跟住12位韓星影櫻花相
櫻花好靚但係唔知點影好？韓星教你點先可以更加上鏡！
Hello，大家好，我哋係由韓國人每日提供最新韓國旅行資訊嘅Creatrip。
講起韓國春天必做活動一定唔少得去賞櫻，櫻花盛開嘅時候四周圍都係粉紅色，真係超夢幻！一年得一次機會可以睇到，想影相留念，但係唔知點擺pose好？不如參考以下幾位韓星嘅櫻花相，影返輯人生照啦！
想為你嘅櫻花相錦上添花？
跟住12位韓星影櫻花相
BLACKPINK
Jennie
Jennie呢幾張櫻花相喺韓國好出名，有唔少韓妹都會學佢咁影！推薦大家可以好似佢咁，同櫻花合照嘅時候著粉紅色衫，或者喺配飾上加入粉紅色元素，襯返春日櫻花之餘睇落更加活潑可愛！
Lisa
而Lisa呢輯相就同Jennie嘅風格唔一樣，如果你唔係好襯粉紅色嘅話，可以學Lisa咁穿搭，睇落會更加悠閒同chill！
你做咗Personal Colour診斷未？
NCT
志晟&辰樂 / 泰容
之前志晟同辰樂有去過纛島漢江公園拍春天野餐vlog，泰容都有喺Instagram po過幾張櫻花合照！
在玹 / Mark
有時候想同櫻花合照，但係因為櫻花樹太高所以好難出現喺同一個畫面？不如學在玹同Mark咁低炒啦！
李侑菲
大家可以學演員李侑菲咁將櫻花花瓣放上面珠墩影相，古靈精怪睇落更加可愛！
BTS
V / Jung Kook
BTS推出《花樣年華 pt.1》呢張專輯當時嘅預告相就係用櫻花做背景影㗎啦！
RM / J-HOPE
而成員們都有放過唔少私底下去賞櫻嘅相，推薦大家可以學J-Hope咁雙手托住下巴，唔單止會更加cute，仲可以顯得塊臉細啲XD
ASTRO 車銀優
講起影相當然唔少得車銀優~影櫻花相嘅時候除咗用櫻花做背景，不妨可以當做影相道具，攞住嚟影都好有春天氣息！
DIA 鄭彩娟
有好多韓妹都鍾意學鄭彩娟嘅打扮同影相風格，有鄰家少女嘅感覺之餘不失女人味！如果大家見到嘅櫻花樹比較矮，可以好似彩娟咁用櫻花遮住塊臉影，或者扮聞花香味，影出嚟會比較自然！
想整返個韓仔韓妹頭？
SEVENTEEN
勝寛 / Jun
Hoshi / DK
SEVENTEEN成員們都各自有自己嘅IG account，周不時都會up幾張相同fans分享自己嘅日常，當中都有唔少櫻花相，你又最鍾意邊張呢？
秀智
國民初戀秀智有邊個唔鍾意！有時候比起專登搵打卡位，喺街度隨便影都夠靚，仲會更加自然！
VIVIZ
SinB
Umji
唔鍾意露樣嘅話可以好似SinB咁將鏡頭放遠少少，攬住棵櫻花樹影真係好cute！或者如果鍾意自拍嘅話就可以學Umji咁wink住影，配埋佢個妝真係好靚...！
想親身體驗KPOP魅力？
少女時代
徐賢
Tiffany Young
泰妍
講起KPOP歌手一定唔少得少女時代！少女時代每個成員風格都好唔同，影出嚟嘅相都各有特色！
ITZY
有娜&留眞&禮志
有娜、留眞同禮志上年去咗石村湖水賞櫻，大家都可以好似佢哋咁揀夜晚去，人流會比較少，影相都會簡單啲。
Lia
成員Lia都有po過自己去睇櫻花嘅相，吸引唔少Fans去朝聖打卡！
IVE
安俞眞&Leeseo
好多人都話記者影嘅相係照妖鏡，好多明星都會被影到勁唔好睇，你又信唔信其實呢兩張相係之前安俞眞同Leeseo去電台做嘉賓嘅時候記者影嘅相呢XD
Rei / 安俞眞
推薦大家可以好似Rei同安俞眞咁影半身相，就算係身高比較矮嘅朋友們都可以影到靚相！
如果今年大家都會嚟韓國賞櫻，不妨可以跟住上面呢幾位韓國明星咁影返幾張櫻花相留念~
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
