十大韓國賣座電影
韓國邊套電影反應最熱烈？ 等我哋一齊睇韓國最暢銷嘅10部電影排名！
Hello，大家好，我哋係由韓國人話你知每日最新資訊嘅Creatrip。
韓國電影越做越好，喺世界各地都開始上映，今日小編就想同大家一齊嚟睇下有史以嚟最暢銷嘅10大韓國電影！當中有冇邊套大家係睇過嘅呢？
十大韓國賣座電影
Top 10: 逆權司機 (2017)
票房：8,500萬美金
演員：宋康昊、湯瑪斯·柯瑞奇曼、柳海真、柳俊烈
《逆權司機》係韓國歷史上最受歡迎嘅電影名單入面嘅第十名，亦係2018年奧斯卡金像獎最佳外國電影類別嘅提名。
呢部電影係以1980年5月喺首爾做緊的士司機（金萬燮）展開成個故事，背景係光州發動咗一場以學生同人民為首嘅民主運動，但遭到軍方嘅殘酷鎮壓嘅歷史情節。呢部電影都成為咗香港史上第四部票房突破一千萬港幣嘅韓國電影。
Top 9: 暗殺 (2015)
票房：8,800萬美金
《暗殺》喺2015年上映，以韓國獨立運動做背景嘅電影，呢部電影仲喺同年嘅《Blue Dragon Awards》上面獲得最佳電影獎。
故事主要係講1933年，三位獨立軍特工受大韓民國臨時政府派遣任務，喺上海租界集合返到日本統治嘅朝鮮半島 - 京城，刺殺日本駐朝鮮軍司令官川口真守同賣國賊姜寅國嘅故事。
Top 8: 與神同行：終極審判 (2018)
票房：9,100萬美金
電影只係上映咗19日就巳經迅速入咗1000萬電影俱樂部，劇情延續《與神同行》，解開大韓民國陸軍上兵金秀鴻（金東旭）含冤而死嘅秘密，陰間使者江林請求閻羅王允許審判。圍繞地獄嘅旅程，克服7層地獄嘅審判，幫助金秀鴻轉世。 完成任務之後，3位陰間使者都可以轉世重生。
Top 7: 屍殺列車 (2016)
票房：9,300萬美金
演員：孔劉、馬東石、鄭裕美、金秀安、金義聖。
《屍殺列車》係唔少年輕人都認可嘅電影，當中係講述一班人坐緊火車去釜山上面突然發生嘅事件。 佢哋奮力逃亡，以逃避席捲韓國嘅殭屍疫情。 呢部電影充滿咗戲劇性情境，充滿人性恐怖嘅一面，好值得睇。
呢套都成為咗香港最賣座嘅亞洲電影，最終票房係6800萬港幣。
Top 6: 燥底師兄生擒富二代 (2015)
票房：9400萬美金
演員：黃晸玟、劉亞仁、柳海真、吳達庶
《燥底師兄生擒富二代》係連續4個星期韓國票房連續高居第一位。 呢套係一部喜劇電影，反映咗好多社會問題，例如政治權力、媒體受到控制、受賄等事件。 劇情圍繞著警察局長徐道哲（黃晸玟）同年輕但富有犯罪色彩嘅大師趙泰吾（劉亞仁）嘅戲劇性對抗。
Top 5: 國際市場：半世紀的諾言 (2014)
票房：9900萬美金
呢部電影受到專業人士嘅高度讚賞，但由於電影入面反映嘅政治問題，都引起咗好多爭議。 呢部電影講述咗主角尹德洙（黃晸玟）係十歲嘅時候就因為朝鮮戰爭期間同屋企人疏散咗，一生都好艱辛咁去生活。 電影入面以父愛做主題充滿情感同人性。
Top 4: 與神同行 (2017)
票房：1.03億美金
演員：河正宇、車太鉉、朱智勛、金香起、都敬秀、金東旭、吳達庶、李政宰
只係上映3日就吸引咗100萬位觀眾，係2017年上映嘅韓國奇幻電影，改編自韓國漫畫家周浩旻所繪嘅同名漫畫。
劇情描述喺火場奮不顧身、英勇救人嘅消防員金自鴻（車太鉉飾）喺一場救災行動入面為咗搶救一名小女孩而意外身亡，三名死神引領護送底下，去陰間接受七大閻君審判嘅故事。
喺香港只係上映咗6日，票房就突破1,600萬港幣，超越電影《軍艦島》，成為香港史上最賣座嘅韓國電影第二位。
Top 3: 鳴梁 (2014)
票房：1.11億美金
演員：崔岷植、柳承龍
呢部係一部古裝歷史劇，亦係韓國嘅驕傲之一。 呢部電影圍繞朝鮮時代1597年後期嘅明良戰役。 李舜臣將只有12艘戰艦，成功同嚟自日本嘅330艘船作戰。 憑藉非凡意志，佢同佢嘅軍隊取得驚人嘅勝利，制止入侵者。
Top 2: 炸雞特攻隊 (2019)
票房：1.14億美金
影片講述5位專門調查毒品案件嘅緝毒組警員故事。 由於需要偷偷咁做調查，所以呢隊小組偽裝成喺一間炸雞餐廳工作嘅員工。 𣎴過呢間炸雞舖突然變得好出名，每日都收到好多訂單，係一套幽默又有好多值得睇嘅動作電影。
Top 1: 上流寄生族 (2019)
票房：2.66億美金
呢部電影被認為係韓國電影嘅傳奇同奇蹟，上流寄生族喺2020年奧斯卡頒獎典禮上贏得4個獎項，並同時獲得百幾個其他典禮嘅獎項。
影片圍繞韓國社會嘅貧富問題展開，窮爸爸基澤（宋康昊）一家四口全部都係無業遊民，佢哋終日望天打卦，直至長子基宇（崔宇植）因為偽造文憑，成功被受聘做神秘富豪（李善均）子女嘅補習老師，呢一家彷彿重獲生機，「共享」上流人嘅榮華富貴，但無止境嘅貧富差距最終令人失控...
以上係有史以來票房最高嘅十大韓國電影，唔知當中又睇過幾多套呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
