一夜爆紅嘅韓國Youtuber
呢個Youtuber自己都無諗過！到底因為乜嘢事而一夜爆紅？
Hello，大家好，我哋係由韓國人話你知每日最新韓國資訊嘅Creatrip。
#韓國Youtuber #Youtube
#吃播 #放送事故 #爆紅
最近韓國有一個主要用吃播同打機做題材嘅YouTuber，因為一件意料之外嘅事一夜爆紅！
而家佢爆紅嘅嗰條片已經喺全世界不停被轉載同埋分享，甚至超過咗500萬點擊率。
到底佢因為乜嘢事而突然咁受人關注？一齊嚟睇吓啦！
✨馬上Follow我哋IG
instagram.com/creatrip.hk
一夜爆紅嘅韓國Youtuber
呢個韓國YouTuber嘅Channel叫「Tester Hoon」，佢Channel入面主要係做吃播同埋打機嘅片。
不過佢最近再另外再開多咗一個新Channel叫「Tasty Hoon」，主要係用嚟做吃播。
佢喺呢個新Channel到上載咗一條叫《車打芝士噴泉同炸雞一齊嘅吃播...!?》新片。
喺片入面佢預備咗一個芝士噴泉同埋一啲炸物嚟做吃播。
喺片入面，佢首先介紹咗自己準備好嘅材料有芝士同炸雞。
跟住佢將佢自己預先煮好咗嘅芝士醬放入去個噴泉嗰度，之後再用一個緊張又期待嘅眼神啟動個噴泉。
就係咁樣搞笑嘅情況開始咗啦XD
芝士噴泉一開機就好失控，由流質嘅芝士變到一個粉團咁樣。
部機好快咁轉轉吓，啲芝士竟然全部都一齊飛出嚟，最後連部機都轉到甩埋出嚟。
呢個Youtuber見到咁嘅情況都嚇咗一大跳，係佢完全冇預料到嘅「放送事故」。
面對住呢個意外，佢成個人都即刻呆咗。
之後喺冇辦法嘅情況下，佢熄咗部機，停咗個芝士噴泉。
佢最後都好無奈咁用啲凝固咗嘅芝士一嚿嚿咁放喺啲炸物上面食。
跟住佢都冇放棄，再挑戰咗第二次芝士噴泉嘅吃播，呢次仲喺鏡頭面前一齊整芝士醬。
不過呢一次雖然啲芝士醬好稀，但都算係「半成功」，因為至少佢可以成功用到炸雞去點啲醬。
不過到最後，隨住時間嘅過去，啲芝士都開始凝固。
望住佢每食一啖炸雞個樣嘅時候，都好驚個芝士噴泉會「 重蹈覆轍」 ，真係好好笑。
呢個意料之外嘅放送事故真係好搞笑！
可能連呢個YouTuber自己都冇諗過會因為一件咁嘅事而爆紅，條片係短時間之內已經喺全世界不停畀人分享同埋轉載。
小編都喺最後放返條片，大家都一齊睇吓啦！
✨馬上Follow我哋IG
instagram.com/creatrip.hk
| 其他延伸閱讀 | |
 一人旅行秘笈 |  韓國廚房文化 |
