韓國漁場管理
韓國「漁場管理」現象：「習慣性稱讚」係收兵高手？過半男女自認曾被收兵
Hello，大家好，我哋係由韓國人話你知每日最新韓國資訊嘅Creatrip。
＃韓國文化＃漁場管理
＃調查＃男女關係
大家知唔知漁場管理（어장관리）嘅意思呢？
韓文嘅「漁場管理」其實係個比較負面嘅字，意思係「收兵」，意指係同時聯絡好多人，漁翁撒網式，睇下邊個會上釣。
成日都聽「漁場管理」，實際上韓國人係咪真係會咁做呢？一齊睇下今日嘅韓國文化啦！
✨馬上Follow我哋IG
instagram.com/creatrip.hk
韓國漁場管理
根據結婚公司Duo（듀오）嘅調查顯示，每兩個未婚男女入面，就有一個（52.3%）曾經被「漁場管理」過。
意思即係佢哋曾經感受過自己「被」曖昧，又「被結束」呢段關係，對方不停咁周旋喺唔同嘅人之間。
性別分佈上嚟睇，女性受到漁場管理嘅經驗係54.9%，高於男性嘅49.5%。
比較有趣嘅係，反問呢啲人係咪有試過「漁場管理」，18.6%女性、19.5%男性表示自己有。
男性認為會「漁場管理」嘅人有咩特徵呢？
40%男性認為「有好多異性朋友」排第一；排第二（21.6%）係「只有自己想見嘅時候先會見面」；
再嚟15.8%嘅人認為「習慣稱讚對方」都係漁場管理嘅特徵；第四（13.2%）「好少聯絡」；
5.3%認為「絕對唔講要一齊」、2.1%「用暱稱稱呼對方」、1.6%「熟練嘅身體接觸」都係「漁場管理」嘅特點。
同樣嘅問題問女性，咩係「漁場管理」嘅特點？
同樣都係「有好多異性朋友」排第一（36.3%）；再嚟係「習慣稱讚對方」（20.6%）、「絕對唔講要一齊」（17.2%），「熟練嘅身體接觸」（13.2%）。
其他好似「只有自己想見嘅時候先會見面」、「用暱稱稱呼對方」、「好少聯絡」嘅特點就佔5%以下。
雖然「漁場管理」唔係100%係壞事，不過比起同時放幾條線、收兵，同一個人專心約會，培養感情唔係更好咩？
不過，講就容易做就難，大家如果有同韓國Oppa、Onni拍拖嘅經驗，應該就明小編嘅意思。
畢竟有時候喺韓國確實好難唔管理自己嘅漁場，唔係就會成會其他人眼中嘅大魚。
✨馬上Follow我哋IG
instagram.com/creatrip.hk
| 其他延伸閱讀 | |
 韓國情人節整理 |  韓國出軌現象 |
