韓國興起炫富潮？
韓國突然興起炫富潮？點解韓國後生仔突然愛上名牌？
Hello，大家好，我哋係由韓國人每日提供最新韓國旅行資訊嘅Creatrip。
大家嚟到韓國嘅時候有冇發現，喺街上面好多年青人都拎住名牌呢？其實有好多韓國人都因為顧住佢哋嘅形象，所以就算搵得唔多都要用一大筆錢去買名牌。究竟佢哋點解會咁樣嘅呢？等小編同大家分析下韓國人買名牌嘅風氣啦！
韓國點解會興起炫富潮？
炫耀呢一個詞語可以好適合咁樣用係韓國人身上，佢哋唔單止淨係會買好多名牌手袋，名貴房車同埋名牌波鞋去show off，仲會覺得用晒自己成份糧去買名牌呢樣嘢都係好合理！唔少韓國人喺買完明牌之後都會Po上去佢哋嘅 IG，希望得到人哋嘅讚好同埋留言。希望可以藉住呢啲網上SNS平台去建立佢哋嘅形象，同埋想人哋覺得佢哋好有錢。
根據韓國其中一本雜誌嘅統計顯示，通常都係20幾歲嘅年青人比較鍾意買名牌。喺2018年，20至29歲嘅年青人一共買咗44,000件名牌items，係2017年嘅7.3倍。呢本雜誌亦都同咗3322個high-end賣家，有大約23.4% 嘅人全部都係學生，而其餘有43%嘅人就係OL嚟嘅。
根據新世界百貨嘅統計指出，由上年11月開始，上年嘅一月到十月總共賣多咗31.6 %嘅名牌貨，當中有八成去買名牌嘅人都係20幾歲。可想言之，韓國嘅年青人嘅炫富心態好重！
點解韓國年輕人想炫富？
韓國有一位年青人，佢只係一個23歲嘅大學生，佢聲稱佢自己每一日只會用700won (約港幣5元）去便利店買佢嘅午餐。佢覺得每一日食同一樣嘢唔係問題，食得唔飽都唔緊要，但最緊要就係要買名牌波鞋！
佢話佢每一個月最少會用1,000,000won （約港幣7,000）去買一樣名牌，最誇張嗰個月試過用晒自己個個月嘅錢大約2,000,000 won （約港幣14,000）去買一對波鞋！
其實呢一個23歲嘅年青人只係咁多個鍾意買名牌嘅人嘅其中一個例子。而家大部份嘅韓國人都寧願捱餓都要買到佢哋鍾意嘅名牌，小編睇到呢度真係完全唔理解呀！
唔少韓國年青人都會為咗買一個佢哋心目中嘅名牌袋而去犧牲。例如幾晚唔瞓覺喺舖頭門口等幾晚通宵，為嘅就係希望可以買到全韓國只有幾個嘅限量版手袋款！咁樣睇，韓國人為咗買名牌真係咩都做得出！
韓國網購網站Sarahmin就對3,064位20至30幾歲嘅人做咗一個對名牌消費嘅調查。當中有52.1%嘅人認爲買名牌係必須嘅， 只有1467人係反對買名牌。
炫富潮帶嚟啲咩負面影響？
呢種風氣其實會令越嚟越多韓國人崇尚名牌，可能個個都以為一定要名牌先可以得到人嘅認同。久而久之，令成個社會風氣都追住名牌做人，驚如果買唔起名牌就會逼人排斥。
仁荷大學消費科學部教授李恩熙就解釋話：「呢一種現象其實係同自我認同同埋朋友壓力有關，因為SNS嘅出現，唔少人都會將自己買嘅嘢放喺網上面分享，就出現咗朋輩之間嘅比較。」
唔知道家點睇韓國人嘅炫富潮呢？小編就覺得其實唔係追名牌，只要樣嘢好用，就算唔係牌子嘢都OK 啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
