韓國新式泡菜煎餅食譜
韓國新式泡菜煎餅！用公仔麵嚟整泡菜煎餅？唔少網友整完都話好好味！
Hello，大家好，我哋係由韓國人話你知每日最新韓國資訊嘅Creatrip。
#韓國美食 #泡菜煎餅
#新式泡菜煎餅 #食譜
太耐無得嚟韓國旅行，相信大家成日都會「思鄉」，好掛住韓國嘅美食！
煎餅喺韓國都算係一樣特色嘅食物，而且種類都有好多，泡菜煎餅、海洋煎餅、薯仔煎餅等等。
最近，韓國有位廚師RaymonKim就公開咗一個新食譜「公仔麵泡菜五花肉煎餅」，喺韓國引嚟好大嘅迴響。
一齊嚟睇吓佢點整啦！
✨馬上Follow我哋IG
instagram.com/creatrip.hk
「 新式泡菜煎餅」係啲咩？
喺上個月10月6號，RaymonKim喺佢自己嘅YouTube Channel「RaymonKim Meat」上面Upload咗一條新片。
喺嗰日公開嘅新片入面，佢介紹咗用一啲食淨嘅食材就可以整到嘅「新式泡菜煎餅」嘅食譜。
影片公開咗之後都引來好大嘅反應，唔少網友都有跟住整。
大家整完，試食過之後都覺得好好味！
要準備咩材料？
材料方面真係好簡單！
只係需要五花肉30g、公仔麵、公仔麵嘅調味粉、麵粉、泡菜、蔥等等。
呢啲全部都係好基本嘅材料，一啲都唔難買，分分鐘喺屋企搵一搵，都可以搵到晒出嚟。
點樣整？
做法都非常之簡單！
首先將泡菜剁碎，備用，記住泡菜汁都要啊！
再將五花肉切碎，用公仔麵調味粉嚟醃。
之後將泡菜同五花肉撈埋一齊。
公仔麵整碎之後放入另一個碗入面，備用。
然後就加麵粉去泡菜仲有肉到撈勻，麪粉係令煎餅漿濃啲，記得唔好落得多，要逐啲分幾次放入去。
如果唔小心加多咗麵粉，就加少少水，麵糊就會變返稀。
準備好個麵糊之後，就可以開始煎啦！
首先喺預熱好嘅平底鑊到加啲油，之後放入泡菜餅麵糊，再喺麵糊上面放公仔麵碎。
兩面都煎好咗之後就可以上碟，喺泡菜煎餅上面灑上少少蔥花，就完成㗎啦！
呢道創新嘅泡菜煎餅真喺好易整，而且材料一啲都唔難搵到。
大家有興趣喺屋企都可以跟住試下整，唔落五花肉，落海鮮都可以！
材料完全可以Mix & Match，自由發揮。
放埋條片喺下面比大家參考吓啦！
✨馬上Follow我哋IG
instagram.com/creatrip.hk
| 其他延伸閱讀 | |
 懶人麻油料理 |  5個韓國炒飯食譜 |
