韓國人真係咁食得辣？
韓國人無辣不歡？點解佢哋咁鍾意喺煮飯嘅時候加辣椒？辣椒有咩咁好？
Hello，大家好，我哋係由韓國人每日提供最新韓國旅行資訊嘅Creatrip。
一講到韓國，就會好容易諗到泡菜、炒年糕等都係紅卜卜好似好辣咁，不過大家又知唔知一開始韓國人都唔太食辣嘅呢？
辣椒喺17世紀之前，韓國一啲都唔流行？
好多研究認為，辣椒係喺 16 世紀早期傳入韓國，當時日本1592年至1597年入侵朝鮮。 日本同葡萄牙有貿易來往，葡萄牙人帶嚟嘅其中一件食物就係嚟自中美洲嘅紅辣椒。
喺戰爭完咗之後，韓國同日本雙方以促進文化交流。 韓國接受日本嚟嘅紅辣椒，日本接受韓國藝術瓷器製作技術。
韓國醫學參考文獻「鄕藥集成方」（향약집성방）由世宗15年（1433年）開始就喺韓國料理中，用咗紅辣椒，證明辣椒美食誕生。 喺鄕藥集成方，紅辣椒粉（고추장）被稱為초장（椒醬）（cho-jang）。
雖然佢喺好早就有出現，不過直到17世紀，紅辣椒先喺韓國廣泛使用，喺17世紀初左右，韓國人養成對「辛辣」口味。喺再早幾個世紀前，韓國人只係依靠鹽同發酵嚟保存食物，當時醃蘿蔔係其中一樣幫助韓國人過冬嘅一道菜。1670年至1750年係韓國糧食歉收時期，好多人陷入糧食短缺。 天氣變化令製作鹽嘅過程變得困難。 呢個時候紅辣椒出現，變成一種珍貴同常用香料。
韓國Kimchi最初係喺冬天用鹽同其他香料製成，之後將佢擺入一個叫 Onggi 嘅傳統陶瓷入面。最初泡菜係一道唔辣嘅小菜，喺去到16世紀，嚟自美洲嘅第一批辣椒改良當時泡菜口味，變成而家韓國人成日會食嘅一款，由大白菜、大蒜、生薑、紅辣椒等醃製而成。
點解韓國人咁鍾意食辣？
1. 食辣可以刺激味蕾
辣味可以刺激味蕾，紅卜卜嘅食物睇落去都更有吸引力同好味。本來朝鮮英祖國王咩都唔鍾意食，係直至有韓國辣椒醬出現之後，呢位國王先開始恢復食欲。 之後宮入面，唔少菜式都會加入辣椒醬。
2. 食辣可以保暖
根據古代觀念，辛辣有助暖胃，可以保暖身體，所以過去韓國人都會選擇食辛辣嘅食物嚟禦寒。 大家喺冬天嚟韓國，就會發現好多人都鍾意喺街邊邊食年糕，同時食串魚糕加飲返杯魚糕湯。
3. 食辣可以減壓
好多現代韓國人都會鍾意食辣嘢去令身體放鬆同舒壓。 食完辣出一身汗，身體鬆啲之如仲可以冇咁緊張。另外食辣大腦會產生血清素，大家可以短暫舒壓同忘記悲傷。
4. 食辣可以有肋於減肥
辣椒中有好強嘅發熱能力，食嘅時候有助於燃燒體內脂肪。 另外食辣好多時都會出汗，證明身體卡路里不斷燃燒緊！
5. 食辣可以變靚
辣椒含有大量維他命C同膠原蛋白，所以如果食適量嘅話，對皮膚都好有幫助，同時仲有抗衰老作用。
韓國好多用辣椒整嘅料理，當中有邊款大家食完一直都會想食嘅呢？歡迎留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
