手機可以查T-money餘額
手機可以直接感應T-money？超方便APP俾你check餘額，快啲拎返出嚟睇吓啦！
Hello，大家好，我哋係由韓國人每日提供最新韓國旅行資訊嘅Creatrip。
韓國坐車，冇一張交通卡其實好唔方便，喺咁多張交通卡之中，以T-money卡最普及、最好用。不過當大家想知餘額嗰陣，要去地鐵站嘅增值機睇，係咪好唔方便呢？
以往只有Android系統手機可以用APP查餘額，而家iPhone嘅朋友都用到啦！ios13以上嘅朋友，都可以用iPhone APP查餘額、交易紀錄同埋搭乘紀錄，快啲睇吓啦！
T-money餘額查詢
iPhone用戶都可以輕鬆查到韓國交通卡T-money餘額啦！只要手機版本係ios13，就可以用呢個App。喺App Store下載「버카첵 - 편리한 nfc 교통카드 리더기）」，或是Click下面嘅連結。
Down完後，APP就會顯示呢個感應畫面，大家只要準備好T-money卡就可以用！如果冇顯示感應畫面，可以Click上面嘅圈圈。
跟住將T-money卡放喺螢幕上面感應，感應完成之後，畫面會出現一個剔。
感應完成後，畫面會自動跳去餘額畫面。操作方式係咪好簡單呢？上面會顯示你T-money嘅餘額，同埋卡嘅編號。
除咗可以睇餘額之外，下面中間選項仲可以顯示最近交易紀錄，Click咗入去就會好似上圖一樣：左邊係交易金額，右邊係交易後餘額。
如果係增值，中間框框會顯示做黃色；如果係俾錢就會顯示係藍色。小編呢張卡第一次增值₩50,000，就會顯示黃色字樣畫面。
如果想睇最近搭乘紀錄，就可以Click下面最右邊嘅掣就得，因為小編呢張卡係新卡，所以未有任何紀錄，如果有用過，就會顯示搭乘嘅交通方式、距離、上落車時間同扣款金額。
以上就係超簡單T-money餘額查詢APP嘅使用方式，非常推薦大家可以Down嚟用，真係非常方便。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
