韓星撞鬼經歷
相傳見到鬼會大發？Seventeen Hoshi見到女鬼仲要同佢打招呼？
Hello，大家好，我哋係由韓國人每日提供最新韓國旅行資訊嘅Creatrip。
喺韓國，有一個講法係如果見到鬼即係等於會大發。只要見到鬼，韓星嘅專輯可能就會大賣，到底有邊個韓星撞過鬼？
韓星撞鬼經歷
1. Seventeen
Seventeen嘅綜藝節目《GOING SEVENTEEN 2020》拍咗一集去荒廢工廠嘅寒涼特輯。節目入面Seventeen成員要完成指定仼務之餘，仲要避開「殺人魔」嘅追殺。成員圓佑表示自己喺入面見到有4隻鬼，其中1個係女鬼。不過製作組就話佢哋淨係安排咗3個男性工作人員喺廢墟入面。成員The8同Hoshi之後都有話佢哋喺入面見到個「女仔」。
喺節目入面仲影到Hoshi對住一間冇人嘅房打招呼，佢之後話佢見到有個女仔坐咗喺個櫃上面，仲有眼神交流添！
2. EXO
wowtv
EXO喺tvN嘅《eNEWS-點擊率最高的新聞》入面話佢哋去俄羅斯嘅時候遇到俄羅斯鬼！成員燦烈話：「喺俄羅斯遇到俄羅斯鬼，或者唔係真係鬼，但係係一次好特殊嘅經驗。」當時燦烈同CHEN用同一間房，佢一訓就覺得自己好似俾鬼壓。之後隻鬼就走去CHEN嗰邊，去折磨CHEN，之後CHEN就大咗一聲「救命啊！」跟住就有一陣涼風吹過，然後隻鬼就唔見咗。
3. BTS
K-Luv
2016年BTS發行專輯《WINGS》嘅時候，柾國就喺專輯發布會上面分享咗自己喺錄音嘅時候疑似撞鬼嘅事。佢話當時錄音錄完自己嗰part之後打算從頭再聽過自己嘅錄音。點知佢發現唯獨佢錄嘅所有嘢都唔見晒，所以佢就重新錄過，當佢錄完音之後打算再聽一次，點知發現唔係佢個part但有佢把聲。
4. BLACKPINK
好多YG藝人都話過自己公司入面有鬼，Blackpink成員Jisoo同Lisa都有話見過「佢」喺練習室同衣櫃入面。不時仲會俾鬼壓...真係聽到都覺得驚，令人打哂冷震。
5. NCT
엠스플뉴스
NCT成員泰容、Johnny、道英有講過佢哋前宿舍間房有鬼，道英表示過佢曾經喺房入面見到鬼。泰容就話每次一行入間房，都會有一種周身唔聚財嘅感覺，不過好彩佢哋依家搬咗新宿舍！成員泰一因為會夢遊，所以佢有時會爬入衣櫃敲牆，搞到啲成員唔知到底係泰一敲定係其他「朋友」敲...
6. IU
有一日IU瞓緊教嘅時候，突然覺得有個人喺後面攬住自己，之後就聽到有把男仔聲講咗句「我愛你」，跟住就走咗。之後佢瞓教嗰陣好多時喺個夢入面都會出現一隻好靚仔嘅鬼。亦都因為咁IU就將「睡着後就會出現的你」作為主題，寫咗《獨守空房》嘅呢首歌。
唔知大家睇完又覺得恐唔恐怖呢？歡迎大家留言話俾小編聽！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
