韓國出軌現象整理
《夫婦的世界》劇情都係真？近半韓男有過外遇經驗？40.5%認為性交易唔算外遇？
Hello，大家好，我哋係由韓國人每日提供最新韓國旅行資訊嘅Creatrip。
睇開韓劇嘅大家，一定都會發現好多劇情都有外遇、腳踏兩船、不倫戀呢？雖然韓劇通常都有啲誇張，但真實嘅韓國社會好似又真係有呢啲事發生。之前JTBC熱播嘅《夫婦的世界》，引起好多人討論，劇情錯綜複雜，真實韓國社會入面嘅不倫戀，比例有又幾高呢？一齊睇落去啦！
韓國人外遇比例
KBS《前往機場的路上》
一般由年輕偶像、演員出演嘅韓劇，比較少有呢類出軌題材，劇情通常都圍繞住未婚男女嘅戀情。呢類不倫戀嘅劇情，多數會搵韓國實力派演員（對外國人嚟講可能唔太識），吸引多啲觀眾。
唔單止韓劇係咁，現實生活中都一樣有，韓國電影演員金敏喜曾經大方咁同已婚導演洪常秀公開戀愛……雖然造成輿論衝擊，但有一部分人覺得冇咩大不了。
헤이데이
根據HEYDAY雜誌統計，1,090位男女入面，50歲以上嘅男性有過半數（53.7％）有過外遇經驗，而50歲以上嘅女性就有9.6%，呢個數據真係非常驚人。
備註：全年齡嘅男性外遇比例係50.8%，女性係9.3%
調查更指出，50歲以上嘅男性一生入面嘅外遇對象有12.5個，50歲女性為4.3個。30代男性曾有外遇經歷嘅有42.3%，40代有48.4%，60代以上有56.7%。
韓國外遇比例高嘅原因
咁點解韓國嘅外遇、一腳踏兩船嘅比例會咁高呢？小編個人認為，多少同韓國女權低落、性交易文化有關。雖然唔可以一竹竿打沉一船人，但確實直到今日，呢類案件真係有好多。對男性嚟講，入咗職場之後，為咗融入職場生活，社交場合幾乎無法避免，對啲small potato嚟講，唔參加就係違抗上司命令，根本冇人敢say NO。
性交易等於外遇？
同份問卷入面，仲調查咗韓國人心目中「性交易係咪等同外遇」。其中有40.5%嘅男性、15.1%嘅女性認為「性交易唔算外遇」，喺呢啲人入面又有43.3%曾經感情上出軌。認為性交易等同外遇嘅人入面，有20.9%嘅人曾經進行性交易，或者情感上出軌。
JTBC
其實一啲韓國企業傾生意嗰陣，好可能會有一啲性招待嘅情況。雖然唔一定都會係咁，但係喺韓國都幾常見，所以韓國家長會提醒個女唔好同職業係「商業業務」嘅男仔拍拖。
JTBC
唔知大家嚟韓國有冇發現，街上面飲醉嘅上班族，清一色都係男仔呢？當一班男仔飲酒飲到醉醉哋，又要去第二輪、第三輪口嗰陣，可能會去啲唔正經嘅場所（多數都會去夜總會、KTV TOWN（노래타운）等可以「玩樂」嘅地方。）
對1,200個平均年齡為24歲嘅男性進行嘅「性交易狀況調查」發現，無論係自願、非自願，竟然高達56.7%承認有過性交易，27.6%比例係一年內發生過。呢56.7%嘅男性入面，平均經歷過6.99次嘅性交易。
點解男性外遇比例高？
研究呢個議題嘅博士表示，邁入中年嘅男性心靈上會覺得空虛，充分體會到身體大不如前，所以佢哋出軌，嘗試搵心靈上嘅慰藉。另外夫妻之間性生活矛盾都係造成出軌嘅原因。調查發現，有外遇經驗嘅人，對「性生活不滿足」一題平均有4.1分(滿分5分），而冇外遇經驗嘅人就平均有3.89分。問卷亦指出，平時自慰頻率越高，外遇嘅機率都越高。
整體嚟講，韓國女性外遇比例比男性低，同韓國嘅女性地位有關，基於儒教思想影響，社會對於女性出軌，會強烈譴責，但對於男性外遇，總係比較寬容。呢種男性外遇本風流嘅諗法，無疑係助長韓國男人不倫戀嘅歪風。
雖然睇數字好似好得人驚，但韓國都仲有好多好男人，小編身邊嘅韓國男性朋友，都有唔少係聽晒女朋友話嘅癡情男子。
以上係關於韓國不倫戀嘅文化，希望大家會鍾意。
如果有更多想知嘅內容，都可以隨時留言或者dm話俾我哋知：）
Instagram：creatrip.hk