為咗寶貝女而用5億製作MV嘅超人媽媽
憑歌寄意為心愛嘅囡囡寫歌！淨係MV嘅製作費已經350萬港幣？
머니투데이
Hello，大家好，我哋係由韓國人話你知每日最新韓國資訊嘅Creatrip。
#超人回來了 #都沇扜 #都河穎
#超人媽媽 #張允瀞 #新歌
唔知大家有冇睇韓國嘅綜藝節目《超人回來了》呢？
入面其中一個好可愛嘅家庭，兄妹都沇扜同都河穎一直都好受大家嘅歡迎同愛戴！
其中妹妹河穎仲因為佢似小豬同免仔嘅可愛外貌，俾佢爸爸同埋哥哥錫到燶添！
最近佢媽咪就為咗佢而寫咗一隻歌，一齊嚟睇吓啦！
✨馬上Follow我哋IG
instagram.com/creatrip.hk
為咗寶貝女而用5億製作MV嘅超人媽媽
Insight
韓國好出名嘅Trot歌手張允瀞將會喺11月19號帶埋佢嘅新歌《小豬兔子》回歸樂壇。
張允瀞喺舊年三月之後就冇再出過新歌，而佢今次事隔一年半之後再推出嘅新歌背後都好有意思，呢隻歌係佢為咗佢個女都河穎而寫。
根據相關人士表示，《小豬兔子》呢隻歌嘅MV今年被整成3D影片，淨係製作費就高達5億韓元(大約港幣350萬)。
呢首歌係一首喺Trot體裁入面並唔常見嘅超大型MV。
特別係呢一首歌係張允瀞為咗佢個女河穎而製作嘅歌，所以更加受到大家嘅關注。
張允瀞嘅一對仔女同佢老公，最近都一齊出演緊韓國人氣好高嘅綜藝節目《超人回來了》。
因為表現得成熟穩重好照顧妹妹嘅哥哥允汙，同埋得意又可愛嘅妹妹河穎，呢個家庭都得到好多觀眾嘅愛戴！
OSEN
另外，張允瀞仲親自解釋佢做呢一個企劃嘅理由。
因為佢之前聽咗呢隻歌仲未填詞嘅DEMO，嗰陣時覺得首歌嘅旋律好可愛。
所以喺聽嘅時候好自然咁諗起自己個女河穎，為咗呢隻歌，佢仲親自參與左作詞，表達咗對寶貝女嘅厚愛。
為咗自己個女而洗一大筆錢去寫歌整MV，真係好唔話得！
相信張允瀞喺呢隻新歌入面都花咗唔少嘅心思，希望憑歌寄意，表達自己對囡囡滿滿嘅愛。
相信囡囡知道媽咪對自己花咗咁多心思又咁錫自己，都一定會好開心！
✨馬上Follow我哋IG
instagram.com/creatrip.hk
| 其他延伸閱讀 | |
 韓國人鍾意取名？ |  韓國稀有姓氏 |
