韓國米酒有咩好？
原來韓國米酒有咁多功效？拆解三種正確飲米酒嘅傳統方法！
Hello，大家好，我哋係由韓國人每日提供最新韓國旅行資訊嘅Creatrip。
講到韓國酒，大家唔多唔少都會諗到燒酒同埋米酒，其實有好多香港人都會覺得燒酒嘅究竟濃度好高，覺得好似飲緊消毒藥水！不過，米酒就比較容易啲入口，又對身體好！今次小編就同大家介紹一下米酒究竟有咩好，同埋正確嘅飲米酒方法應該係點樣啦！
韓國米酒嘅功效
米酒其實係韓國歷史悠久嘅傳統酒，由米同埋麥發酵十日左右釀造而成，其實好多人都誤以為米酒係牛奶加米水，唔好以為顏色似牛奶，其實佢係有6-7濃度嘅米酒！
呢隻酒又甜又易入口，喺製作米酒嘅時候，韓國人為咗想維持本身嘅奶白色都唔會特別過濾，所以你可以睇到每支酒嘅底部都有一堆米渣。韓國嘅米酒好平，一支大概都係2,000韓幣，如果喺餐廳飲嘅話都係4,000-5,000韓幣，非常之抵！
韓國米酒嘅好處
1. 抗癌
米酒其實係有帕內索爾呢種抗癌藥嘅成份，含量係外國產酒精嘅100倍、白葡萄酒嘅50倍、啤酒嘅25倍，根據韓國食品研究院河在浩博士嘅研究結果顯示，韓國米酒嘅抗癌劑量係有效過其他酒嘅200倍㗎！
2. 防止皮膚老化
高麗大學韓國營養研究院朱鎮善（音）博士講過：「米酒對身體影響研究顯示，200ml嘅大米中含有68g嘅維生素B2、44g嘅維生素B膽鹼、50g嘅維生素B3、維生素B2、維生素B6、多酚、異黃酮等等。」正正因為呢啲元素，對皮膚再生好有幫助，另外米酒都含有色氨酸、賴氨酸、甲狀腺素、紅黴素等等嘅成份，都可以增加皮膚再生同埋彈性。
3.幫助消化
一支韓國米酒當中含有700億~800億個對健康有益嘅細菌，份量相當於100盒乳酪，咁講法其實飲適量嘅米酒係對消化系統有好大好處，另外都有研究表明米酒可以預防胃炎或者胃炎添！
正確飲米酒嘅方法
雖然米酒都係對身體有好多好處，不過因為佢都係酒精嘅關係，所以都要飲得適可宜止先唔會對健康有害！咁究竟應該點樣飲先對身體有益呢？
1.唔可以濫用酒精，男仔每次只可以飲360ml，女仔每次最多可以飲180ml左右。
2.飲之前要輕輕搖一搖，因為大米酒精唔可以過濾，所以會堆積曬喺樽底，搖一搖會令佢哋均勻啲。
3.同大豆做嘅下酒菜一齊食，咁就可以攝取更加多維生素同埋蛋白質，防止吸入大量酒精。
4.為咗避免頭痛，大家可以一邊飲酒一邊食橘子、黃瓜等等比較水分多嘅水果，就可以幫助解酒！
以上就係韓國米酒嘅好處同埋正確飲用嘅方法，大家都不妨參考一下買支試吓啦！不過，一定要切記唔可以飲得過量，要適可而止啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
