Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃動物森友會
＃韓國＃感人新聞＃母親
近排多人玩嘅遊戲，一定要提任天堂嘅《動物森友會》。
一上市就喺各地引起熱烈討論，就連韓國都唔例外，個個都爭住買嚟玩。
韓國遊戲直播主choitendo（최텐도）玩《動物森友會》嘅時候，收到一封信。
呢封信嚟至媽媽，佢一睇到即刻忍唔住落淚。
另外，近期韓國玩家LoLieL嘅真實故事改編而成嘅漫畫重新流傳，再次感動無數人。
一齊睇落去啦！
✨馬上Follow我哋IG
instagram.com/creatrip.hk
動物森友會感人插曲
有玩《動森》嘅朋友都知道，一去到無人島，就會收到系統入面嚟自媽媽嘅信。
choitendo（최텐도）玩《動物森友會》嘅時候，都收到呢封信。
雖然知道係遊戲設定嘅一部分，但choitendo猶豫咗好耐，甚至有啲驚訝，先將信打開。
信入面寫：「係咪安全抵達無人島啦？有啲擔心你。送份禮物畀你，你可以食咗佢，或者拎封種都得。──媽媽」
睇完信，choitendo喺鏡頭面前喊咗出嚟⋯⋯
choitendo同觀眾解釋：「母親喺三年前患癌去世，但（動物森友會）以媽媽嘅名義來信，我真係忍唔住……好對唔住。」
佢為自己喺直播個陣失態道歉。
佢甚至有一年半，都唔敢停咗媽媽嘅手提電話，怕就咁同媽媽斷咗聯絡。
最後choitendo話，自己唔會食遊戲入面媽媽送嚟嘅橙，會用嚟喺屋嘅周圍種樹，就好似媽媽嘅懷抱一樣，小屋兩邊嘅橙樹燦爛盛開。
動物森友會感人漫畫
呢個感人漫畫已經出咗一段時間，傳遍全球，近期因為《動物森友會》大熱而再度熱傳。
故事係一個韓國網友嘅親身經驗，大家可以喺上面嘅link睇。
呢篇漫畫感動咗無數人，小編都忍唔住睇到喊⋯⋯
唔知大家睇咗呢篇漫畫，有冇同小編一樣忍唔住喊呢？
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 確診者的一封信 |  大邱感人父女 |
