POPEYES正式喺韓國消失
曾經喺韓國排第二名嘅POPEYES！時隔26年將會喺韓國正式消失！
Hello，大家好，我哋係由韓國人話你知每日最新資訊嘅Creatrip。
#韓國美食 #韓國快餐店
#POPEYES #大力水手
喺世界好出名嘅連鎖快餐店「大力水手」（POPEYES）宣布會喺韓國度撤走。
呢一年開始，喺街上面都逐漸好難咁樣搵到呢間快餐店嘅門市，而家喺全韓國嘅門市更加減少到得返10間。
最近，佢哋仲公開咗已經由今年9月份開始逐漸撤退嘅通知。
✨馬上Follow我哋IG
instagram.com/creatrip.hk
POPEYES正式喺韓國消失
POPEYES啱啱進軍韓國嗰陣，係憑住「傳統美式炸雞」嘅市場營銷。
就算當時韓國嘅炸雞業本身已經好大競爭，但係佢哋嘅人氣依然好旺盛。
喺90年代尾仲曾經排喺Lotteria之後，成為韓國第二名嘅快餐店。
喺POPEYES入面最高人氣嘅餐單係？
佢哋憑着人氣好高嘅餐單，喺韓國嘅門市一度超過咗200間，甚至曾經仲威脅到佢哋嘅競爭對手KFC。
佢哋嘅原味炸雞呢一個Menu，喺韓國非常之有人氣，基本上係獨佔咗呢整個市場，完全冇任何競爭者。
因為好食得嚟又可以就咁單點兩舊，唔駛好似其他炸雞咁要叫一大份！
時隔26年撤離
韓國POPEYES方面喺12月4號正式發佈咗將會停業嘅公告。
佢哋喺1994年嘅時候喺首爾鴨區亭開設咗1號店，所以喺韓國已經開始經營咗26年，不過佢哋2000年初銷售額已經開始逐漸下降。
因為嗰陣時健康飲食嘅風氣開始逐漸盛行，大家對「垃圾食物」嘅意識已經冇咁多需求。
佢哋今次撤回事業嘅最大原因係佢哋嘅業績唔好。
喺美國等等嘅海外市場，因為限量Menu嘅人氣好高，但係唯獨喺韓國就唔係咁受歡迎。
韓國POPEYES喺2019年嘅營業損失更加接近13億韓幣，比起2018年創下嘅10億韓幣更加嚴重。
今年9月開始出現咗撤退說
由今年9月開始已經有傳聞話佢哋要撤出韓國，雖然佢哋推進左出售，但係收購者都仲未出現。
所以，總公司決定將呢個品牌撤出韓國，喺快餐行業嘅競爭越嚟越激烈嘅情況下，由於其他品牌嘅追擊同埋COVID-19嘅擴散等等影響，佢哋決定整理喺韓國嘅業務。
唔少韓國嘅市民都覺得好遺憾，因為而家佢哋如果想食呢一間快餐店嘅嘢就一定要去到外國先可以食得到。
不過POPEYES喺香港都仲有分店，大家如果想食嘅話都可以喺香港到食啊！
✨馬上Follow我哋IG
instagram.com/creatrip.hk
| 其他延伸閱讀 | |
 韓國5大代表漢堡 |  韓國奇特口味炸雞 |
