2024韓國必買潮牌推薦

Hello，大家好，我哋係由韓國人每日提供最新韓國旅行資訊嘅Creatrip。 

大家應該都知韓國人好識打扮，就算明明只係落個街都著到好型咁，原因其實好簡單...因為韓國啲衫超好買！街邊多選擇、韓國網購方便，甚至潮牌超多，今日就等小編同大家介紹一吓邊啲品牌係時下年輕人最鍾意㗎啦！

🔎韓國最受歡迎香水牌子TOP12

想一次過睇曬有咩brand？
打開目錄就可以跳去！

韓國必買潮牌推薦

Covernat_(커버낫)

韓國「Covernat」深受韓仔韓妹歡迎，喺韓國時裝網購平台MUSINSA一直都排頭位！「Covernat」嘅款式大部分都行簡約風，而最經典嘅一定唔少得佢哋嘅LOGO款，男仔女仔都啱著！

What it isNt_{(와릿이즌)}

呢條黃色香蕉皮(?)大家應該都見過！「What it isNt」亦都係韓國非常出名嘅潮牌之一，設計行街頭風夠曬潮，小編自己都有幾件呢個牌子嘅衫XD

🔎韓國「What it isNt」分店總整理

Matin Kim_(마뗑킴)

呢幾年「Matin Kim」喺韓國人氣越嚟越高，雖然都有返啲價位，不過無論係衫、袋定外套款式都夠簡約大方，喺街上隨時可以見到有人著！有興趣嘅話大家不妨可以去睇吓~

🔎韓國「Matin Kim」分店一覽

MARITHÉ_(마리떼)

「MARITHÉ」本身係一個法國牌子，不過就喺韓國爆紅，而家應該好多人都會以為呢個牌子係韓國潮牌XD 最近「MARITHÉ」由高允貞同Crush代言，款式超多之餘價錢唔算非常貴，喺韓國買會更加抵！

Codegraphy_{(코드그라피)}

最近喺韓國街頭都會見到唔少韓國後生仔女們著「codegraphy」嘅衫，呢個牌子嘅衫設計簡約，而且好容易襯衫，非常推薦大家掃返幾件返屋企！

🔎韓國「Codegraphy」分店總整理

SATUR_(세터)

可能比較少人聽過「SATUR」呢個潮牌，呢個牌子由今年開始收到更多關注，搵咗演員朴圭瑛代言，服裝亦都同代言人嘅形象非常襯。因為風格夠清新幹練，又係一個好容易襯衫嘅牌子！目前「SATUR」喺韓國都有唔少分店，喺百貨公司都可以搵到，價錢都唔算太貴，大家可以輕鬆入手！

AMBLER_(엠블러)

「AMBLER」嘅標誌性可愛熊啤啤公仔令呢個牌子受到唔少韓國學生愛戴，版型比較寬鬆嘅T恤同衛衣最受歡迎，而且因為價錢相對比較平，所以買多幾件都唔會肉赤！

NERDY_(널디)

相信大家都有聽過「NERDY」呢個韓國潮牌！「NERDY」嘅招牌商品係佢哋嘅單色系運動套裝，係好多韓星嘅私服首選，著落夠sporty同可愛！雖然以運動服嚟講價錢唔算平，不過如果想同偶像著同款衫，或者搵緊舒服嘅運動服，不妨可以買返套！

EIDER_(아이더)

比起潮牌，「EIDER」更偏向賣專業運動服裝，最新嘅代言人更加請嚟金秀賢同張員瑛！「EIDER」其實喺好多地方都可以搵到，小編個人比較推薦大家去「EIDER」大型實體店行，會有多啲款可以揀。

FILA_(휠라)

「FILA」本身係一個意大利牌子，喺2007年由韓國分公司收購後，正式成為一個韓國品牌。「FILA」搵過超多韓星做代言人，推出嘅日常單品同運動套裝都可以反映到韓國最新潮流！

emis_(이미스)

「emis」以美式風格喺韓國變得更受歡迎，係韓國大學生最鍾意嘅日常穿搭之一。特別係「emis」嘅帽非常修飾頭型，就算本身大家頭型偏大，或者唔太鍾意戴帽都好，相信大家都會滿意「emis」嘅帽款！

MUAHMUAH_{(무아무아)}

「MUAHMUAH」最吸引人嘅特點就係CP值夠高！因為價錢夠平、設計夠貼近潮流，而且版型夠靚，所有身型都啱著！

Lee_(리)

「Lee」喺韓國時裝網購平台MUSINSA亦都係名列前茅嘅牌子，心口呢個大LOGO係呢個牌子嘅特徵，而且因為款式夠簡約，睇落完全唔會覺得老套，夠百搭！

KANGOL_(캉골)

「KANGOL」形象偏年輕青春，今次搵嚟男團TWS代言，小編個人覺得超符合品牌形象！無論係衫、袋都有佢哋嘅招牌袋鼠Logo，鍾意呢個牌子嘅話嚟到韓國玩記住要買返幾件返屋企啦！

grooverhyme_{(그루브라임)}

「grooverhyme」都係一個CP值高嘅潮牌，因為風格比較中性，而且版型寬鬆，所以男仔女仔都啱著，夠舒服又顯瘦。

以上係今年必買韓國潮牌list，始終大部份都係本地牌子，喺韓國買都會平過喺香港買，鍾意韓國style嘅朋友們嚟玩嘅時候記住掃返幾件返去啦！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面 

 韓國代購

Mail：help@creatrip.com