韓國「國民XX」稱號
韓國人嘅「國民xx」邊個擔當得起？仲有國民四大公共財？五大國寶？
Hello，大家好，我哋係由韓國人每日提供最新旅行資訊嘅Creatrip。
大家應該都係成聽到「國民初戀」、「國民MC」等等，被冠上「國民」稱號，當中有咩意義呢？就係嗰個人所代表嘅形象，深受大眾認同同喜愛。小編今次列出韓國人心目中，認定為「國民XX」嘅系列，睇吓有咩人上榜啦！
韓國國民系列
國民初戀 - 秀智
講到韓國「國民系列」第一把交椅，梗係「國民初戀」啦！至今冇人能改寫呢個稱號嘅秀智，當年以電影《初戀築夢101》奠定咗韓國人對「初戀」嘅形象。即使之後，有冇數部描繪初戀嘅電影，絲毫都動搖唔到秀智「國民初戀」呢個稱號。
國民MC - 劉在錫
全韓國都認同嘅主持人係邊個？唔使講都知係劉在錫！出道至今幾乎零負評，喺節目、頒獎典禮上，佢得體、溫暖人心嘅發言，私底下又成日做善事，實在令人深感敬佩。喺今年（2021年）第57屆百想藝術大賞中，劉在錫除咗以出道30年資歷，榮獲大賞之餘，評審團都話，喺快速變化嘅綜藝市場，劉在錫企喺最前，帶領住改變嘅方向，一次又一次突破自我，掀起新一波潮流，劉在錫確實無愧於國民MC呢個稱號。
國民女團 - 少女時代
要討論韓國國民男團係邊隊，可能會引發韓國內戰（？），但針對「國民女團」呢個稱號，相信大家都認同係少女時代。對唔少人嚟講，少女時代絕對係心中永遠嘅經典，無法超越嘅存在。可能喺少時之後，新出嘅女團成績、銷量比佢哋好，但對一齊經歷過Kpop起起跌跌嘅fans嚟講，一講到韓國女團，一定會提到少女時代。
睇電視嘅唔單只得追Kpop嘅年輕人，所以韓綜《認識的哥哥》中，唔理邊個嚟做嘉賓，都要喺胸前掛名牌，而少女時代係少數上《認哥》時，全員唔使戴名牌，而電視機前嘅韓國觀眾都認識嘅存在，各個成員雖然有啲無再續約，但少女時代仍然未解決，大家喺唔同領域發展緊，「國民女團」嘅稱號當之無愧。
國民妹妹 - IU
喺韓國，俾人有親切感，有鄰家妹妹感覺嘅女星，同時認知度高到全國民都認識嘅話，就會被冠上「國民妹妹」稱號。除咗影歌影視三棲都獲得超高人氣同認名度嘅IU，其他好似係朴寶英、金所泫、金裕貞等人，都曾經被冠上「國民妹妹」呢個稱號。
國民弟弟 - 俞承豪/呂珍九/朴寶劍
童星出身，奠定「國民弟弟」稱號嘅俞承豪同呂珍九，同喺好多韓劇中以清新形象現身，獲得「國民弟弟」稱號嘅朴寶劍，雖然真實年紀上可能已經唔係「弟弟」，但韓國人講到「國民弟弟」仍然會諗起佢哋。
國民媽媽 - 金美京/金海淑/李姃垠
喺韓劇入面通常扮演母親角色，雖然唔係主角，但喺同主角一齊掀起嘅親情，有時比主角嘅愛情戲更加感人。除咗呢三位女演員喺韓國有「國民媽媽」嘅稱號之外，李壹花、高斗心、張慧珍、藝秀晶、金惠子等人，都喺唔同嘅作品中以母親形象，獲得眾人關注。
國民媳婦 - 俞利
喺綜藝《青春不敗》中，少女時代成員權俞利深得當地婆婆、媽媽歡心，多次表示希望俞利做佢哋嘅媳婦，憑住健康、爽朗嘅形象，奠定咗「國民媳婦」稱號，而呢個稱號至今似乎冇人能敵。
國民年下男 - 丁海寅/徐康俊
喺《經常請吃飯的漂亮姐姐》扮演溫柔年下男嘅丁海寅，同埋以《別有用心的單身女》奠定「國民年下男」稱號嘅徐康俊，對韓國人嚟講，都係心目中對於「年下男」嘅標準定義。呢個稱號同國民妹妹、弟弟一樣，會跟住時代口唔同而演變，但呢兩位年下男嘅形象至今深深烙印喺大多數韓國人嘅腦海入面。
韓國四大公共財 - 炫彬/孔劉/蘇志燮/姜棟元
雖然有講一套韓劇換一個老公，但炫彬、孔劉、蘇志燮同姜棟元呢四位演員係韓國人最有共識嘅四大男神，稱為「四大公共財」。佢哋唔只係韓國影劇的票房、收視保證，亦都係大家公認為屬於全體韓國人嘅寶貴資產。但隨住蘇志燮結婚封盤，玄彬年初又認同孫藝真拍拖，四大公共財會唔會有所變化呢？大家又想加入邊個成為新嘅公共財呢？
韓國五大國寶 - 奉俊昊/孫興慜/BTS/金妍兒/Faker
大家知唔知「韓國國寶」嘅定義係咩呢？除咗歷史、文化財產，有一部份人被稱為「國寶級人物」，因為佢哋為韓國爭取至高無上嘅榮耀，留下歷史印記。足夠被稱為「韓國國寶人物」嘅包括：第一個首週空降美國Billboard 冠軍嘅韓團BTS、第一個橫掃奧斯卡獎嘅韓國導演奉俊昊，以及亞洲第一位係英超單場踢入4球嘅旅外足球員孫興慜、帶領韓國攞第一塊冬季奧運金牌嘅金妍兒。除咗以上4位之外，韓國電競界上稱為傳奇嘅選手Faker，亦被部分人推崇入韓國國寶名單之內，但仍然有所爭議。
除咗以上被稱為「國民XX」嘅人物之外，大家仲有無諗起邊個撐得起「國民XX」嘅稱號呢？歡迎大家留言同小編分享。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
