大邱、慶北列特別災區
全韓83%確診、87%死亡喺呢區...大邱、慶北列「特別災難區域」史上首次因疾病列為重災區
Jeongyeong Yeo
5 years ago
Hello，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃特別受災區＃大邱＃慶北
15日，文在寅總統宣布，會將武漢肺炎疫情影響最為劇烈嘅大邱廣域市、慶北清道郡、慶山市、奉化郡等地區，訂為「特別災難區域（특별재난지역）」。
Creatrip為咗要嚟韓國旅行嘅大家著想，會持續更新相關新聞（點我）。
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
大邱慶北列為特別受災區
來源：연합뉴스
今次係韓國史上第一次，因為傳染病影響，而將行政區列為特別災難區域。
根據《災難及安全管理基本法》，遭受重大災害嘅地區，單憑地方政府努力恢復並唔足夠。
所以，當中央政府指定該地區為特別災難區域個陣，重建計畫會由中央協助擬定，並由國庫補助一半嘅重建費用。
來源：NEWSIS
唔單止係咁，呢區居民嘅居住費用、生活費、死傷撫恤金，都會由國庫負擔70%，其餘電費、保險費、通信等生活支出都會獲得減免。
呢個係近一個月嘅肺炎風暴以嚟，中央層級首次加入「善後」方向，為佔咗總病例83%、死亡病例87%嘅大邱、慶北（TK）地區更多支援。
大邱傳呼中心關閉
首爾嘅傳呼中心（九老客服中心）爆出群聚感染之後，韓國三大電信公司KT、SK、LG U+喺今日（16日）宣佈，為咗避免同類事件發生，會關閉大邱全部嘅客服中心。
SK電信因大邱列為特別災難地區，三月底前，停運電話客服中心，部分轉做Home Office，並將部份業務攤分到其他區域。
KT與 LG U+亦作出類似安排，令群聚感染發生嘅機會降到最低。
✨馬上Follow我哋IG
instagram.com/creatrip.hk
| 其他延伸閱讀 | |
 患者路線不公開 |  大邱父女溫馨情 |
 大邱退回捐款 |  取消航班總整理 |
熱門文章
