愛手袋啦！呢款好適合平時端莊可愛嘅英禑，除咗有啡色之外，其實佢仲有唔少色，容量大，出街、返工拎都得！
TROIKA Jack Pott鯨魚鑰匙扣
唔知大家有冇發現英禑手袋一直都有掛住一個鯨魚鑰匙扣呢？唔好睇佢細細粒，但用工做得超精緻，好有質感，喺韓國成日賣斷貨，趁而家仲有貨，不如就買返一個啦！
Juuneedu 鯨魚造型室內拖鞋
喺第一集，英禑起身最先做嘅事就係著呢對鯨魚造型拖鞋！佢係Juuneedu出產，採用柔軟絨毛製作，橡膠防滑鞋底，室內拖都可以著得舒適又時尚！
AKOHARU 陶瓷鯨魚擺設
劇中英禑喺整理間房嘅時候，唔知大家有冇留意到有超多鯨魚擺設呢？因為電視劇熱播，而家喺韓國只要同鯨魚有關嘅產品都會成為大勢，呢款鯨魚造型陶瓷擺設配上可愛小花，望住都令人心情變好
STAND OIL 氣質手袋
英禑好朋友董格拉米同款產品！雖然呢款手袋唔係喺劇中出現，但因為董格拉米喺慶功宴拎住Stand Oi品牌手袋，近期喺韓國超多人搶，唔好睇佢細細個，可以裝到嘅嘢都幾多
PRIMAUTE MEMORY不規則耳環
而家崔秀妍戴嘅耳環喺韓國都係熱賣中，特別係呢款大細啱啱好，戴完之後睇落仲好有氣質，同時唔少韓星都有戴過
PRIMAUTE NUTTY水滴耳環
呢款耳環唔同角度，睇落風格都唔一樣，小編想推薦俾鍾意著恤衫或者係返工要著正裝嘅朋友
millo Holiday Signature棒球帽
呢款產品雖然唔係劇中出現過，不過係朱鐘赫熱愛產品之一，戲入面雖然有啲位令人乞人憎，但私底下嘅佢係好有男友風
官方周邊
喺8月初，電視播出同時仲推出咗官方周邊！因為款款都超可愛，令人忍唔住全部都想入手！
呢次周邊推出咗卡片式USB、實用memo紙、明信片套裝、筆記簿等多種文具小物
唔知大家睇完，有冇邊一款吸引大家買呢？歡迎留言話俾小編知
如果有更多想知嘅內容，都可以隨時dm話俾我哋知：）
Instagram：creatrip.hk
