梨泰院感染恐超新天地
梨泰院感染79宗確診，同日大邱0新增...防疫當局：陽性確診者恐怕比新天地多
Hello，大家好，我哋係由韓國人話你知每日最新韓國資訊嘅Creatrip。
截止至今日（11日）上晝8點，梨泰院夜店集體感染嘅確診者已累積79個。
同時，大邱市今日冇任何新增病例。
對於梨泰院夜店集體感染現象，防疫本部相當擔心，部長甚至發言表示，梨泰院感染潮恐怕唔會少過新天地教會。
Creatrip為咗關心韓國嘅朋友，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
梨泰院感染潮
來源：news1
日前，中央防疫對策本部表示，今次梨泰院夜店集體感染嘅陽性比例，可能會比新天地教會嘅感染潮更加高。
鄭恩京本部長（정은경音譯）發言表示，新天地教會唔係一次性傳染，而係透過多次禮拜同小規模聚會呢啲密切接觸傳染，所以檢疫呈陽性嘅比率非常高（大約30%，大邱地區40%）。
梨泰院夜店係密閉空間，人同人之間又有相當密切嘅接觸，檢疫呈陽性嘅比率可能更高。
來源：국민일보
據了解，至截稿為止，梨泰院夜店群聚感染關連案例已累積到79例，其中有大約30%係無症狀感染者。
另外，尋日京畿道舉辦嘅緊急記者會上，京畿道知事表示，梨泰院夜店出入登記者大約有三分之二嘅人登記咗假名，或錯誤嘅手機號碼。
新天地教會禮拜成員係固定，追查起上嚟相對簡單，但梨泰院夜店嘅出入名單唔準確，難以掌握。
加上社會大眾對同性戀族群唔友善，可能會令感染者唔敢就醫或者接愛檢疫，令防疫更加困難，當局非常憂心。
大邱之前都有確診者去過釜山夜店，但點解當時又冇造成好似梨泰院夜店咁大規模嘅感染呢？
鄭本部長表示，因為大邱確診者係喺去完夜店之後兩日先發病，而今次梨泰院夜店嘅一號確診者，係去完當日就發病。
確診患者（訪問個陣）嘅傳染力差異，會決定集體感染嘅嚴重程度。
來源：인사이트
因為好難清楚了解大家係喺邊個時段去咗邊度，所以只可以話呢段時間去過嘅人都屬於高風險。
加上，當局唔可以清楚掌握名單，可能比新天地集體感染更嚴重。
✨馬上Follow我哋IG
instagram.com/creatrip.hk
| 其他延伸閱讀 | |
 韓國同性戀文化 |  韓國教會文化 |
