一人旅行秘笈
一個人都可以好自在！一人旅行秘笈：唔洗等朋友、唔洗睇面色，一個人喺首爾旅行唔洗怕！
Hello，大家好，我哋係由韓國人話你知每日最新韓國資訊嘅Creatrip。
＃首爾旅行＃獨自
＃一個人＃自由行
雖然韓國係個注重團結嘅國家，一個人過嚟旅行，好似唔係咁方便，又有啲奇怪。
其實，一個人嚟到首爾旅行，尤其係熱愛韓國旅行嘅女仔，其實非常安全而且自在！
小編教大家點樣一個人都可以去首爾自由行嘅訣竅，一定要收藏起嚟，畀自己一個放鬆嘅機會啦。
✨馬上Follow我哋IG
instagram.com/creatrip.hk
獨自旅行計分表
1係完全冇，5係完全命中
好容易因為就人，而搞得自己心煩意亂
| 1 | 2 | 3 | 4 | 5 |
冇特別嘅計畫表，總係諗到咩就做咩
| 1 | 2 | 3 | 4 | 5 |
冇plan都唔緊要，出嚟玩最緊要開心
| 1 | 2 | 3 | 4 | 5 |
想令大家都開心，所以要睇其他人嘅面色
| 1 | 2 | 3 | 4 | 5 |
體力好好，就算臨時加行程都冇問題
| 1 | 2 | 3 | 4 | 5 |
如果你係超過20分以上嘅，真係好建議下次就一個人嚟首爾玩啦！
如果你係8分以下嘅，小編就建議……你可以跟團，或者做一個同朋友一齊旅行個陣負責plan行程嘅人。
點解要一個人旅行？
好多人可能會諗，一個人嚟首爾有咩好玩？
諗呢一點之前，大家可以先諗下，係自由行好，定係跟團好？
如果你決定自由行好，咁就可以思考下點解要一個人旅行啦！
首爾有趣嘅地方就係除咗購物同現代景觀之外，近郊景點都有好多，
所以同旅伴討論行程嘅時候，係咪成日都有「其實唔係好想去個度，但唔緊要啦，去下啦」嘅諗法呢？
如果有嘅話，恭喜你！
一於一個人出發啦，唔洗配合其他人嘅步伐，想改行程就改行程。
小編喺嚟韓國定居之前，都成日一個人去首爾、釜山旅行，而且都有唔錯嘅體驗。
鍾意點樣嘅旅行風格？
如果確定要一個人去首爾，咁就可以大概了解下自己鍾意點樣嘅旅行風格，仲可以每日都唔一樣、或者安排有一日咩都唔做，休息下。
Shopping行程
好多人都會嚟韓國shopping，但係咪有呢種經驗，自己已經買完，但仲要等買到停唔到嘅旅伴呢？
又或者自己買到好開心，但係無意間見到旅伴喺隔離發呆（有啲仲會擺面色）嘅表情，一瞬間唔想行，根本行得唔盡興。
唔緊要！一個人嚟首爾行街都好好行，好多韓國人出工之後都會一個人Shopping。
尤其係地下街，鍾意買嘢嘅朋友真係好容易買到兩隻手都係戰利品。
超市行程
行超市都係好多人嚟首爾嘅必去行程。
韓國超市除咗掃戰利品，仲可以買到好多旅途入面必食嘅美食。
一個人行超市雖然比較孤單，但速戰速決，唔洗為咗朋友係咪要退稅、要夾買一送一，或者夾錢而煩惱，係咪好自由自在呢？
商圈行程
首爾必行嘅商圈除咗明洞之外，大學商圈好似弘大、梨大、新村、建大等，都好適合一個人亂行。
喺呢度可以好似上面提及嘅Shopping行程一樣，好快就可以搵到自己想去嘅地方，攰就隨便搵一間Cafe休息。
對於一個人旅行嚟講，安排呢啲行程都唔錯㗎！
Cafe行程
首爾Cafe周圍都係，而且呢度有一點好好嘅係，就算一個人坐半日都唔會覺得尷尬。
成日都要同朋友討論要去邊間Cafe，但就嚟就去，可能最後會去咗間唔太中意嘅Cafe?
如果真係值得去嘅Cafe都算，但如果唔係好似期待咁靚，係咪會覺得好晒時間呢？
一個人旅行想去邊就去邊，淨係需要對自己嘅行程負責。
美食行程
好多人嚟韓國旅行個陣，原本想揀一個人自由行，
但諗到「食」就有啲卻步嘅朋友，可以完全唔洗擔心！
當然韓國仲有好多一個人食唔到嘅餐廳，
但其實都係佔咗大概30%左右，淨底嘅70%餐廳都係可以一個人用餐，
小編喺呢度畀啲TIPS大家啦！
- 燒肉
基本上首爾任食嘅燒肉都絕對唔會畀你一個人用餐。
當然你都可以自己問下，睇下可唔可以畀你一個人比兩個人嘅錢入去食啦~
所以建議大家一個人想食燒肉，就去可以單嗌嘅餐廳。
通常呢啲鋪頭都有最底消費（無特別標示，通常至少要2人份），同埋儘量唔好喺最多人食飯嘅時間去，自然就冇咁易畀老闆拒絕啦！
2. 部隊鍋
基本上部隊鍋都係啱兩個人以上去食，如果你要一個人去食，就要一個人叫兩人份啦！
3. 其他鍋物
好似醒酒湯、馬鈴薯排骨、血腸湯、泡菜湯等等，雖然大份，但好多鋪頭都有提供細份（一人份），所以唔洗擔心冇得一個人食飯。
4. 飯類、麵類
常見嘅韓式料理，一啲一人份嘅拌飯、冷麵，或者中華料理，其實都可以一個人用餐，唔洗擔心。
其實除咗燒肉、任食等餐廳之外，其他喺首爾嘅鋪頭，好多都可以一個人食飯。
小編都成日一個人食飯，其實唔係咁難。
只要揀啱鋪頭，克服自己嘅心理障礙就得㗎啦！
郊遊行程
其實一個人嘅旅行非常適合去戶外行下，首爾林、漢江公園等等，都係一啲好去處。
一個人喺首爾旅行其實一啲都唔孤獨，脫離繁雜嘅都市，喺漢江公園散步，或者去首爾林休息下，又唔會有人干擾，係咪好悠閒呢？
歷史行程
首爾古宮殿好似景福宮、昌德宮等等，都係一個人可以去欣賞嘅景點。
不過著韓服呢……一個人可能會有啲孤單，大家真係要有做好心理準備，再試下一個人體驗。
唔鍾意景福宮有咁多人，大家可以去位於明洞附近嘅南山韓屋村，平日人冇咁多。
同埋呢度唔係睇古宮殿建築，而係一啲平民歷史景觀。嚟到呢度彷彿穿梭歷史，一個人慢慢行下、影下相都幾好㗎！
一個人旅行嘅好處？
如果預算夠多，可以揀一個人住，就算瞓到好晏都冇問題；
但如果預算冇咁多，就可以住下青年旅館，認識由其他地方嚟嘅朋友，一齊食下宵夜、傾下計。
仲有就係，如果唔想成日要顧住旅伴嘅諗法，或者唔想再睇人面色，一個人旅行就啱晒你啦！
一個人喺首爾旅行，都係一個人行、一個人搵路，行錯路、搭錯地鐵都唔洗覺得愧疚，或者覺得晒時間；
更加唔洗你等我、我等你咁，又唔洗估朋友想做咩、食咩。
最重要嘅係！一個人旅行可以瘋狂咁玩，半夜想去飲酒、想去夜店，都冇問題，記得保護好自己就得啦！
一個人旅行嘅壞處？
唔通一個人旅行就冇任何壞處？
當然有一啲缺點，可以畀大家自行評估。
冇辦法隨時隨地搵朋友影打卡相，呢點其實係小編喺一個人旅行個陣，遇到嘅最大困難。
不過都好易解決，不論係搵路人幫手，定係自備腳架，或者去到當地先同新朋友去，都可以克服呢個問題。
另一個壞處，就係一啲食量比較細嘅朋友，會擔心叫一人份都食唔晒，食淨嘢會好晒。
好多人都會問小編呢個問題：兩個人可唔可以叫一人份，定一定要一個人叫一份。
其實好多餐廳都要一人一份，所以大家儘量都叫一人一份啦！
如果可以嘅就打包番去做宵夜啦～
行完街應該都會餓lol
以上就係小編總結出一個人旅行嘅優點、缺點，其實一個人仲有個缺點，就係搭的士、住宿好難搵人平分，
但只要事前做好功課，揀啱住宿同交通工具，好輕易就可以克服到。
希望大家之後可以成功一個人嚟首爾，去一個淨係屬於自己嘅旅行啦！
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 韓國巴士懶人包 |  旅遊必備APP |