纛島漢江公園總整理
纛島漢江公園點解特別受年輕人歡迎？超多水上活動等住你嚟體驗！
Hello，大家好，我哋係由韓國人話你知每日最新韓國旅行資訊嘅Creatrip。
貫穿首爾市中心嘅漢江，有好幾個著名公園，其中一個一定係纛島漢江公園，佢近建國大學，唔少學生放咗學之後都會喺度hea吓，如果你之後都想體驗一吓，咁就要繼續睇落去啦！
「纛島漢江公園」簡介
- 地址：서울 광진구 강변북로 139
廣津區以建國大學而聞名，鄰近聖水洞，呢度有兩個大公園，分別係兒童大公園同纛島漢江公園。
由地鐵站出嚟就係廣場，無論幾時嚟都有好多人喺呢度休息。
喺首爾市內可以搵到一個咁嘅地邊好好休息，真係好難得！而家就等小編再為大家詳細介紹佢有咩特別啦！
纛島漢江公園介紹
1. 纛島展望文化複合空間（뚝섬전망문화콤플렉스 서울생각마루）
- 位置：纛島遊園地站3號出口
- 營業時間：星期二至日 10:00 - 21:00
喺地鐵站3號出口出嚟就會見到一個好似毛毛蟲嘅建築，佢係纛島漢江公園嘅象徵之一。
呢度係一個綜合設施，總共有3層，1樓同2樓設有Cafe、圖書館同工作空間，3樓係會議室，同時地鐵通道中間會成日舉辦好多同漢江有關嘅展覽同活動。
除咗平日多學生嚟之外，唔少遊客嚟到都可以慢慢了解關於漢江歷史展覽。
2. 漢江阿里郎（한강아리랑）
- 位置：纛島遊園地站2號出口，沿住散步路行7分鐘左右
- 營業時間：每間鋪頭都唔一樣
漢江有一架叫漢江阿里郎嘅船，裡面有餐廳、Cafe、便利店同水上運動鋪頭。
3. 外賣傳單
相信大家之前去韓國公園野餐，只要喺地鐵站出嚟，應該都會收過唔少外賣傳單紙，不過漢江咁大係咪唔知邊度拎外賣最好？其實而家都有分外賣1區同2區，叫外賣嘅時候講清楚之後就可以拎到㗎啦！
外賣區1
- 位置：纛島遊園地站2號出口行大約10分鐘
外賣區2
- 位置：纛島遊園地站2號出口左邊
便利店
不過如果外國人嚟到冇韓國手機號碼，同時又唔識講韓文，可能會唔知點叫外賣，不過都唔需要太擔心！纛島漢江公園附近有3間GS25，漢江阿里郎7-11，喺度都可以買到好多嘢食。
GS大樓裡面有BHC炸雞，喺度都可以叫外賣。
GS25 1號店
- 位置：纛島遊園地2號站出口轉右行大約10分鐘
GS25 2號店
- 位置：纛島遊園地站3號出口
GS25 3號店
- 位置：纛島遊園地站3號出口轉左行大約5分鐘
7-11阿里郎店
- 位置：漢江阿里郎裡面
除咗叫外賣之外，喺漢江一樣都好出名食拉麵！
呢度拉麵1包係₩3500~，雖然比起普通平時買係貴啲啲，但嚟度最緊要就係講feel～
基本上每一間便利店都一樣，只要買完一包拉麵，職員就會俾一個裝拉麵嘅兜同筷子你，將拉麵同材料到晒落個兜之後，就可以加熱水去煮。
按鈕由左至右如下：
- 普通拉麵：辛拉麵、真拉麵、三養拉麵
- 粗麵：什錦麵、刀削麵
- 拉麵：烏冬、韓式辣年糕、湯餃、Chapagetti
- 加水
- 追加調理時間
煮完之後就可以食啦！順便想同大家講吓，漢江阿里郎7-11係唯一一間有枱同櫈，所以唔使準備野餐墊都可以輕鬆食。
洗手間
基本上喺場內行10分鐘左右就會見到一個公共廁所，雖然呢度人多，但裡面都keep得好乾淨，唔會好污糟！
纛島漢江公園體驗活動
1. 鴨仔船（오리보트）
- 位置：漢江阿里郎裡面
- 營業時間：10:00 - 24:00
漢江公園成日會見到有唔少人玩水上運動，不過每個漢江公園體驗活動都唔太一樣，小編今次決定挑戰玩鴨仔船。
漢江阿里郎入面有售票處，入到去同工作人員講幾多個人搭，佢哋就會幫大家安排，一架船最多可以坐3個人。
| 時間 | 價格 | |
| 手動（最多3人） | 30分鐘 | ￦18,000 |
| 自動（最多3人） | ￦25,000 |
最後小編揀咗坐自動船，只要踩船左前方駕駛座嘅油門同郁方向盤就可以。
韓文有一個單字係「물멍（Murmon）」意思係望住水發夢，小編認為乘住鴨仔船，可以望到遠處樂天塔或南山塔，真係好舒服同超healing。
另外漢江阿里郎仲有水上單車、橡皮艇、遊艇等各式各樣活動，相當有趣，有興趣嘅朋友，都可以參考吓佢哋官網了解更多。
租單車
- 位置：纛島遊園地站2號出口隔離
如果覺得水上活動有啲貴，可以試吓喺度租單車，無論係小朋友用、個人定係雙人都有。
| 1小時 | 2小時 | |
| 1人用 | ￦3,000 | ￦5,000 |
| 小童用 | ||
| 2人用 | ￦6,000 | ￦10,000 |
| 高級型 | ￦5,000 | ￦9,000 |
| 親子用 |
租嘅時候需要留身份證，同還車要喺同一個地方。
租帳篷
- 位置：纛島遊園地站左右兩邊都有
- 時間：4至5月,9至10月：9:00 - 19:00、6至8月：9:00 - 20:00
漢江公園附近有好多出租帳篷嘅鋪頭，所以大家兩手空空去到都唔怕，呢度好多人會租野餐墊同小道具等，價錢通常係₩20,000左右。
但係允許安裝帳篷嘅地方係有限制，有Banner嘅地方就可以搭帳篷，否則唔遵守會罰錢㗎！
搭帳篷區域附近有洗手間同便利店，如果天氣好嘅話，出站後左邊（音樂噴泉廣場一邊）可以見到樂天塔。
音樂噴泉
- 位置：纛島遊園地2號站出口行大約5分鐘
呢度播嘅音樂好廣，Kpop、歐美等都有。
| 時期 | 時間 |
| 5月、6月、9月、10月 | 12:00、17:00、18:00、19:00、20:00 |
| 7月、8月 | 12:00 - 21:00 |
提提大家：逢星期一都會做檢查，加上會因天氣情況而停止運營。
纛島漢江公園附近美食推介
1. CATCHBALL CLUB
呢間冬甩店喺2021年12月先開幕，由有10年以上經驗嘅糕點師傅製作，每日凌晨五點開始整，保證大家食到嘅都係最新鮮，裝修夠華麗，係配合MZ時代，夠潮之外，餐廳內部仲有好多打卡位，只要係我哋會員，之後去仲有優惠添！
2. 半天妖烤魚 建大店
最近韓國越嚟越多中國餐廳，如果鍾意食魚嘅你，一定要試食半天妖烤魚，100%中國味，就連韓國人都大讚。
3. JUNO HAIR
JUNO HAIR係韓國最出名嘅連鎖salon，好多遊客嚟到都指定要去，之後想去但又怕多人，可以提前搵我哋預約咗先㗎！
要點樣先去到纛島漢江公園？
地鐵7號線纛島遊園地站2、3號出口。
地鐵站2號出口出嚟，穿越藍色隧道就係公園。
建大附近唔止多嘢食，就連體驗活動都多，之後不如就搵啲時間去纛島漢江公園玩吓啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk