韓國情侶影相pose教學
同另一半影相唔好再只係識擺「V」同「心心」，想另類放閃就要學識情侶影相pose教學啦！
Hello，大家好，我哋係由韓國人每日提供最新韓國旅行資訊嘅Creatrip。
成日喺見到韓國情侶影相特別sweet，你都想同另一半相啲溫馨相但又唔知點擺pose好？今日就等小編俾啲idea大家啦！
韓國情侶影相pose教學
1. 抬起對方
김재우 인스타그램
唔知大家有冇發覺，好多時情侶相，都會見到男仔抱住女仔呢？呢啲時候就係男仔show你嘅power時候啦！呢個動作其實好考信任度同平衡度㗎！
2. 慢慢行近對方
INSTAGRAM：jjiniichu_s2
影呢個如果冇朋友幫手，只需要用三腳架就可以！Set好鏡頭可以用連拍方式，或者拍片之後逐格cut，如果可以同另外一半影返一輯咁嘅相，其實都幾浪漫！
3. 一個人跑去接近對方
INSTAGRAM：h_bee_e
同上面啱啱介紹嘅唔一樣，呢一個只需要一個人跑就得，望住另一半跑向自己身邊，真係諗諗吓都幸福！不過呢個拍攝方法需要後製，剪剪貼貼就可以完成！
4. 兩人嘅衫交換著
토모토모 인스타그램
有時如果想影啲搞怪嘅相，唔一定要女仔只著女裝，男仔著男裝，交換著其實都好有趣，影出嚟嘅相仲要幾可愛添！
5. 模仿連續劇或電影動作
就好似《La La Land》咁，大家可以扮主角開心跳舞嘅畫面，兩人睇落相當幸福。
6. 著住情侶裝
윤승아, 개코 인스타그램
有時情侶裝唔一定要一模一樣，有時同款唔同色，反而睇落更加特別！
7. 挨喺對方身到
呢一系列合照好適合有身高差嘅情侶影，睇落好自然隨性，但同時又睇落好幸福。
8. 著住校服去主題公園
파이낸셜 뉴스, 롯데월드
有時想短暫返番去學生時代，不如就同另一半著住校服去主題公園打卡啦！成件事超青春，大家之後嚟記住要體驗吓！
10. 影背影
최예슬 인스타그램
有時怕羞，或者只要一望鏡頭就覺得尷尬同唔自然嘅話，可以只影背面，大家互相依偎睇落自然又有意境。
11. 互影對方
뉴스엔
有時唔需要合照先覺得係一對，有時互影對方，一樣都好可愛，擺上IG或者做手機Wallpaper一樣都好正！
12. 影子相
有時真係太怕羞，連只影背影都覺得尷尬，咁可以影影子相！可以宣示主權嘅同時，又唔會被其他人討厭嘅放閃照！
睇完之後有冇好想快啲同另一半一齊影返輯呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
