韓國人點樣幫BB慶祝1歲生日？
韓國文化知多少：韓國人點樣幫BB慶祝1歲生日？
Hello，大家好，我哋係由韓國人話你知每日最新韓國資訊嘅Creatrip。
#韓國文化 #韓國BB
#韓國BB一歲生日 #慶祝方法
如果大家有睇過韓國綜藝節目〈超人回來了〉嘅話，都一定記得節目裡面有幫BB慶祝過週歲宴。
其實韓國人係好注重自己仔女嘅一歲生日，所以如果BB一歲嘅時候都會有好多儀式會進行。
今日小編就同大家介紹一下韓國人係點樣幫自己嘅仔女慶祝週歲宴啦！
✨馬上Follow我哋IG
instagram.com/creatrip.hk
韓國人點樣幫仔女慶祝一歲生日
點解會有週歲宴呢樣嘢？
KBS2〈超人回來了〉
韓國人好重視自己仔女嘅一歲生日，呢個週歲宴亦都喺幾十年前就已經有。
因為以前韓國嘅空氣唔好，亦都冇好好嘅醫療support，所以以前韓國嘅死亡率好高。
慶祝BB嘅週歲宴亦都有一個意思係希望BB呢一年可以健健康康成長，亦寓意將來都可以平平安安快高長大。
KBS2 〈超人回來了〉
韓國人會好悉心咁搞週歲宴，除咗會邀請好多親戚朋友嚟之外，仲會預備好多食物同飲品。
週歲宴嘅儀式係點？
祭典嘅第一階段係會先獻食物畀山神同埋創世神，感謝佢哋帶BB嚟到呢個世界。
大部分韓國人都會預備大米、杏仁湯、水、季節性生果等等。
另外，有一個講法就係雖然喺週歲宴上面會準備好多嘢食，但只有家屬先可以食糕點類嘅嘢，因為糕寓意高，希望BB可以快高長大！
KBS 2 〈超人回來了〉
除咗食嘢之外，韓國人仲會將鉛筆、書、錢、針線同埋較剪放喺檯上面畀BB去揀，睇下BB將來會係點。
如果BB揀咗鉛筆或者書，就代表佢第日會學業有成、如果BB揀咗錢嘅話，就寓意佢將來可以賺大錢，大富大貴等等。
KBS 2〈超人回來了〉
不過，而家嘅韓國父母都唔會跟傳統嘅做法，佢哋都會放足球、咪、耳機等等去畀BB揀。
雖然啲物品現代化咗，但其實最主要嘅目的都係想仔女可以健健康康咁成長！
唔知大家對韓國嘅週歲宴有咩睇法呢？歡迎大家留言一齊討論下啊！
✨馬上Follow我哋IG
instagram.com/creatrip.hk
| 其他延伸閱讀 | |
 韓國傳統玩意 |  雙胞胎曾有妹妹? |
