logo

令人「愛恨分明」嘅韓國食物

令人「愛與恨」嘅8款韓國美食,大家又敢唔敢挑戰?

황요산
8 days ago

Hello,大家好,我哋係由韓國人每日提供最新韓國旅行資訊嘅Creatrip


韓國美食咁多款,唔知大家又最鍾意食邊款呢?不過有啲雖然係韓國代表美食,不過就係令人好極端,一係鍾意一係唔鍾意,未必有中間嘅美食,唔知大家又諗唔諗到邊啲咩?



令人「愛恨分明」嘅韓國食物

蛹 

令人愛恨分明嘅韓國食物


如果問10個外國人,韓國美食之中有咩唔食,可能大部份人第一個都會諗到係蛹。因為睇落去...就好似真係食緊蟲咁,小編每次見到都忍唔住會避開。特別係好多市場都有阿姨推住車仔咁賣,有時聞到陣味都覺得驚。小編問咗韓國同事,佢哋都話基本上好多韓國人都食,唔食嘅人相對比較少。



血腸

韓國血腸


平時睇韓劇或綜藝,小編都覺得佢哋食血腸食得好enjoy,小編第一次食嘅時候,真係唔太接受到....口感會有啲怪。不過...神奇地只要係加咗年糕汁或者係血腸湯,小編就會相對比較食到,唔知大家又鍾唔鍾意食呢?



雞腳

韓國雞腳

呢到要同大家講下,韓國嘅雞腳同香港嘅雞腳有啲唔同,小編覺得韓國嘅似係香港鳳爪?多(不過係無骨)。不過不得不提韓國嘅雞腳真係好辣,就算同老闆講小辣都好,每次都要狂飲水先可以解辣。雖然係好辣,但就會令人有種食上癮嘅感覺,大家又覺得點呢?



生章魚

韓國生章魚

唔知大家去廣藏市場會唔會試食過生章魚呢?每次一上檯,章魚都好生猛同新鮮,不過唔少人都會覺得好嘔心,因為有時食會吸住自己條脷。



生牛肉


另一樣唔係咁多人夠膽挑戰嘅生嘢係生牛肉!雖然唔會好似頭先介紹嘅生章魚一樣咁郁嚟郁去,不過因為喺香港唔會完全生食牛肉,好多人都會怕唔新鮮同有血腥味.. 不過根據小編經驗,只要去處理得好&調味做得好嘅鋪頭,食一次就會上癮!





海腸

韓國海腸


睇外型真係一啲都唔討好....但鍾意食嘅人又真係好鍾意。因為好多時都係生食,如果唔配辣椒醬一齊食就會覺得好腥,好難放入口。



清國醬

韓國清國醬


雖然睇湯嘅顏色,同大醬湯有啲似。不過味道真係可以話差好遠,清國醬嘅湯比大醬湯濃勁多!唔少韓國人都覺得食咗好補身,但係聞到陣味小編已經抗拒咗。



醬油蟹


醬油蟹而家可以話係成為咗韓國旅行必食Menu之一,不過就算係韓國人,都有唔少人會怕食醬油蟹,如果唔新鮮嘅話唔單止會腥,仲有可能會食到肚屙...所以大家如果想試,記住要去比較出名嘅餐廳!






斑鰩  

韓國斑鰩  runningman


唔單止外國人,好多韓國人都未必接受到...因為好多人都覺得佢好臭,有時聞到味可能都會想作嘔。記得曾經有一集Running Man成員去食,佢哋都覺得好難吞落口。



烤盲鰻 

韓國 烤盲鰻


如果講到食盲鰻,唔少人都可能會諗到釜山,因為嗰度有「烤盲鰻一條街」。好多時大家一叫完,老闆會將生猛嘅盲鰻送上檯,大家再去烤。烤嘅時候盲鰻仲會跳嚟跳去,有時都驚會唔會跳落自己身上。不過有啲人會覺得佢好脆同好味,小編就真係唔太識欣賞。


以上呢幾款韓國美食大家又有冇試過,或者又接唔接受到呢?歡迎大家留言話俾小編聽。



想食盡韓國?







如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章