logo

等咗2年終於著「花鞋」嘅5位明星

等咗2年終於著「花鞋」嘅5位明星,喺韓國當兵就要等兩年!要捱過呢兩年嘅等待真係唔容易!

DefaultProfileIcon
유정언
3 years ago

Hello,大家好,我哋係由韓國人每日提供最新韓國旅行資訊嘅Creatrip


如果拍拖嘅話,就當然想每日都見到另一半啦!不過如果係同韓國男仔拍拖,當佢哋要去當兵嘅時候,就要分開兩年時間,淨係可以喺放假嘅時候見面。不過,可能好多人都未必會接受到,用兩年時間去等另一半。所以當韓國男仔當兵嘅時候,都會有好多情侶因為咁樣而分手,當然都有好多人願意為咗愛情而等待。

今日小編就打算話俾大家知,有邊五對明星情侶可以捱過另一半長達兩年都唔喺自己身邊啦!



「膠鞋」&「花鞋」

喺韓國,如果個女仔有一個當兵嘅男朋友,大家就會叫呢啲女仔做「膠鞋(곰신)」。另一方面,佢哋會用「花鞋(꽃신)」去形容捱過左好長時間,守護咗美麗愛情嘅女仔。



等咗2年終於著「花鞋」嘅5位明星

1. 倞利


2017年3月入伍嘅歌手鄭珍雲,喺當年嘅11月公開承認同景麗拍拖嘅事實,受到唔少人嘅關注。喺軍隊入面承認拍拖鄭珍雲上個月7號退伍,幫女朋友倞利著上咗「花鞋」。

鄭珍雲喺退伍之後出演咗韓國綜藝節目《Video Star》,佢喺入面講到入伍之前曾經因為唔想女朋友咁辛苦等佢,而提出分開。不過最後女朋友都堅持要繼續呢一段愛情同埋等佢。佢都分享咗喺佢放假見面嘅時間,有98%都係同女朋友倞利見面。因為呢一段時間太幸福,甚至有一刻想再次入伍,公開表達咗對女朋友嘅愛。



2. Stefanie Michova


韓國Rapper Beenzino同德國Model Stefanie Mitchova喺2015年承認戀情之後,通過各自嘅Instagram公開咗好Sweet嘅戀愛生活。不過Stefanie Mitchova 喺2017年5月嘅時候將男朋友送入軍隊,從此就著上咗「膠鞋」。捱過咗一年零九個月漫長嘅等待,係舊年嘅二月, Stefanie Mitchova喺自己嘅Instagram上面表示「終於搵到佢」,表達自己著想「花鞋」嘅感想。



3. 閔孝琳


喺韓國演藝圈入面著「花鞋」嘅明星,當然唔少得同BIGBANG太陽結婚嘅閔孝琳。因為歌手同埋演員嘅相遇,而成為話題嘅兩個人喺2018年2月結婚,但係太陽喺結婚一個月之後就入伍當兵。雖然等待嘅時間好漫長,但係閔孝琳係舊年12月都成功咁樣著上咗「花鞋」。



4. 韓佳人


演員韓佳人同延正勳喺2005年4月結婚,同年11月將老公送入軍隊當兵。雖然兩個人要喺最甜蜜嘅新婚階段分開,但當時韓佳人表示比起年紀大,成熟嘅時候見面,佢覺得唔成熟、唔了解世界嘅時候一齊成長更加好。而呢一番說話都令到老公延正勳好感動!

延正勳喺2007年10月退伍,直到今日都同韓佳人保持住好甜蜜嘅婚姻生活。



5. 金泰熙


同歌手兼演員Rain結婚嘅演員金泰希,都係經歷過著「膠鞋」同「花鞋」嘅明星。Rain喺軍隊放假出嚟嘅時候,比狗仔隊影到之後就正式公開同金泰熙嘅戀情。經歷過長時間嘅等待,佢哋兩個人喺2017年嘅時候結婚,而家已經有兩個好可愛嘅女,過住好幸福嘅生活!



喺韓國,可以捱過男朋友兩年當兵嘅時間真係好勁㗎!以上呢五對可以稱得上係「模範情侶」!

有好多情侶都會因為經唔起呢一個考驗,捱唔住呢一個等待嘅時間,而放棄愛情。

大家又知唔知仲有邊啲明星情侶都經得起呢一個考驗呢?歡迎喺下面留言分享吓!




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章