Hello，大家好，我哋係由韓國人每日提供最新韓國旅行資訊嘅Creatrip。
由同名漫畫改編而成嘅韓劇《我的室友是九尾狐（心驚膽跳的同居）》，喺早前已經大結局咗，但張基龍同惠利呢對假情侶，每一次嘅互動睇見都令人心動！劇當中好多拍攝地都係拍拖聖地！之後同另一半嚟韓國旅行，都可以去今次小編介紹嘅地方打卡，影出甜密情侶相。
備註：劇照、畫面照片來源為tvN
我的室友是九尾狐拍攝地
1. 珈琲島三清店（가배도 삼청동）
- 地址：서울 종로구 북촌로5길 56-8
- 時間 : 星期一至星期四10:00至21:00；星期五至星期日10:00至22:00
《我的室友是九尾狐》第3集入面，999歲九尾狐（又如）同李潭行入珈琲島嘅時候，咁啱俾善友學長撞到，之後就追咗上去，亦都算係又如同學長第一次正面對決（？）呢間Cafe位於三清洞，好有日式氣息同神秘，之後如果大家去，千祈唔好錯過小編提供嘅優惠券啊！
2. 全州韓屋村（전주한옥마을 은행로）
- 地址：전북 전주시 완산구 풍남동3가
《我的室友是九尾狐》一開始，李潭嘅朋友飲醉之後就一直跑，之後直接撲上一架紅色名車，咁啱車主就喺身邊，同時係李潭同又如難分難捨嘅命運……佢哋一直跑嘅大街，大家有冇覺得好熟口面呢？呢度就係好多人都去過嘅全州韓屋村！
3. 廣寒樓苑（남원 광한루원）
- 地址：전북 남원시 요천로 1447
呢度係位於南原嘅「廣含樓苑」，如果大家之前有追《哲仁王后》應該會發現係同一個景點。
4. Dirty Trunk（더티 트렁크）
- 地址：경기 파주시 지목로 114
- 時間：09:00-22:00
喺第10集，李潭同又如拍拖第4日就去咗約會，佢哋去咗一間位於坡州嘅「Dirty Trunk」Cafe，因為夠大，而且裝修設計得好華麗，唔少人都會專情去打卡，而佢哋坐緊嘅位置係喺2樓，大家到時如果去到就唔好錯過啦！
5. 光明洞窟（광명동굴）
- 地址：경기 광명 가학로85번길 142
《我的室友是九尾狐》完結篇開頭，又如意識到自己即將要消失，同李潭去咗好多地方拍拖，其中一個閃閃發光、充滿神祕感嘅景點，就係位於光明市嘅「光明洞窟」啦！唔少韓劇都嚟過取景，就連《Running Man》都嚟過拍攝。
6. The Dreamping（더드림핑 글램핑）
- 地址：경기 남양주시 화도읍 북한강로 1630-18
《我的室友是九尾狐》Happy Ending嘅經典場景，李潭同又如兩人手中拎住紅線，可以知道佢哋唔再拆散嘅緣份。呢一個拍攝地位於南楊州嘅「The Dreamping」，好多韓國人都鍾意嚟呢度露營，大家之後又會唔會想同朋友、另一半、屋企人嚟呢度度過美好時光呢？
7. NC百貨公司新九老店5樓（NC백화점 신구로점 5층）
- 地址：서울 구로구 구로중앙로 152 5F
韓國真係有好多圖書館可以去打卡，今次佢哋取景係喺九老站嘅「NC百貨」五樓圖書區，有興趣嘅朋友，記得要去打卡啦！
8. 雲井BLOSSOM（운정 블라썸）
- 地址：경기 파주시 가람로21번길 46
呢間花店同時係一間複合式嘅cafe，佢亦都係位於坡州，之後去完Outlet行，又想去嘆杯咖啡嘅朋友，可以嚟呢間！
9. Cafe 4M（카페포엠）
- 地址：서울 종로구 북촌로5길 19-4
- 時間：平日10:30-22:00；週末11:00-22:00
《我的室友是九尾狐》第3集，李潭叫又如教佢點先可以令善友學長死心，當時佢哋喺嘅cafe位於北村，叫做「Cafe 4M」，喺第4集都有出現過，呢度有一塊超大透明落地玻璃窗，可以一眼望到出面嘅風景。
10. MOCHUISLE（모쿠슈라）
- 地址：경기 파주시 탄현면 헤이리마을길 54
又如嘅好朋友惠善，當時第一集佢哋就係喺坡州市嘅「MOCHUISLE」，同時係坡州最出名嘅Hyeri藝術村，嗰度每一間餐廳、商場都好似大型博物館咁，去到大家會發現好多驚喜。
11. 木浦章魚村（목포낙지마을）
- 地址：서울 마포구 월드컵로32길 11
唔知大家記唔記得有一集係又如同李潭兩個人去排隊食章魚，點知排到嘅時候，食材已經賣哂....原本小編以為係PPL（韓國植入式廣告），但後嚟覺得應該唔係，望見咁多人排隊去食，小編都好好奇，下次想去食
以上係小編整理韓劇《我的室友是九尾狐》拍攝地，當中有冇邊個地方係去過，或者之後會想去嘅呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
