Hello，大家好，我哋係由韓國人話你知每日最新資訊嘅Creatrip。
#韓國idol #Oppa
#韓國料理 #韓國自創料理
韓國嘅Oppa唔單止演繹出眾，原來佢哋煮嘢食都有返一兩手。
今次小編就同大家介紹一下Oppa們近排自創咗啲咩簡單有好食嘅料理啦！
✨馬上Follow我哋IG
instagram.com/creatrip.hk
韓國藝人自創料理
1. EXO - 燦烈
辣炒年糕係其中一款韓國人最鍾意嘅街頭小食。
雖然喺網上可以搵到好多唔同嘅炒年糕食譜，但係Exo-燦烈嘅食譜就得到咗好多好評，所以值得一試啊！
食譜
1. 先洗年糕，然後將兩碗水同埋三湯匙嘅糖落去煲到煲滾
2. 當開始煲滾之後，就落一大羹韓國辣椒醬然後不斷咁攪拌
3. 之後再放兩羹半嘅䜴油同埋1羹半辣椒粉，再煲滾
4. 最後可以再加埋雞蛋同埋蔥令佢更加豐富
提示：煮嘅時候記得要一直攪拌，唔好黏底啊！
呢個style嘅辣炒年糕真係好容易整，鍾意嘅朋友一定要試下啦。
2. MAMAMOO 華莎|
華沙自創嘅就係呢個松露炸醬麵，一齊睇下做法啦！
食譜
1. 先倒啲水去個鍋入面然後用大火煮熟啲麵，可以煮喺超市買到嘅韓式炸醬即食麵
2. 放入炸醬然後用細火再煮
3. 煮到你鍾意嘅硬度之後就再加入松露油再攪拌一下
4. 最後加埋蛋黃上去就大功告成啦
華沙喺「我獨自生活」呢套綜藝裡面曾經介紹過呢款料理，好多人睇完之後都跟住呢個方法整。
3. ZE:A 桐俊
食譜
1. 首先要將啲蘿蔔切碎
2. 之後要加入5大羹請辣椒粉，1大羹紅辣椒粉，2大羹糖，1大羹糖漿，2羹半䜴油同埋少少胡椒。
3. 開細火然後將切好咗嘅蘿蔔同埋醬汁煮熱
4. 煮熱之後就要閂埋個蓋
5. 最後加入年糕同埋魚餅就搞掂
桐俊佢係出名廚師白宗元嘅徒弟，所以呢個食譜一出就好多人跟住整！
4. Super Junior 金希澈
呢款就係大蔥牛奶撈麵，製作方法非常簡單，唔洗5分鐘就可以搞掂！
食譜
1. 先將辣椒切好
2. 倒啲水入去個鍋到，然後將麵煮熟
3. 麵熟之後再加水，然後將兩杯牛奶倒入去平底鍋到煮
4. 之後放返煮熟咗咗嘅麵入去攪拌，按照個人喜好再加啲辣椒醬同埋蔥
就連白宗元都讚好推介，所以好多人都對佢有興趣。
5. Super Junior - 圭賢
圭賢自創嘅呢款係炒豬肉蓋飯，一齊睇下有咩特別啦！
食譜
1. 將五花肉切成細細塊，唔需要用任何油直接用平底鍋炒
2. 準備1羹半黃糖，4大羹䜴油，6大羹紅酒同埋兩羹耗油，之後將佢哋攪拌
3. 將蔥同埋蒜放入鍋裡面一齊攪拌
4. 倒一杯水去鍋入面，再煮一煮啲洋蔥，蒜，蔥同埋生薑
5. 確保煮都個汁有甜味出嚟就可以繼續下一步
6. 放啲五花肉同埋醃蘿蔔一齊煮
7. 煮到咁上下之後用大火煮多大概三分鐘
8.預備好白飯，將炒好嘅豬肉放喺面頭就大功告成啦！
圭賢呢個食譜真係步驟簡單又容易整，仲非常健康添！大家都可參考一下呢個炒豬肉嘅方式啊！
6. BTS - 金碩珍
金碩珍設計嘅呢款就係南瓜牛肉蘑菇飯。
食譜
1. 將牛肉倒入平底鍋
2.將南瓜蓉整曬出嚟
3.準備好調味料，將辣椒粉同埋洋蔥
4. 將松茸，西蘭花切碎然後同牛肉一齊炒
5. 所有野都熟曬之後再加埋芝士
6. 再去焗一焗就搞掂
金碩珍成日都會整呢款料理比其他隊員食添！
以上5款由idol自創嘅食譜，唔知大家又鍾意邊款呢？不妨留言同小編分享一下你哋最鍾意邊款啦！
✨馬上Follow我哋IG
instagram.com/creatrip.hk
| 其他延伸閱讀 | |
 韓星食譜大公開 |  韓星撞鬼經歷 |
