《新西遊記8》開拍
《新西遊記》返嚟啦！第8季開始拍攝，直播同觀眾互動勁多笑料！預計10月9號首播！
Hello，大家好，我哋係由韓國人話你知每日最新韓國資訊嘅Creatrip。
#韓國綜藝 #新西遊記8
#開拍 #期待
之前tvN有宣佈《新世遊記》會喺8月開拍。
不過因為疫情影響，好多節目都一直延遲或暫停拍攝。
依家開拍，預計10月就會公開，唔少Fans都好期待！
唔知大家本身又有冇追開呢？
✨馬上Follow我哋IG
instagram.com/creatrip.hk
《新西遊記8》開拍
tvN《新西遊記8》開始正式拍攝，製作組14號喺YouTube頻道「頻道十五夜」，公開咗《新西遊記8》團體照。
雖然相入面大家都打哂格仔，不過成員嘅打扮仍然吸引唔少人嘅目光，六人化身為傳統故事《興夫傳》人物。
同時《新西遊記8》亦係YouTube頻道開咗臨時直播。
製作組喺官方SNS公開「答啱問題嘅成員就可以落車，喺智異山附近食店開live直播，有興趣嘅朋友可以嚟睇！但我哋唔會合邊位成員先落車。」
喺拍攝嘅同時亦以直播方式，同觀眾一齊見面互動。
製作組為咗防新冠肺炎疫情，表示一次只會有一個成員落車，以最少人數限度進行拍攝。
第一個登場人物會喺邊個呢？
第一個喺直播登場嘅成員係Super Junior圭賢。
圭賢叫咗河蜆拌飯同蜆湯，著住黃色韓服同化咗個濃妝打扮成「孬夫夫人」。
佢仲同觀眾講：「呢個絕對唔係懲罰，而係因為答啱問題而有嘅獎勵。而喺得知有萬幾人睇緊直播嘅時候，他更加當場趕人，叫人退出直播。」
第二位登場嘅係姜虎東，他去咗一間歷史悠久嘅中國餐廳，食住炸醬麵同糖醋肉直播。
佢同觀眾解釋，佢嘅角色並唔係「興夫」，但無論角色佢係咩角色都好，佢嘅假髮同假鬍都令觀眾忍唔住笑。
殷志源係最後一位登場，佢以憤怒鳥裝扮出現，出現嘅同時自己都忍唔住大笑。
喺飲緊咖啡同食緊馬卡龍嘅時候，佢表示「雖然答啱問題可以食嘢，但呢次令我感覺係懲罰而唔係獎勵」。
今次第八季《新西遊記》安宰賢決定唔出演，唔少Fans都覺得可惜同失落，小編希望之後佢會再次加入啦。
目前預計會喺10月9號首播，大家敬請期待啦！
✨馬上Follow我哋IG
instagram.com/creatrip.hk
| 其他延伸閱讀 | |
 高考成績好藝人 |  高智商韓星 |
