韓國人真係唔用冒牌貨？
宋智雅用冒牌貨點解韓國人咁嬲？唔通韓國人真係唔用假嘢？
Hello，大家好，我哋係由韓國人每日提供最新韓國旅行資訊嘅Creatrip。
最近因為《單身即地獄》宋智雅用冒牌貨俾唔少韓國網民批評，不過韓國人係咪真係唔會用假嘢？韓國人對冒牌貨又有咩睇法？今日我哋就一齊了解吓啦！
疫情期間韓國人對奢侈品需求增加
서울신문
韓國其實係一個好鍾意買名牌嘅國家，喺大街成日都會見到唔少人著名牌衫、鞋等。根據韓國國會財務委員會報告指出，只係2021年8月，韓國進口名牌手袋就超過3,500億韓幣。 對比一年前（2019年）都只係1,775億韓幣，可以睇得出韓國對奢侈品需求有大大急升。
BLACKPINK Jisoo
以前買名牌可能都係講緊職業穩定，收入唔錯嘅中年人，不過而家追求名牌嘅大多數係MZ一代。根據韓國經濟日報同新韓卡大數據中心一個研究，20至39歲買超過100萬韓幣（約HKD7,000），高於40至69歲年齡層。 2021年上半年，20幾歲至30幾歲女性客戶佔所有交易額超過100萬韓幣/單筆29%，成為支出最高嘅人，其次係40至69歲女性客戶，佔總數26%。 而男性客戶群都有同樣情況。
不過點解年青人越嚟越肯洗錢落買名牌呢？原來係因為疫情影響，大家都冇得出國旅行，希望買件名牌去安慰自己。另外佢哋覺得樓價咁高，根本就買唔起，就算儲錢買都好似冇意義，而且儲蓄戶口利息又唔高，好多年青人比起未來，更加着重而家嘅事，慢慢名牌就成為佢哋嘅一部份，不過因為奢侈品市場不斷上升，冒牌貨都有所發展。
韓國冒牌貨市場繁榮
根據韓國專利廳（KIPO）一份報告，由2020年1月至8月，網上賣冒牌貨數量增加204.4%。韓國海關仲有報告指出，喺過去四年入面，總共查獲1,866件走私到韓國嘅冒牌手袋，假設如果佢哋係真貨，總價值將會高達4,679億韓幣。
喺韓國市場賣假貨，咁多大品牌之中，最受歡迎嘅係LV，韓國海關查獲LV假貨價值高達1,484億韓幣，緊隨其後嘅係價值701億韓幣假貨Chanel同295億韓幣假貨Guuci，特別係LV案例之中，冒牌手袋數量達到2017年最高水平。
冒牌手袋來源主要嚟自中國，當中佔咗97.8%，而香港佔1.8%、日本佔0.1%，其他國家佔0.3%。亦都有賣家知道而家MZ一代好鍾意喺網上買嘢，而且好捨得用一大筆錢去買奢侈品，預計韓國對冒牌貨需求亦都會一直增加。
Leather Monster
另外韓國仲有一種趨勢係，將一啲已經係超舊款嘅名牌手袋俾專門維修名牌商品公司Leather Monster剪開整成一個細袋、或者係銀包同鎖匙扣等，只係睇數據，同2019年相比，每個月訂單量增加咗四至五倍。（資料來源：JoongAng）
不過呢啲商品其實都係「假」，因為如果去專門店根本唔可以有A/S服務，但係MZ一代認為呢一種產品係升級概念，同時仲可以環保、回收，更加顯出有個人風格。
點解要用冒牌貨？
喺韓國佢哋係好睇重顏值嘅一個國家，無論係衣着、手袋或者係一啲外在嘅嘢，都可以成為佢哋批評一個人嘅點。雖然唔可以話每個人都係咁，但有啲人亦都會睇你着咩鞋而決定你嘅態度，所以好多人為咗俾人睇落高級，會著一啲名牌去打扮自己。當然唔係每個人都可以洗幾百萬去買名牌，而冒牌貨往往只係正價嘅1/10，佢哋越嚟越捨得洗錢落冒牌貨，因為整到完全同正貨一樣，好難分辨出。
jtbc
如果有試過喺網上搵冒牌貨，經常會見到「邊度可以買假貨？」、「邊度可以買到高檔假貨」等關鍵字，通常佢哋會喺南大門市場、東大門、梨泰院、明洞等地方秘密交易，不過而家好多都轉為網上。分析認為消費者會鍾意買假貨嘅原因，係可以用超平價錢買到靚嘅嘢，而家經濟唔太好，就算只係假貨，佢哋都會好滿意，因為著上身就好似自己高人一等。
韓國人對用冒牌貨嘅態度？
서울신문
其實喺韓國用冒牌貨都係一個好敏感嘅問題，因為如果有人發現，就會覺得好尷尬同埋好羞恥。所以就算如果真係用假嘢，都唔會希望俾人拆穿。
Netflix
最近參加完Netflix《單身即地獄》嘅其中一位女參加者宋智雅，因為擁有完美身材，外表又係女神級，成日喺IG都會見到佢開箱名牌，係好多年輕人而去為目標，不過喺早前就被人揭發佢用假貨。
後嚟好多人都公開批評宋智雅，認為塑造一個同事實不符嘅Model。目前佢本人已經寫咗道歉信，隱藏好多包含假貨嘅產品同post同影片。不過即使佢道歉，好多人都未平靜落嚟，好多韓國人認為佢身為Model，竟然可以講一個咁大嘅大話，向年青人傳達用假貨嘅諗法，或者邊係一個物質主義嘅人。
宋智雅
更嚴重嘅係，本身宋智雅仲係一個美妝YouTuber，佢仲話想打造屬於自己品牌，不過因為佢用假嘢，對大品牌嚟講係一個好唔尊重。
目前韓國政府已經採取好多措施防止冒牌貨喺韓國銷售，未來冒牌貨數量可能會減少，但係咪會繼續用就要取決於每個人嘅行為，唔好因為覺得人有，我就需要有，只係做好自己已經足夠。
避免喺網上買到假貨要注意嘅事
因為而家越嚟越流行喺網上買嘢，要分辨出買真貨定假貨更加難，所以如果下次買可以留意以下呢幾點。
如果比原價太平，呢種情況假貨百分比會好高，應該要懷疑，之後要查吓嗰間公司嘅商業登記號碼，以前一啲買家嘅評論，或者搵吓有冇嗰間公司嘅相關文章，同事要仔細閱讀退款政策、商品說明等。
以上係韓國人對於買冒牌貨嘅態度同特點，希望唔好覺得著名牌就會特別高級，有時平價貨都可以著出個人風格！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
