logo

最容易令外國人誤會嘅5個韓國文化

大家有冇試過因為文化差異同韓國人有過誤會?細數五大最容易令外國人誤會嘅事!

마타티카
2 months ago

Hello,大家好,我哋係由韓國人每日提供最新韓國旅行資訊嘅Creatrip。 


唔同國家都有唔同嘅文化,有好多外國人嚟到韓國都唔太了解當地嘅韓國文化,有時可能會唔小心做咗啲得罪人嘅事。等小編同大家分享五樣外國人經常會容易誤解嘅事啦!



最令外國人誤會嘅五大韓國文化

1. 俾上司話嘅時候唔望住人

港韓文化Steemit


韓國嘅階級觀念好重,好多韓國人都覺得做細嘅就要尊重做大嘅,長輩講咩你都唔可以say no !好多時香港人俾人話嘅時候可能都會因為想表示愧疚,所以頭向下望,但原來韓國人係會覺得如果佢同你講緊嘢嘅時候你應該要望著人,如果唔咁做就會覺得你冇禮貌。大家有冇因為咁,而畀人咁樣誤會過你冇禮貌呢?



2. 拉人衫袖

港韓文化差異Dramabeans


好多時搭地鐵嘅時候都會因為太多人而撞到,當啲韓國人唔小心撞到人嘅時候會微微捉住人地嘅衫袖。不過唔少外國人都會誤會,以為佢哋點解會無啦啦推佢哋,下次如果遇到呢啲情況唔好誤會啦!



3. 親密行為

港韓文化差異你又知幾多?


大家同朋友會唔會拖手呢?喺韓國好多人都會好熱情咁拖人哋隻手、或者攬頭攬頸,就算kiss呢啲都係好平常,韓國人會覺得呢啲喺朋友同朋友之間交流嘅舉動,不過普遍其他亞洲人就會覺得太over,覺得喺大庭廣眾做呢啲行為好唔檢點。



4. 同人哋飲埋同一杯酒

港韓差異文化 Client


喺韓國出去飲嘢嘅時候,唔少人都會交換嘢一齊飲,咁樣嘅話可以令大家更快熟,不過唔少外國人就會覺得唔衛生,或者係覺得過度親密。韓國人嘅性格都係比較豪爽,同比較開放啲,所以大家遇到呢啲情況唔好誤會佢哋啊!



5. 食咩都一齊食同一鍋

韓國香港文化大不同


好多韓國餐廳都有得俾你揀要一人一鍋定係要一大鍋咁食,例如食牛骨湯、薯仔排骨湯嘅地方等等。好多香港人如果見到有得揀一人份嘅話都會揀一人份,但韓國人就會揀一鍋一齊食,覺得一齊share開心啲!大家如果同韓國人食飯嘅話都不妨可以融入下佢哋啦!


以上就係五個外國人會經常同韓國文化造成衝擊或者誤會嘅嘢,唔知大家又知唔知呢?




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章