logo

韓國懷舊零食

原來韓國懷舊零食同香港都幾似?除咗有《魷魚遊戲》再次興起嘅椪糖之外,仲有邊幾款?

Jaeeun Jo
a year ago

Hello,大家好,我哋係由韓國人每日提供最新韓國旅行資訊嘅Creatrip


講到Netflix《魷魚遊戲》,咁多個遊戲之中,最令人深刻嘅一定係椪糖關卡,呢個零食一直以嚟,唔少韓國人都鍾意,不過除咗呢款,仲有好多零食都係好懷舊,而家就等小編逐一為大家講解啦!



1960年代 

1. 椪糖(달고나)

韓國懷舊零食 椪糖


只要喺個器皿度加糖同埋梳打,加熱嘅時候用筷子去攪勻,就會變成椪糖,大家可以用唔同工具去整成唔同圖案,將佢哋壓扁之後就可以食。因為《魷魚遊戲》影響世界各地,令到呢個小食令到更加多人知,不過如果講返佢嘅起源,喺1960年代已經有人食緊。


椪糖 魷魚遊戲 NETFLIX


韓國小編話以前喺學校門口會見到買呢啲椪糖嘅攤檔,將工具令到佢哋壓扁變成唔同圖案係佢哋嘅特色,小朋友買完之後會好細心咁將個圖案同餅乾分開,如果成功分開可以免費多一個椪糖,不過事實玩落去真係一啲都唔簡單,只要稍微大力少少就會整斷,所以睇《魷魚遊戲》比賽嘅時候,會相當緊張。

 

  《魷魚遊戲同款》韓國傳統焦糖餅DIY工具組+蘇打粉




2. 鯛魚燒(붕어빵)

韓國 鯛魚燒


鯛魚燒係眾所周知嘅冬季小食,鯛魚形狀入面會加入紅豆,自日本殖民時期引入之後,呢款零食變得更大眾化,特別係1950至1960年代,當時美國大量進口麵粉,令鯛魚燒變得更加普遍。


  韓國秋冬8款麵包


1970年代

1. Ice Cake(아이스께끼)韓國 Ice Cake

문화저널21韓國懷舊小食 Ice Cake

동아일보


呢個可以話係雪糕嘅舊版本,聽講Ice Cake發音係源自於日本,主要係用一支棍加入糖精同香料,然後將佢哋雪凍,雖然同而家嘅雪糕差好多,不過當時可以話係代表性嘅零食之一。賣家會孭住上面個箱邊行邊大叫話有雪糕賣(有啲似以前香港賣飛機欖嘅方式),喺炎炎夏日見到,特別開心。




2. Jjoljjol-i쫄쫄이)

韓國零食 Jjoljjol-inewsis


呢個零食唔同廠商都會有唔同嘅名,例如有쫄쫄이(jjoljjol-i)、쫀득이(jjondeug-i)、쫀쫀이(jjonjjon-i)等,佢係用咗麵粉、粟米粉同糖去整,整成一條長方形,識落好煙韌,甚至有啲人會烤嚟食添。



1980年代

1. 阿波羅(아폴로)

韓國 阿波羅

라이프


阿波羅係將飲管入面分成有士多啤梨、香蕉、提子、朱古力等口味,係韓國小編最鍾意嘅零食之一。


阿波羅零食


因為佢嘅長度同形狀有啲似煙,唔少小朋友成日都會扮大人咁樣食煙,不過乖嘅小朋友千祈唔樂學啊!




2. 寶石戒指(보석반지)

兒時小食 寶石戒指

스타뉴스


呢款零食對當時嘅小朋友嚟講可以話係一個奢侈品,喺膠戒指上面整成一個好似寶石咁鮮艷嘅糖,唔單只係韓國,以前香港都唔少小朋友買嚟食。



1990年代

1. 漢堡包啫喱(햄버거젤리)

漢堡包啫喱


漢堡包、可樂、炸薯條等形狀整成啫喱,就好似食緊一個迷你套餐咁,以前有啲學生為咗想做班長,甚至會話請全班食漢堡包,點知當佢做到之後,只係送呢一個漢堡包啫喱。  


  韓國中學獨有文化




2. 油漆糖(페인트 사탕)

韓國零食 油漆糖


喺文具舖只係賣₩200一粒,食嘅時候條脷會變成唔同顏色,不過唔少家長都唔太買俾小朋友,因為聽講對身體唔好。


油漆糖 韓國

 라이프

甚至仲會有出啤酒形狀,小朋友最鍾意扮飲緊酒,不過實際嘅味道黃色係芒果味,以白色就食落似菠蘿。



2000年代

1. 比卡超豬排(피카츄 돈까스)韓國 比卡超豬排

 news1


呢個以比卡超造型整成嘅豬扒,喺2000年代相當流行,成日都可以喺學校門口、文具舖,或者一啲小食店搵到。不過佢有一個好奇怪嘅傳說,有啲人話係用白鴿肉嚟整,當然事實根本就唔係咁。




2. 可樂炸雞粒(콜팝)

可樂炸雞粒  헤럴드 경제


呢個產品係2000年由連鎖店品牌BHC所創,佢係用咗一個杯係裝好似爆谷大細嘅無骨雞肉,而下面就裝咗可樂。韓國小編話只要係星期六返學,或者係去啲大型運動會,經常都會見到呢種小食出現,亦因為咁BHC亦都咁多人識,知名度提高咗好多。


唔少零食其實同香港都有啲相似,對大家嚟講最懷舊嘅小食又係啲咩呢?歡迎留言話俾我哋知。




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon
熱門文章