韓國各地區特色燒酒
自認係酒鬼嘅你，飲過韓國邊幾款燒酒？每一個地區原來都各有代表？
Hello，大家好，我哋係由韓國人每日提供最新韓國旅行資訊嘅Creatrip。
講到韓國特色文化，又點可以唔睇到佢哋鍾意飲酒呢？除咗啤酒之外，其實燒酒分咗好多唔同品牌，每一個地區或者城市鍾意飲嘅都好唔同，如果你係一名酒鬼，咁呢篇介紹嘅可以先save低，之後嚟韓國都可以試吓！
韓國各地區獨有燒酒
點解各地區代表性燒酒會唔同呢？
매일경제
根據1973年，韓國施行《自道酒法（자도주법）》，每個市、道只可以有一間燒酒企業，而生產量一半以上，需要喺所在地進行銷售，成為好多韓國人就算係去國內旅行，都要飲返當地生產嘅燒酒！
韓國各地區代表燒酒
首爾/京畿道：真露（참이슬）
由上市以嚟，真露喺韓國有最高市佔率，同時佔據蒸餾酒銷量第一世界冠軍寶座，喺首爾、京畿道地區排行第一最好賣燒酒，人氣一直都冇減少，度數分為16.9度、17.8度、20.1度等等。
江原道：初飲初樂（처음처럼）/如山（산처럼）
同真露一樣出名嘅仲有「初飲初樂」，使用大關嶺天然岩盤水，飽含礦物質，易入口，好多女仔都鍾意，係江原道代表性酒類之一。
另外，原本「山（산）」燒酒經過改良，改咗做「如山（산처럼）」，度數係19.5度，濃度偏高，但因為加入木糖醇，味飲落更清爽，標籤上寫住「江原力量（강원의 힘!）」，證明佢哋想打入江原道市場。
忠清北道：清爽的清風（시원한 청풍）
Apink初瓏代言嘅「清爽的清風」，係忠北地區最具代表性嘅燒酒，而且以韓國三大名泉「椒井里」泉水製作而成，添加咗防止宿醉、保護肝臟成份，好特別。
忠清南道：現在我們（이제 우린）
代表忠清南道地區燒酒「現在我們」請咗車銀優做model，呢款燒酒喺大田、忠南地區獲得60%以上支持率，聽講同其他酒類相比，可以令人提早30分鐘醒酒，氧氣比一般燒酒多出三倍，加上呢款燒酒舊名係「O2（오투）」，感覺好似真係飲完唔會咁易醉。
全羅北道：Hite燒酒（하이트 소주）
講到Hite只會令人諗到啤酒，但對於喺全北嘅老人家嚟講，「Hite燒酒」反而仲出名。雖然呢款燒酒係全羅北道代表，但喺一般餐廳或酒吧都好難搵到。
全羅南道：楓葉燒酒（잎새주）/千年愛（천년애）
「楓葉燒酒」喺全羅南道、光州好受歡迎，用咁天然岩盤水製作，裡面含有加拿大產有機楓葉糖漿，飲嘅時候會有淡淡楓香。
另外，寶海釀造出產嘅「千年愛」雖然對大家嚟講有啲陌生，但其實係見證全羅道歷史嘅一款燒酒，喺2018年，全羅道出現喺文獻中滿一千年之際，由市民進行投票決定新酒款名，而「千年愛」一詞獲得最高票數。
聽講千年愛一開始以苦酒聞名，但經過1.5萬人問卷調查，不斷修改味道，大大地減少苦澀同酒精氣味，大家下次去全羅道旅行，不妨試吓覺得味道係點。
慶尚北道：真燒酒（참소주）
由Oh My Girl Arin代言嘅「真燒酒」同金福酒（김복주）喺慶尚北道有絕對優勢。比起「참」呢個名，2021年燒酒樽上面加多咗句「潔淨的早晨（꺠끗한 아침）」，有啲人會直接叫佢做「깨참」。
慶尚南道：大鮮（대선）/C1/Good Day燒酒（좋은데이）
代表慶尚南道、釜山燒酒，第一個會令人諗到嘅就係「大鮮」燒酒，聽講佢哋為咗消除燒酒特有苦味，增添醣類，飲落會再甜啲。
另外，啱啱介紹嘅忠北「清爽的清風」燒酒，簡稱「清爽（시원）」，喺慶南地區變成「C1」。因為韓文兩者發音好似，令到好多人都會亂，不過其實兩個都只有名似，味道係唔一樣㗎！
雖然韓國各地都有當地特色燒酒，但市佔率仍以真露拔得頭籌，但唯一可以成為佢競爭對手競係慶尚道嘅「好日子（Good Day）燒酒」，喺2021年仲由重返大勢嘅女團Brave Girls作為代言人。
濟州島：漢挐山（한라산）
只睇個名都知係濟州本地燒酒，以經過玄武岩層，內含豐富礦物質水製成，唔知係唔係因為用咗濟州島純淨水源，呢款燒酒濃度係最高，好多人都鍾意飲，成功外銷到首爾、釜山一帶。
其他熱門韓國燒酒
清河（청하）
韓星請夏韓文原名，同燒酒「清河」發音相同，度數只有13度，添加咗果糖，飲落易入口，第二日都唔太會宿醉。另外因為味道比較soft，食重口味下酒菜似乎唔太適合，所以好多人飲清河，都會同生魚片等味道比淡嘅食物一齊食。
真露橡木桶陳釀系列（참나무통 맑은 이슬）
呢款燒酒係喺2017年生產，號稱同其他稀釋式燒酒唔同，以濃郁柔和味道以及特有香氣做特徵，吸引唔少人買。由上市到而家，代言人都係藝人金喜善，高檔燒酒概念同本人形象相當符合，提昇彼此知名度。
截至2022年3月，Jay Park出產嘅呢款「Won燒酒」，喺一週快閃店入面，每日都聚集1,700人以上試飲同買。而家即使唔再去快閃店，Won燒酒都快要上市。蒸餾式燒酒度數大約22度，價格雖然比市面上燒酒更貴，但都係會吸引唔少酒鬼去幫襯。
睇完以上介紹，大家之後去其他韓國地區旅行，會唔會都想試吓當地燒酒呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
