聖誕節特別版朱古力批
韓國國民零食朱古力批又有新口味？聖誕節限定嘅朱古力批公開發售啦！
유정언
4 years ago
Hello，大家好，我哋係由韓國人話你知每日最新韓國資訊嘅Creatrip。
#韓國零食 #朱古力批
#聖誕節 #限定版
韓國嘅朱古力批有幾出名，相信唔使小編講大家都知道。
朱古力批幾乎成為咗每個人嚟韓國旅行必買嘅手信之一。
近年嚟，朱古力批仲出咗好多唔同嘅新口味添！
臨近聖誕節，韓國嘅朱古力批又出咗一個聖誕節嘅限量版，一齊嚟睇吓啦！
✨馬上Follow我哋IG
instagram.com/creatrip.hk
聖誕節特別版朱古力批
韓國零食牌子ORION嘅朱古力批咁多年來都係大家嚟韓國旅行必買嘅手信之一！
相信大家對佢一啲都唔會陌生。
佢哋每次推出新口味都會引嚟唔少嘅關注。
就好似之前新出嘅香蕉味、黃豆粉味、黑芝麻味等等，全部都好受歡迎！
最近佢哋就公布話將會喺今年聖誕節推出限量版口味嘅朱古力批。
消息一公布之後，都引嚟唔少韓國網民嘅關注。
國民零食朱古力批出新口味，相信唔少人都會覺得好興奮！
呢一次聖誕節限量版嘅朱古力批入面添加咗士多啤梨同埋樹莓整成嘅混合餡料，再用咗用過糖漿沾濕左嘅餅乾。
朱古力批嘅表面用白朱古力覆膜之後再噴上咗山莓粉。
單面嘅綠色棉花糖同埋紅色餅乾互相配合之下，營造咗好濃厚嘅聖誕氣氛。
而綠色棉花糖就用咗天然色素嚟整嘅！
呢一個聖誕節特別版嘅朱古力批已經喺全韓國嘅便利店、Coupang、Naver等等嘅網上購物中心入面都可以買得到！
喺韓國住嘅朋友有興趣嘅話不妨都買來試吓。
相信都可以為呢一個疫情下嘅聖誕節增添少少聖誕節嘅氣氛！
大家睇完之後又想唔想試吓呢一個朱古力批呢？
雖然呢一款聖誕節限量版嘅朱古力批只會喺韓國國內發售，唔會外銷去外國。
有興趣想試食嘅朋友都可以搵代購啊！
✨馬上Follow我哋IG
instagram.com/creatrip.hk
| 其他延伸閱讀 | |
 疫情對年青人影響 |  韓國疫情現況 |
熱門文章
