《三十九》拍攝地
三姊妹友情《三十九》，內容笑中帶淚，劇中經典場面再回顧
Hello，大家好，我哋係由韓國人話你知每日最新資訊嘅Creatrip。
韓劇《三十九》係講述三位由細玩到大嘅朋友，喺「三十九歲」發生一連串嘅故事。雖然劇情進度有啲慢，好似一直都冇咩重點咁，仲被部分網民留負評，不過孫藝真、田美都、金智賢嘅真誠演出，都虜獲唔少觀眾眼淚，今次小編整理好劇中拍攝場景，解封之後會唔會都想去打卡呢？
備註：劇照、畫面照片來源為tvN
《三十九》拍攝地
1. 陵金山莊（능금산장）
- 地址：서울 종로구 비봉2길 88
《三十九》第1集開頭，原本要去行山嘅美昭、燦榮、珠喜，喺登山口見到警告標語，記即刻打消念頭、直接落山飲酒，當時佢哋去嘅餐廳係位於北漢山山腳「陵金山莊」，之後嚟韓國想行山，行完都可以嚟試吓！
2. Mel-Rang-Mal-Rang（멜랑말랑 범계점）
- 地址：경기 안양시 동안구 평촌대로217번길 25 B1
美昭約好朋友喺酒吧講自己要去美國一年，佢哋去嘅係安養市連鎖店「Mel-Rang-Mal-Rang」，店名係「軟綿綿（말랑말랑）」嘅方言，希望俾人一種自在同放鬆嘅感覺。
3. 雙大砲鹽烤肉（쌍대포소금구이 본점）
- 地址：서울 용산구 청파로 291
喺好多年之前，燦容同金真皙第一次相遇嘅餐廳，正正位於淑明女大超高人氣美食「雙大砲鹽烤肉」，之前韓劇《梨泰院Class》以及實境show《白種元醉話人生》都嚟過取景。
4. JOUR dé Joie FLOWER ATELIER（쥬르디쥬아플라워아틀리에）
- 地址：경기도 성남시 분당구 정자일로213번길 18
想要去第二輪嘅美昭被拒絕，只好喺半醉半醒情況下等住善優拎返隻錶俾佢，當時位置係喺一間「JOUR dé Joie」花店前面，外觀相當吸睛。
5. 龜浦麵店（구포국수）
- 地址：서울 성북구 성북로 52-1
呢間帶有年代感嘅餐廳，係位於首爾城北區嘅「龜浦麵店」，生意好到隔離開埋分店，大家下次會唔會去想試有幾好味呢？
6. Thursday Party（썰스데이파티 이태원）
- 地址：서울 용산구 이태원로27길 6
《三十九》第1集後半部，美昭同善優喺音樂會相遇，兩人一齊去飲酒，當時位置係喺梨泰院酒吧「Thursday Party」，喺韓國都幾出名有情調，各地區都可以搵到佢嘅分店。
7. The 100 Food Truck（더백푸드트럭）
- 地址：서울 용산구 신흥로20길 45-1
第1集結尾，燦容決定要放底，唔再對真皙執著嘅場景，係喺梨泰院一間出名漢堡包店，出名睇靚景，之前NCT成員都有去過打卡添！
8. Y MÁS（이 마스）
- 地址：서울 마포구 월드컵로12길 53
年輕主廚賢俊所經營嘅「中國城」餐館，實際上係位於望遠站附近嘅「Y MÁS」Cafe，非常之有格調，小編之後都想去打卡！
9. Bloom Palette（블룸팔레트）
- 地址：서울 마포구 월드컵북로60길 13
《三十九》第2集，皮膚科員工們聚完餐，飲醉嘅善優喺花店一直話要買芍藥，甚至仲借酒意美昭表白，雖然美昭睇落有啲尷尬，但都幾sweet，呢個場景係喺麻浦區「Bloom Palette」花店到影。
10. 明洞大聖堂（명동대성당）
- 地址：서울 중구 명동길 74
眼利嘅朋友，可能都會發現呢個場景係大家都好熟嘅明洞大聖堂，神聖氣氛賦予呢個地方更加莊重，有機會嘅話，大家會唔會想再次嚟打卡呢？
11. 軍築橋（군축교）
- 地址：강원도 인제군 인제읍 남북리 산94-1
《三十九》第5集，燦容原本想同美昭一齊返老家，話俾屋企人知自己患咗不治之症，但最後都係講唔出口。返去首爾嘅路上，壓抑情緒難以宣洩，就停喺路邊喊到令人睇見都心痛，當時佢哋喺麟蹄郡嘅軍築橋，真實場景依山傍水，好壯闊。
12. 涯露營場（물가애 캠핑장）
- 地址：경북 성주군 수륜면 신정3길 2-19
第7集，美昭因為恐慌症發作暈倒，善優帶佢去露營散散心，呢度係星州郡嘅「涯露營場」，係露營愛好者之間非常之出名，大家嚟韓國會唔會都想試吓露營呢？
13. debunk（디벙크）
- 地址：서울 마포구 성지1길 30
燦容搵善優飲咖啡，問美昭點解喺聚會突然離開嘅真相，當時場景周圍都係書，原本係去咗合井站隔離嘅「debunk」拍！
14. 樂天百貨 東灘店（롯데백화점 동탄점）
- 地址：경기 화성시 동탄역로 160 3F
珠喜離職之後，去到前東家飲咖啡，呢個場景實際係喺樂天百貨東灘店三樓空中花園，之後去shopping行到攰，不如就嚟呢度坐吓啦！
15. Square Root（스퀘어루트 카페）
- 地址：강원 고성군 죽왕면 가향길 2-7
《三十九》第9集，善優唔理父親嘅阻攔，包咗一間向海Cafe向美昭求婚，場景係喺高城郡「Square Root Cafe」拍，睇嘅時候，小編都好想之後去一次！
16. Orangerie（오랑주리）
- 地址：경기 양주시 백석읍 기산로 423-19
喺《三十九》大結局之前，珠喜帶燦容、美昭一齊去植物園Cafe，影咗好多靚相，場景係位於楊州嘅「Orangerie」Cafe，面積超大，有埋戶外花圃，好似去咗一個夢幻仙境咁！
睇完小編整理好嘅《三十九》拍攝地，有冇邊一個地方最吸引大家呢？歡迎留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
