2022年jtbc韓劇推薦
2022年十部jtbc新戲推薦！金香起×崔丹尼爾、姜河那×李裕英、宋江×朴敏英唔知會擦出咩火花呢？
Hello，大家好，我哋係由韓國人每日提供最新韓國旅行資訊嘅Creatrip。
jtbc同tvN一樣出名多好戲追，而家就等我哋一齊睇吓2022年有咩好劇等住喺我哋去煲啦！
2022年jtbc韓劇推薦
1. 飛起來吧蝴蝶（날아올라라, 나비）
- 主演：金香起、崔丹尼爾、吳允兒、沈恩祐
- 預計開播日期：2022年上半年逢星期一、二
由舊年年底就有消息傳《飛起來吧蝴蝶》會喺今年5月開播，但因為拍攝問題一直延期，目前只確定會喺2022年上半年嘅星期一、二時段播出。劇情故事情節圍繞喺美容院入面，實習生同其他髮型設計師一齊追尋夢嘅過程。由金香起、崔丹尼爾主演，聽落已經覺得幾熱血，唔知大家又期唔期待呢？
2. 三十九（서른, 아홉）
- 主演：孫藝真、田美都、金智賢
- 預計開播日期：2022年2月16號、逢星期三、四
由一開始揀邊個拍就已經有唔少人討論，因為今次請嚟《愛的迫降》孫藝真、《機智醫生生活》田美都同金智賢領銜主演，劇情係講述三位39歲女子，佢哋分別係皮膚科院長、演技老師、化妝品店經理，唔知佢哋會擦出點嘅火花呢？
3. 直到天亮（아침이 밝아올 때까지）
- 主演：韓石圭、鄭有美
- 預計開播日期：2022年上半年
改編自中國小說《長夜難明》，jtbc 2022年新劇《直到天亮》由韓石圭、鄭有美主演，故事講述成為嫌疑殺人犯嘅國立科學調查研究院法醫，透過犯罪心理分析師，一步一步揭開真相嘅過程。
不過喺播出之前，《直到天亮》被懷疑係美化共產黨政權而有嘅作品，引起爭議。目前已經拍攝咗8集（全16集），劇組暫時中斷拍攝，而根據jtbc透露，目前為咗可以跟上作品完成度，有進行一啲調整，但幾時會恢復拍攝日程仍然未確實，之後有可能以第一季、第二季方式進行製作。
4. 只是還沒有全力以赴（아직 최선을 다하지 않았을 뿐）
- 主演：朴海俊、金度完
- 預計開播日期：2022年
改編自日本同名漫畫，jtbc新劇《只是還沒有全力以赴》係一套描述被強迫喺義務、奉獻、責任上要「全力以赴」嘅韓國40代家長，為咗尋找自我而勇敢選擇嘅喜劇故事。
5. Insider（인사이더）
- 主演：姜河那、李裕英
- 預計開播日期：2022年上半年
每一部作品中都可以展現全新樣貌嘅姜河那，2022年終於有新作品同李裕英一同回歸。《Insider》係講述嚴肅嘅男人，雖然每一件事都有自己嘅計畫，但當遇到危機時，佢只可以喺短時間判斷，並成功化險為夷。
6. 氣象廳的人們 : 社內戀愛殘酷史篇（기상청 사람들: 사내연애 잔혹사 편）
- 主演：朴敏英、宋江、尹博、Yura
- 預計開播日期：2022年2月12號
《氣象廳的人們 : 社內戀愛殘酷史篇》由《山茶花開時》導演執導，講述喺Office入面，比天氣更加難以預測嘅戀情。劇入面朴敏英係飾演精明幹練嘅女強人，無論係工作態度定係愛情方面都係理直氣壯，唔會妥協。而宋江係飾演一位高智商嘅純真男人，令人好期待到底佢哋會擦出咩火花呢？
7. Moving（무빙）
- 主演：柳承龍、韓孝周、趙寅成、車太鉉、金成均
- 預計開播日期：2022年下半年
《Moving》改編自webtoon，被稱為韓國版「Marvel」，除咗會喺jtbc開播之外，同時會喺Disney+播出。劇入面佢哋係一班擁有超能力嘅人類，聽講Disney+為咗可以喺特效同畫面上更加亮眼，投放咗大量資金添！
8. The Empire：法之帝國（디 엠파이어: 법의 제국）
- 主演：金宣兒、李美淑、安在旭、林世美、李佳恩
- 預計開播日期：未定
只係睇劇名，大家估唔估到呢一套係咩戲呢？主要係講上韓國最高法界之間的醜聞、人性嘅貪念等。
9. 財閥家的小兒子（재벌집 막내아들）
- 主演：宋仲基、李聖旻、申鉉彬
- 預計開播日期：未定
宋仲基喺拍完《黑道律師文森佐》之後，今次同李聖旻一齊拍攝jtbc新劇《財閥家的小兒子》，小編都相當期待。
10. 模範刑警2（모범형사 시즌2）
- 主演：孫賢周、張勝祖
- 預計開播日期：未定
jtbc《模範刑警》第一季成績都幾唔錯，完咗無耐都有傳出第二季拍攝消息。同樣都係原班人馬一齊拍，不過暫時未知幾時會播出！
嚟緊2022年有咁多好戲追，大家有冇已經mark定要睇邊套呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
