2023年BR雪糕熱門口味排名（每月更新：6月）
2023年BR雪糕熱門口味排名，你鍾意嘅口味又有冇上榜呢？
Hello，大家好，我哋係由韓國人每日提供最新韓國旅行資訊嘅Creatrip。
大家嚟韓國如果想食雪糕，會去邊間鋪頭呢？相信唔少人都會諗到BR（31冰淇淋）！不經不覺韓國BR都有30年歷史，今日就嚟同大家講下每個月最好賣嘅口味啦！唔知當中又有冇大家嘅pick呢？
2023年「BR雪糕」熱門口味排名（2023.6月）
TOP 10. Very Berry Strawberry
韓文名：베리베리 스트로베리
第十位係Very Berry Strawberry，呢一個基本上小編每次去都會食，因為佢酸酸甜甜，而且仲有啲士多啤梨果肉，如果有時食飯食得太膩，甜品食呢款雪糕會即刻開胃返！
TOP 9. RAINBOW SHERBET
韓文名：레인보우 샤베트
呢款雪糕係菠蘿、橙加覆盆子味，而且係冰沙口感，食落甜甜地，加上顏色靚，唔少人都俾佢吸引。
TOP 8. CINNAMOROLL ICE CREAM
韓文名：구름 속 시나모롤
上個月明明仲係第一名嘅CINNAMOROLL，好可惜今次跌到第8位，呢隻雪糕加咗棉花糖、煉奶同脆脆，睇落都幾唔錯！
TOP 7. LOVE STRUCK STRAWBERRY
韓文名：사랑에 빠진 딸기
士多啤梨＋芝士蛋糕＋朱古力呢個組合好難令人唔鍾意！
TOP 6. CHERRIES JUBILEE
韓文名：체리쥬빌레
如果大家鍾意食車厘子，呢款就啱曬你啦！食嘅時候仲會食到啲果肉添~
TOP 5. NEW YORK CHEESECAKE
韓文名：뉴욕치즈케이크
呢款雪糕同佢名一樣，真係超濃芝士蛋糕味！佢最犀利嘅係雖然有芝士，不過唔會好易膩，令人忍唔住食完一啖又一啖。
TOP 4. SHOOTING STAR
韓文名：슈팅스타
大家有冇諗過爆炸糖竟然可以同雪糕Mix&match？一開始小編都覺得好怪，點知食嘅時候好有清涼感，特別係冬天食嘅時候更加爽！
TOP 3. MINT CHOCOLATE CHIP
韓文名：민트초코칩
唔知大家鍾唔鍾意食薄荷朱古力味雪糕呢？其實真係好兩極，有啲人好鍾意食，覺得佢夠清涼，食完會好涼爽。不過有啲人亦會覺得好似食緊牙膏咁，未必接受到。一開始小編都有啲抗拒，不過韓國朋友極力推介試過之後，又覺得幾唔錯。
TOP 2. PUSS IN BOOTS
韓文名：엄마는 외계인
就算冇食過都一定聽過BR嘅「媽媽係外星人雪糕 」，只聽個名都覺得好笑。呢一款除咗韓國人鍾意之外，唔少外國人都好鍾意。佢由牛奶朱古力、黑朱古力同mousse雪糕組成，而且仲加咗啲好似麥提莎嘅朱古力波波，如果大家超鍾意食朱古力，呢款一定唔可以錯過！
TOP 1. CHICAGO POPCORN
韓文名：시카고 팝콘
去戲院食爆谷可能就食得多，但爆谷mix雪糕你又試過未？呢隻雪糕係加咗芝士同焦糖，平時鍾意食爆谷嘅朋友都可以去試吓！
想好似韓國人咁用比較平嘅價錢買雪糕？而家透過我哋就可以買到BR現金券！而家只要用￦15,300就可以買到一張價值￦17,000嘅現金券！冇限買幾多張，可以多張同時使用，鍾意食BR嘅你，千祈唔好錯過！
以上10款BR雪糕，唔知又有冇大家鍾意嘅口味呢？歡迎大家留言話俾小編聽！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
