Daiso自製交通卡
Daiso都可以DIY交通卡！唔單止可以放自己嘅相，仲有Kakao家族製圖功能！
Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃韓國Daiso
＃韓國限定＃Daiso必做
＃Daiso自製＃獨一無二
韓國自遊行一定會用到交通卡，唔單止比一次性車飛方便，仲有轉乘優惠㗎！
不過硬係搵唔到好睇嘅交通卡，又唔想隨便買啲核突款？
嚟Daiso試下用交通卡自製機啦！除咗可以用自己嘅相之外，仲可以用韓國代表卡通人物：Kakao Friends嘅得意公仔整！一齊嚟睇下啦！
✨馬上Follow我哋IG
instagram.com/creatrip.hk
Daiso自製交通卡
韓國必備嘅交通卡喺Daiso可以輕鬆自製啦！只要嚟大創見到呢台機器，就可以整到獨一無二嘅交通卡～
呢部機有中、英、日、韓介面可以揀，仲有超得意嘅Kakao Friends圖案可以用！
首先，自製交通卡第一步：揀語言。之後，可以揀用Kakao Friends嘅公仔整，定係用自己嘅相整。甚至可以直接儲值交通卡添！
如果揀用Kakao Friends嚟製作交通卡話嘅，可以喺八個Kakao知名角色入面揀，而每個角色又各有九種唔一樣嘅圖案可以揀，要蒐集晒都唔係咁易！
如果唔鍾意單一角色嘅話，可以揀Kakao Friends嘅團體相，有好多得意嘅圖案。揀完之後，就可以去下一個步驟了啦！
畀錢可以用信用卡、現金等等，但係要注意，如果用現金嘅話，只可以接受一千同五千won面值嘅紙幣。
畀完錢，等卡片印出嚟就大功告成啦！
係咪好簡單又好方便呢？喺韓國Daiso可以輕鬆DIY交通卡，不論自用定係送禮都好實用，大家快啲去試下啦！
以上就係韓國Daiso嘅交通卡機器介紹。
Daiso唔單止有好多嘢好買，仲可以喺呢度整自己鍾意嘅交通卡，係咪好想整番張呢？排行程個彈，唔好漏咗韓國Daiso啊！
✨馬上Follow我哋IG
instagram.com/creatrip.hk
| 其他延伸閱讀 | |
 韓國黑糖旋風 |  Daiso近期人氣品 |
 韓國交通卡整理 |  便利店夏日新品 |
 兩水頭行程推薦 |  圖書館景點整理 |
