韓國同性戀文化

Hello，大家好，我哋係由韓國人話你知每日最新韓國資訊嘅Creatrip。

＃韓國同志＃韓國同性戀
＃韓國文化＃性傾向＃差異

2019年5月17號，三讀通過，台灣成為亞洲第一個開放同性婚姻嘅國家

雖然有好多反對聲音，但堅持進步價值嘅政黨同台灣總統，都以「賭上政治生涯」嘅氣力，去推動呢條法案通過。

雖然屬於亞洲文化圈，但因為歷史發展脈絡，令台灣人普遍對「異己」文化抱持相對寬容、開放嘅態度。

即使係喺異性戀佔大多數組成比例嘅社會，支持同志婚姻嘅，唔單止喺同志本身，更多嘅係嚟自社會、學界、法律界嘅支持。

對比香港，海外登記嘅同性婚姻未被法律承認，喺唔同嘅事件上面對同性婚姻亦仍然有好大嘅爭議。

咁同樣身為亞洲文化圈之一嘅韓國，又係點樣看待「同性戀」文化呢？

✨馬上Follow我哋IG
instagram.com/creatrip.hk

2019年05月17日，台灣三讀通過同姓婚姻

05月17日，台灣歷史嘅新章，同時標記住亞洲民主史、性別運動史上嘅輝煌一頁。

台灣成為亞洲第一個開放同性婚姻嘅國家。

台灣鄰近嘅亞洲國家，好似日本咁，都有大篇嘅報導。

不過，韓國嘅新聞報導就屈指可數，連網路新聞嘅討論都唔夠一千條。

韓國對同志議題相當敏感，喺更早之前仲爆發咗南韓軍隊大量逮捕疑似係同性戀嘅官兵，好似種族清洗一樣咁調查、指認，甚或係性虐待。

所有南韓總統候選人都公開反對同性戀；甚至連身邊嘅親朋好友都厭惡同性戀。

一個咁樣嘅社會，令同性戀者永遠走唔出陰影。

韓國同志運動

香港由2008年開始，幾乎每一年都有同志遊行。

由第一屆只有1000人參加，到2018年過萬人上街，表達訴求。

咁韓國呢？第一屆喺首爾舉辦嘅同志遊行（2000年）只有500幾人參與。

喺2014年之前，遊行一直只可以喺局部區域舉辦，例如梨泰院、惠化、新村等等，後嚟喺時任市長朴元淳支持下，先可以喺首爾市廳廣場舉辦，參加人數達五萬人。

2018首爾同志遊行@kbs

雖然參加人數變多，但係對比韓國人口嚟講真係唔太多。

喺韓國似乎整體社會氛圍飄散住，只要你發聲，你就要承擔風險嘅氛圍。

韓國宗教

以宗教而言，基督教、天主教等西方宗教佔韓國人信仰嘅大部份。

全民調查入面，更佔咗全國人口嘅20%，可見係個幾龐大嘅數字。

因此，對於族群概念濃厚嘅韓國人而言，宗教係生活、家族圈凝聚嘅一大主因。

另外，宗教勢力深入財閥、政治圈，所以絕大多數政治人物都公開反對同性戀，表達立場。

韓國社會

對於多數韓國人嚟講，好少會提起「同志」，甚至會漠視同否認有呢個族群生活喺自己國家嘅事實。

ntoday

2018年七月嘅首爾同志遊行，一度因反對、請願，要求政府將申請駁回，而差啲搞唔成。

2018年04月全州同志遊行

韓國文化

韓國社會注重群體，厭惡「異己」。

佢哋認為，要同大家一樣融入社會先係啱嘅。

所以好多人喺自我認同過程入面，接收到過多「所謂男女相戀」先係正常嘅觀念。

即使終有一天，意識到自己係個同性戀者，都唔敢對任何一個人坦承。

韓國愛情案例入面，唔少人隱暪性向，強迫自己同異性交往，達到社會認為成年男子、適婚女性「應該要有嘅模樣」。

更有唔少人選擇走入婚姻，試圖將最後一塊「正常」嘅砌圖砌起。

韓國大男人主義

韓國嘅大男人主義問題非常嚴重，更有長幼有序、男尊女卑……等意識形態。

剛強、陽剛、熱愛女體、將女性視為己有之物等等都係韓國人心目中嘅男人形象。

即使到咗今日，喺韓國唔講同志議題，只講互相尊重嘅兩性平權，仍然需要好多時間進步。

職場、校園、同儕之間嘅侵犯、偷拍、欺壓、暴力，絕大多數都係以男性佔有生理同階級優勢，成為加害者。

#MeToo @SBS

韓國男性普遍有一種「群體盟友」嘅意識，所以朋友可以一齊沖涼、瞓同一張床、成日一齊。

韓國嘅汗蒸幕、校園文化就可以見到呢種同性之間嘅親暱。

對大部分男性而言，其他男性都係同自己一樣陽剛嘅「鏡面反射」，唔可以有任何被懷疑嘅機會。

因此韓國好多男同性戀者，都唔敢「出櫃」，怕會被身邊嘅朋友睇唔起。

男性對其他女性嚟講，除咗上述所講嘅刻板印象外，更令人厭惡嘅係韓國男性對「女性主義」嘅鄙視。

女性主義泛指女權進步、女權至上等講法，喺性別意識唔平等嘅國家同地區，更係一種容易被針對嘅學術意識形態。

韓國人厭惡同志文化，亦深深厭惡（驚）女性主義。

淨係Red Velvet Irene睇有關女權主義嘅書，就引起好多男性粉絲攻擊。

足以見識呢類男性主義啲思想，早已根深蒂固喺每個男人嘅心入面。

韓國校園、軍隊、職場

校園入面，多數人冇受到完整嘅性別教育，無法理解、包容個啲同自己唔同嘅差異。

所以喺好多南韓同志電影入面，唔少都係探討學校霸凌嘅現象。

軍隊嘅霸凌現象更加嚴重。南韓軍隊係強制性徵兵，每位男性都必須令其他人覺得，自己加入軍隊係陽剛嘅表現、經得起考驗。

長達21個月嘅服役生活，男性主義加埋長幼尊卑概念，令軍隊入面霸凌、性侵事件層出不窮，但往往都被壓落嚟，銷聲匿跡。

2017年，韓國軍隊開始大規模逮捕休假期間進行同性性行為嘅士兵，更強迫佢哋指認軍隊入面其他同性戀者。

cn.nytimes.com

無論受到調查之後，有冇遭到定罪，言語、肢體霸凌、性侵犯對當事人嚟講，都會成為佢哋唔可以磨滅嘅陰影。

最常見嘅就係嗰啲無意義嘅玩笑，想維持軍隊嘅陽剛形象，剔除陰柔份子，再揭示韓國對於同性戀族群無法包容嘅一面。

lgbtpride.tistory.com

南韓職場，多數人都有類似經驗：因為被人得知性傾向，而受到言語上有意無意嘅欺凌。

所以，對韓國人嚟講，向其他人坦白自己嘅性傾向，唔係一件咁容易嘅事。

韓國同志據點

韓國首爾地區嘅鐘路三街、梨泰院、釜山嘅凡一都係同志嘅聚腳點。

雖然呢啲場所未必只有特定族群先可以去，但其實都已成為彼此心照不宣嘅秘密。

通常呢啲鋪頭都藏身喺隱蔽嘅巷入面，唔收女性客人、男女混客，入場個陣會隱晦咁問「知唔知呢度係會員制㗎？」。

韓國同志文化

相對於普遍壓抑嘅社會風氣，文化作品似乎成為韓國同志宣洩嘅方法。

韓國同志電影唔少都以自身故事為例，根據社會現實，拍出令人心碎嘅故事。

換季男友

王的男人

雙花店

兩個婚禮一個葬禮

愛，不怕

以上呢啲南韓嘅同志電影，分別以歷史、幽默小品、校園題材，傳達出同志喺社會、親族、異性戀之間嘅掙扎。

隱藏喺社會嘅人，絕對比想像中更多。

電影無疑係佢哋對生活嘅反抗。無論文化面向如何，韓國同志嘅處境，絕對品會比電影世界入面嘅輕鬆。

韓國藝能界同志

南韓藝人洪錫天（홍석천）喺2000年公開出櫃，承認自己係同性戀者。

呢個舉動令佢陷入七年冇工開嘅困境。

因為講出事實、做自己，反而受到南韓社會群體公審，反而令呢個社會無法進步。

南韓導演金趙光秀（김조광수）亦公開出櫃，更喺同志婚姻仍被禁止嘅時候，金趙光秀同男友喺首爾舉辦咗史上第一次男同志婚禮，轟動一時。

前2NE1成員CL也喺個人instagram公開力撐台灣通過同性婚姻法案，畀唔少南韓網友圍剿，令人更加憂慮韓國同志嘅處境同將來。

韓國同志現況與未來

喺韓國人觀念裡，兩個男仔或者兩個女仔親近，係友情嘅表現，無法用愛、亦「唔容許」用愛表達。

對韓國同志嚟講，呢個係慘痛嘅命運。

身邊朋友唔接受，屋企人唔接受，學校或者軍隊唔接受，職場唔接受。

大多數人都要戴上面具，龜縮喺世俗眼光下生活，並深受疾病、性愛、用藥嘅污名影響。

韓國生活已經好辛苦，加上心理同社會壓力，令同志唔敢為自己發聲，南韓同志人權亦罕見咁落後於其他已開發國家。

공공뉴스

喺華麗嘅外表背後，比現實更令人難受嘅南韓同志處境，仿彿任何一個要求同進步都係奢望，永遠都唔會有見光嘅一日。

✨馬上Follow我哋IG
instagram.com/creatrip.hk

更多延伸閱讀
韓國大學生文化	鐘路三街益善洞