Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃犯罪
＃素媛案＃趙斗淳
＃2020年出獄
隨住N號房事件（相關報導請點我）喺韓國越演越烈，男女唔平等、性暴力等議題都隨之浮上檯面。
2013年，由真實事件改編而成嘅電影《許願生》，講一個叫素媛嘅女仔，遭受殘忍嘅性暴力對待，加害者竟然以「飲醉酒」嘅理由試圖脫罪。
12年後，犯人即將期滿出獄……
✨馬上Follow我哋IG
instagram.com/creatrip.hk
「素媛」案件
來源：電影《소원(希望：為愛而生)》
2008年12月，一個8歲嘅女仔喺返學途中，被一個叫趙斗淳嘅男入拖入廁所強姦。
佢更殘忍咁用馬桶吸盤插入女童下體，試圖消滅性侵證據，令女童大腸、小腸外露，肛門同性器官嚴重受損，造成永久傷害。
緊急送院後，女童雖然保住性命，但佢一生都要用人工肛門同尿袋，心靈同身體留底永遠傷痕。
來源：電影《소원(許願)》
事後，趙斗淳被捕，檢方要求判處無期徒刑，但因為法院採信佢嘅反辯：當時飲醉酒，所以唔知道、亦唔清楚自己做緊咩。
呢啲辯解令佢最終只係被判12年有期徒刑，唔可以上訴。
12年後，即係今年(2020年）嘅12月13日，趙斗淳即將出獄。
韓國人反應
趙斗淳獄中畫面（來源：머니투데이）
幾年前，趙斗淳即將出獄嘅消息傳遍全韓國。
除咗法律明文規定趙斗淳需有限期配戴電子腳鐐之外，基本上冇任何依據，可以保證佢唔再犯案。
2017年，韓國人上青瓦台請願，創下當時聯署記錄，要求法院重新審理案件，唔畀趙斗淳出獄。
青瓦台回應，趙斗淳已服刑完畢，法治國家唔可以就一單案件二審。
MBC喺趙斗淳出獄前，喺節目曝光佢嘅外貌。雖然呢個行為可能違法，但節目組表示，為咗保護全韓國人民，佢哋甘願違法、受罰。
來源：電影《소원(希望：為愛而生)》
節目曾經採訪過趙斗淳嘅妻子，但佢力撐丈夫（趙斗淳）係個好人，會做家務，夫妻關係和平，亦冇離婚。
佢話：「（丈夫）只有飲咗酒先會變成咁。」
近期，N號房、博士房新聞喺韓國熱議。
博士房主嫌目前已公開外貌、姓名，令人諗起十幾年前犯下慘絕人寰嘅兒童性暴力案件嘅趙斗淳，竟然刑滿出獄。
來源：電影《소원(希望：為愛而生)》
不管係趙斗淳定係趙柱彬（조주빈音譯），總有一日法律會還佢哋自由，但對嗰啲遭受暴力嘅被害者嚟講，佢哋永遠都冇痊癒嘅一日。
✨馬上Follow我哋IG
instagram.com/creatrip.hk
| 其他延伸閱讀 | |
 民植法正反聲浪 |  韓國N號房事件 |
